طريقة إستخدام منصة Canva كأفضل بديل مجاني للـPhotoshop
هنعرف مع بعض في المقال ده
منصة Canva كبديل مجاني وفعال للـPhotoshop و كمان هنعرف طريقة إستخدام موقع Canva لإنشاء تصاميم بسهولة
تعالى أقولك بقى يا صديقي Canva عبارة عن إيه
موقع Canva يعتبر من أفضل الأدوات اللي تقدر تستخدمها لتصميم صورك بإحترافية وتعديلها أونلاين مجانا وكمان Canva
بيساعد أصحاب المتاجر الإلكترونية على تصميم كافة الصور والتصاميم اللي بيحتاجوها على صفحاتهم (فيس بوك - إنستجرام - لينكدإن - سناب شات - تويتر - يوتيوب)
ودلوقتي هقولك خطوات تقدر بيها تعمل تصميم إحترافي على Canva
1- إدخل على موقع Canva
2- سجل الدخول عشان تقدر تنشأ حساب على الموقع سواء بإستخدام حساب الـ Facebook أو حساب الـGmail
3- حدد الهدف من إستخدامك للموقع من خلال إختيارك لتصميمات من المعروضة على حسب طبيعة عملك
4- وأول ما تضغط على زرار "Create a design" هيظهر ليك إختيارات تقدر تختار منها على حسب هدف التصميم والمكان اللي هتستخدم التصميم فيه
5- ولما تحدد التصنيف هيتم تحويلك لصفحة التصميم وتقدر تتحكم في كل تفاصيل التصميم بإستخدام Canva
6- لما توصل لصفحة التصميم هتلاقي على شمال الصفحة اختيارات كتير هتساعدك عشان تعمل التصميم المناسب اللي يعجبك
7- بعد ما تشوف كل الإختيارات في صفحة التصميم هتقدر تختار اللي عايز تستخدمه منها في إبتكار تصميم إحترافي
8- لما تختار قالب معين لتصميمك هيظهر القالب ده بالأبعاد اللي إنت حددتها
9- بعد ما تخلص الشكل النهائي لتصميمك تقدر تختار إنك تحمل التصميم على جهازك أو إرسال التصميم لأشخاص معينة
أو نشر على حساب الـFacebook أو Twitter أو تقدر تبعت التصميم بتاعك لإميل أي حد
لو عايز تدخل على الموقع إضغط هنا
عايز أفكرك إننا عرفنا في المقال ده
منصة Canva كبديل مجاني وفعال للـPhotoshop و كمان هنعرف طريقة إستخدام موقع Canva لإنشاء تصاميم بسهولة
لو عايز تعرف أكتر عن أهم 7 مواقع لتبادل اللغات عالميا إضغط هنا