القائمة الرئيسية

الصفحات

ازاى تخرج من منطقة الراحه وتحقق النجاح

       💡أزاي تخرج من الcomfort zone وتحقق النجاح؟ 

ازاى تخرج من منطقة الراحه وتحقق النجاح

💡أزاي تخرج من الcomfort zone وتحقق النجاح؟ 

 هنتلكم عن 

كتاب خطوة خارج منطقة الراحة pdf

أسباب الخروج من منطقة الراحة

طرق للخروج من منطقة الراحة

مقالات عن ال Comfort Zone

كتاب الخروج من منطقة الراحة

فوائد الخروج من منطقة الراحة

مقولات عن منطقة الراحة

إيجابيات وسلبيات منطقة الراحة

منطقة الراحة متسميه منطقة الراحة مش لإنك هتحصل على راحة تامة أنت فقط هتحصل على راحة جسمانية لإنك مش هتبذل فيها مجهود بدني أو عقلي لكن مش هتحصل على راحة تامة لإنك لو كنت في راحة تامة مكنتش بحثت عن أذاي تخرج من المنطقة دي. 

في البوست ده هكلمك عن ال comfort zone وأزاي تخرج منها👑

                     ــــــــــــــــــــــــــــــــــ

❓ليه لازم تخرج من منطقة الراحة ال comfort zone؟ 

1- لإنك مش هتحرز ولا تقدم وهتفضل في مكانك ديمًا ومش هتطور من نفسك وده هيخلي فرصك في الحياة أقل. 

2- منطقة الراحة هتقتل الأبداع اللي جواك يعني مثلًا لو أنت بتحب تكتب وفضَّلت إنك تفضل مرتاح على إنك تمسك القلم وتكتب رواية أو كتاب أو حتى نَص لما تيجي ترجع للكتابة مرة تانية هتلاقي إبداعك قل وده مش في الكتابة بس دا في أي حاجة بتتطلب منك سعي مستمر. 

3- هتكون أكثر عرضة للهشاشة النفسية لإنك قاعد في مكانك من غير أي تطوير فهتشوف نفسك أقل من أي حد قدامك. 

4- مش هتشوف نفسك ولا هتكتشف المواهب اللي عندك لإنك بإختصار راضي بالوضع اللي أنت فيه . 

5- هتتعرض لمخاطر زيادة؛ لإنك مش بتطور من نفسك على المستوى المهني فإحتمال كبير إنهم يتخلوا عنك أو إنك تُصبح شخص غير مقدر ، وأحتمال تعرضك لأمراض كبير لإنك مش مهتم تمشي على نظام غذائي أو تعمل رياضة 🏋 أو إنك تهتم بجسمك أصلًا، وكمان هتزيد من بُعدك الكبير عن ربنا؛ لإن منطقة الراحة بتتنافى مع أوامر الدين بالسعي وكمان ممكن تخليك متأديش فروضك. 

                 ــــــــــــــــــــــــــــــــــــــــ

🗯أسباب وجودك في منطقة الراحة 

1- الكسل: الأنسان بطبعه كسول فبيفضل إنه يفضل في مكانه على إنه يبذل مجهود أو يتعب نفسه حتى لو التعب ده هيجي بفايده ليه 💁


2- شايف نفسك مش محتاج تطوير: في ناس بيبقى عندها كبرياء إنها تطور من نفسها وبتشوف إنها أحسن حد على المجرة ودول أكتر ناس بتفضل في منطقة الراحة؛ لإنهم مش شايفين أي فايدة من الخروح من منطقة الراحة. 

3- الخوف: ناس كتير بتخاف إنها تبدأ تعمل حاجة جديدة بيخافوا إنهم يفشلوا، وبيخافوا من نظرة الناس ليهم أو لتغيرهم أو لإنهم شايفين إن الحاجة اللي هيعملوها الناس مش هتتقبلها. 

4ـ قصر نظرك: وهو إنك مش بتفكر أذاي تطور من نفسك علشان تصنع مستقبل أفضل ليك وحاسس إن كل حاجة easy وإن الحياة وردية وإن الفلوس اللي معاك مش هتخلص وإن الصحة اللي عندك مش هتفنى وإنك تمام التمام. 

بعد ما أتكلمنا عن ليه لازم تخرج من منطقة الراحة ❔وأيه الأسباب اللي مخلياك في منطقة الراحة 💆💆 هنشوف خطوات تساعدنا نخرج من الcomfort zone 🏅

◀️الحل ✔️💡🎯


🔴خليك عارف إن أول خطوة بتبقى أصعب خطوة فخد الخطوة بإنك تخرج من ال comfort zone وخليك قد قرارك وقد الخطوة دي. 

