كيفية التخطيط الجيد ابدا والنهايه في مخيلتك
التخطيط للسنة الجديدة
"ابدأ والنهاية في مخيلتك "⛳
أهداف+خطة+التزام=وصول
◀️البوست ده يعتبر كنز لأي حد عايز يبدأ السنة الجديدة بداية صح.
هنتعلم فى الكورس ده
تحميل كورس التخطيط الفعال مجانا
كورس التخطيط الفعال مجاني
التخطيط الفعال
كورسات Planning
كورسات عن التخطيط
دورة التخطيط الفعال دكتورة اي
كورس التخطيط الفعال
كورس التخطيط الفعال كوبون
نبتدي أول حاجة أزاي نخطط للسنة الجديدة ؟
📌أول حاجة هات ورقة وقلم وقيم السنة اللي فاتت🔎 يعني أحنا داخلين على 2022 يبقى لازم نقيم 2021 كويس، ونشوف الأخطاء اللي أرتكبناها فيها وأهم المشاكل اللي واجهتنا وأتعلمنا منها.
📌أعرف نقاط قوتك ونقاط ضعفك علشان نقاط ضعفك تقويها وتستغل نقاط قوتك صح
(أعمل أختبار ال 16personalities وهو هيعرفك)
في البداية عندنا حاجتين هنستعين بيهم علشان نعرف الهدف صح 👌وهما
طريقة (POSEE) و طريقة (smart goal) وبشوف إن الطريقتين مكملين لبعض ولذلك هقولهم هما الأتنين.
◀️طريقة POSEE
✅وأنت بتحدد أهدافك صيغ الهدف بإيجابية positive يعني تقول أنا عايز كذا مش أنا مش عايز كذا ( أنا مش عايز أسقط ❌) (أنا عايز أنجح✔)
الطريقة تختلف واستجابة العقل اللاواعي هتفرق في الحالتين فركز.
✅ الهدف يكون own part يعني يخصك
(هدفك مش هدف حد تاني، التغيير يكون فيك مش يكون هدفك تغيير الكون علشان راحتك)
✅ يكون هدفك specific يعني محدد وواضح 👌
✅ تأثير الهدف على حياتك Ecology أو ال مصلحة بمعنى هل تحقيق هدفك ده هيأثر بالسلب على باقي جوانب حياتك، أو هيأثر على الناس من حواليك لو كدا يبقى الهدف ده مش مناسب ليك🤷♀️
◀️ وضع هدف ذكي بطريقة SMART GOAL
✔ يكون specific و simple يعني بسيط ومحدد (تبقى عارف الهدف وعارف جوانبه🎯 )
✔ يكون هدفك قابل للقياس measurable (يعني تبقى عارف هل أنت بتتقدم فيه ولا لأ ، خطواتك دي هتوصلك ليه ولا لأ )
✔ قابل للتحقيق achievable
( يكون منطقي غير مبالغ فيه )
✔ يكون مناسب لوضعك وحياتك relevant
✔ محدد بوقت timely يكون ليه وقت نهائي ⌛
بعد ما عرفنا صفات الهدف الكويس وأذي تقدر تعرف هل الهدف اللي هتحطه مناسب ليك ولا لأ
ندخل على وضع الخطة💡
في البداية حابه أقولك مينفعش تحط أهداف عشوائية لازم تحط خطة بأهداف تخدم جوانب حياتك كلها وتحققلك ال balance في حياتك ولذلك حابه أوضحلك الجوانب دي واللي بتسمى ب life wheel أو عجلة الحياة.
١- الجانب الصحي🌿
أنت هنا هتفكر مطلوب منك أيه علشان تكون بصحة أفضل أو أيه اللي ممكن تعمله علشان تحافظ على صحتك.
٢- الجانب الروحاني 🌱
صدقني كل ما كنت قريب من ربنا، كل ما كان عندك طاقة إنك تكمل ...شوف أنت محتاج تقرب من ربنا أذاي هل هتاخد خطوة و تبدأ تصلي و هل هتحدد عدد أجزاء من القرآن تحفظه وهكذا...
٣- الجانب الإجتماعي 👬
هل علاقتك باللي حواليك كويسه؟ ولو لأ . أيه الحاجات اللي لو عملتها هتحسن علاقتك باللي حواليك: علاقتك بأهلك، بأصحابك، بجيرانك ...
٤- الجانب المهني 😎
محتاج أيه علشان تتطور في وظيفتك أو تترقى أو تحصل على مكانة حلوه فيها. ممكن تعمل ايه يخليك مميز في شغلك...
٥- الجانب المادي 💵
حاليًا وضعك المادي عامل ازاي هل مكفي أحتياجاتك ولا لأ، لو محتاج تطور وضعك المادي هل فيه حاجة ممكن تعملها هتساعدك في كدا، أو فيه مهارة ممكن تتعلمها تحققلك دخل مادي؟
٦- الجانب الشخصي 😇
علاقتك بنفسك عاملة أذاي هل محتاج تفهم نفسك كويس وتبقى قريب منها؟
-هل محتاج تهتم بنفسك أكتر؟
-أيه الكورسات اللي ممكن تساعدك تطور من نفسك؟ أيه الكتب اللي حابب تقرأها؟
- أيه المهارات اللي حابب تكتسبها؟
٧- الجانب الدراسي 📖
-مستواك الدراسي عامل أذاي وعايزه يبقى أذاي؟
- عايز تعلي ال score بتاعك؟
طيب ايه الخطوات اللي هتوصلك لكدا؟
🔷 كدا أنت تمام جدًا ولو مشيت على الخطوات اللي فوق دي هتعمل خطة في قمة العظمة ... كل اللي عليك دلوقتي إنك تجيب ورق وتبدأ تدون فيه وياريت يبقى منسق وكويس🌿
◀الخطة الشهرية ✌
☆ كل شهر بيبقى ليه خطه وبتبقى مبنيه على الخطه الرئيسة بتكتبها على أساس الشهر .