⚪التفكير الإيجابي :

 تخلص من التفكير السلبي لإن التفكير السلبي لو سيطر عليك هتفضل في منطقة الراحة علطول فديمًا قول لنفسك أنا مبدع أنا قادر على تحقيق أي حلم بحلم بيه ✌

🔵الثقة بالنفس: 

 خليك واثق في نفسك؛ لإن عدم ثقتك في نفسك هيخليك خايف إنك تخطي أي خطوة جديدة. 

⚫المحيط: لو المحيط اللي حواليك كسول فأنت غالبًا هتبقى كسول ذي اللي حواليك وده هيخليك تفضل في منطقة الراحة يعني مثلًا لو أنتَ قولت لحد من أصحابك تعالى نروح المكتبة فهو هيقولك مكتبة أيه يا عم أحنا مش بتوع قرايه أو لما تقوله تعالى نروح الجيم هيقولك محنا جسمنا ذي الفل جيم ايه وبتاع أيه... فلو حابب تخرج من منطقة الراحة حاوط نفسك بناس بتحب السعي ناس تدفعك للصح وتبعدك عن الغلط...الرسول -صل الله عليه وسلم- بيقول:(المرء على دين خليله فلينظر أحدكم من يخالل). 

🔴وضع أهداف: 

عدم وضع أهداف بيخليك مش عارف أنت عايز أيه وده بدوره هيخليك واقف مكانك ومش عارف تعمل أي حاجة فامسك ورقة وقلم وأكتب أهدافك وعايز توصل لأيه وليه👌. 

⚫بطل تهرب: 

 بطل تحط أعذار وتهرب من المهام اللي عليك أمشي على قاعدة الخمس ثواني(ال five second rule ) وهي إنك تاخد أي قرار في خلال خمس ثواني بالظبط وده مش هيخليك تفكر في التسويف أو تأجيل المهمة اللي هتعملها 💁

🔵وقت للراحة:

 مش معنى إنك هتخرج من منطقة الراحة إنك متستريحش خالص لأ خلي عندك أوقات للراحة بين المهام علشان لما ترجع تكمل ترجع بطاقة أكبر 🤸

⚪أفرح بأي إنجاز تعمله: 

أعمل Note 📓وأكتب فيها أي إنجاز تعمله حتى لو صغير جدًا لإن ده هيزود تقديرك لنفسك وهيساعدك على الأستمرار.

🔴 غير الطريقة:

 الطريقة اللي بتعمل بيها مهامك هتأثر عليك بشكل كبير يعني لو طريقتك في المذاكرة مملة فأنت هتسيب المذاكرة وتعمل أي حاجة تانية وهتحب إنك تفضل في منطقة الراحة لكن أنت لو غيرت من ديكور مكتبك وعملت بيئة جميلة للمذاكره وأستخدمت طرق حلوة لحفظ المعلومات فأنت هتحب المذاكرة وهتذاكر وتنجز في وقت أسرع ⏳

🔵تحدي علني: أعمل تحدي قدام أصحابك أو على السوشيل ميديا بإنك تنجز مهمة معينة يعني مثلًا أنا ك دعاء نزلت على السوشيل ميديا وقلت انتظروا هنزل مقال عن كذا يوم كذا كدا أنا ملزمة إني أكتب المقال ولو قلت لنفسي معلش نأجل مش هينفع لإن كدا هبان مش قد كلمتي قدام الناس والإنسان بطبعه مش بيحب يبان قليل قدام حد 💁 فجرب الطريقة دي ✔️

⚪حب التغيير: حبك للتغير هيخليك ديمًا بتحب تستغل على نفسك فلازم تتقبل فكرة التغيير وتبدأ من دلوقتي 🤸✌🏻 هتلاقي بوست في أول تعليق عن أءاي تغير حياتك للأفضل 👌

◀️اتمنى البوست يكون مفيد بالنسبالكم و ️️لو أي حد عنده مشكلة أو أي سؤال يكتبه في التعليقات وهرد عليه💬

◀️لو أنت حابب المحتوى اللي بقدمه متنساش تعملي متابعة  علشان يوصلك كل حاجة بنزلها. 

سلام بقا💜🌷

دعاء القناوي

مواقع ستغنيك عن ترجمة جوجل الغريبة

https://bit.ly/3ERhgQL

author-img
نسعي بإذن الله لمساعدة الجميع وتوفير بيئة تعلم متميزة لاكتساب مهارات مايكروسوفت اوفيس بمنهج معتمد والمهارات السلوكية وتطوير الذات وايضا تعلم المهارات الحياتية الازمه لعقل سوى ومطور وايجاد الوظيفه المناسبه للجميع وتلبيه احتياجات الجميع باذن الله

تعليقات