والسؤال فيها بيبقى أيه اللي اقدر أعمله في الشهر ده يوصلني لأهدافي؟
☆ نهاية كل شهر بيبقى فيه تقييم للشهر
- أيه اللي قدرت أحققه في الشهر ده ؟
- أيه الحاجات اللي أتعلمتها ؟
- أيه الحاجات اللي وقعت فيها وهحاول أعدلها الشهر الجاي؟
☆ كافئ نفسك كل شهر علشان جهدك يستحق المكافأة والمكافأة بتولد الدافع والدافع بيولد الإستمراريه🎁
◀الخطة اليومية
♡ بالليل حاول تعمل ال to do list بتاعة اليوم اللي جاي ، وأكتب هتعمل أيه تبعًا لأهداف الشهر.
♡ أعمل ال to do list على ورق أو باستخدام تطبيق متخليهاش في مخك بس وتقول أنا عارف هعمل أيه ...التسجيل مهم
♡ خصص note وسميها نوتة الإنجازات وكل يوم أكتب فيها الحاجات اللي قدرت تحققها وأكتبها بتواريخ ... صدقًا النوتة دي مفيدة جدًا لأنها هتفكرك بأهم إنجازاتك وهتقدر ترجعلها كل ما يصيبك اليأس أو الإحباط.
◀إدارة وقتك في السنة الجديدة
علشان تتحكم في وقتك كويس أمشي على الخطوات دي:
▪أتعلم تقول لأ
-قول لأ أي حاجه هتضرك ومش هتنفعك.
-قول لأ لأي حاجة وأي حد هيستنزف وقتك وجهدك على الفاضي.
▪فوض المهام
- المهام اللي ينفع تخلي حد يعملها بدالك فوضها علشان تقدر توفر وقت تستغله صح.
▪حط حد للملهيات
- استخدم تطبيق من تطبيقات ال app block واللي بيعمل حظر للتطبيقات وأعمل وقت لمواقع التواصل الإجتماعي.
▪خلي حياتك منظمة
- كل مكنت شخص مرتب ومنظم كل ما وافرت وقت أكتر.
- رتب مكتبك وارمي كل الحاجات اللي مش مهمة والورق الزيادة .
- حط الحاجات اللي بتستخدمها في مكان واضح بالنسبة ليك علشان توصلها بسرعة .
▪أتعلم مهارات السرعة
-القراءة السريعة
- الكتابة السريعة ال touch typing
- سماع الفيديوهات بسرعة
أنا كتبت بوستات عن أذاي تواكب عصر السرعة ممكن ترجعلهم؛ لإن ده هيوفرلك وقت كبير.
◀التحديات اللي ممكن تواجهك
• التسويف
-حط في دماغك ديمًا إن اليوم اللي هيضيع مش هيرجع.
- أفضل حل للتسويف إنك أول لما تجيلك فكرة التسويف إنك تبدأ علطول ومتديش أهتمام للفكرة وبعد كدا هتلاقي نفسك أندمجت في الحاجة اللي بتعملها.
- لو فكرت إن كل يوم بيجي ليكِ هو نعمه من ربنا علشان تعمل حاجة كويسة وإن ممكن جدًا اليوم ده يبقى أخر يوم ليك في الدنيا، هتلاقي نفسك بتعمل كل حاجة مظبوطة.
• الفشل
بيقولوا ديمًا إن الفشل بداية النجاح والكلام ده صحيح فلو فشلت أوعا تيأس وكمل لإن كلنا كدا حتى اللي بيظهر قدامك إنه جامد وعمره مبيغلط فهو بيغلط بس بيكابر علشان يستعرض عضلاته قدامك.
• الاستسلام
لنفترض إن يوم من أيام السنة الجديدة معملتش فيه أي حاجة هل هتستسلم، في ناس كتير بتختار الأختيار ده وتقول خلاص الخطة باظت ومش هكمل لكن الكلام ده غلط "كل يوم هو يوم مناسب للبدأ من جديد"
◀نصائح أخيرة
💫 لو وقعت أقف وكمل عادي "كل يوم هو يوم مناسب للبدأ من جديد" ✌
💫متقارنش نفسك بحد "قارن نفسك بنفسك ليكون يومك أفضل من أمسك" 🌱
💫 خلي شعارك السنة دي
"new year, new me" 👑
عارفه إني طولت عليكم جامد ولكن كان لازم أوضح كل حاجة علشان الرؤية بتاعتكم تبقى واضحة 💜
شارك البوست مع أصحابك علشان الكل يستفيد
دعاء القناوي
تقدر تتابع كورساتنا الجديده من هنا