أخر الاخبار

البرمجة افهم برمجة ! ما هي ال Programming ؟ ليه الجافا اهم لغات البرمجة ؟


البرمجة افهم برمجة ! ما هي ال Programming ؟ ليه الجافا اهم لغات البرمجة ؟
البرمجة افهم برمجة !   ما هي ال Programming ؟ ليه الجافا اهم لغات البرمجة ؟

 

البرمجة افهم برمجة 

نفسك تتعلمها وعمرك ما حاولت زي 😅 

بس تسمعها تحس الأمل والألم في نفس الوقت زي 😅

انو مافيش إمكانيات عندك شماعة بتعلق عليها انك ما بتحاولش تتعلمها زي 😅

طيب ما تيجي نتعلمها سوا 

حتي لو نظري ولما الإمكانيات تتوفر نبقي نرجع نتعلم ونطبق، مين عارف مش يمكن يكون الموضوع واقف معانا علي انو نبدا واول ما نبدا تتسهل من عند المولي وتيجي الإمكانيات إلي تخلينا نتعلمها ونطبقها صح ، ونطورها كمان وسعت مني صح ، طيب ما توسع وليه لازم نوقف طموحاتنا...تعالوا نبدأ

يعني اي بروجرامنج Programming يعني اي البرمجة ؟

البرمجة هي اسلوب نحل بيه اي مشكلة بشكل اوتوميد automated يعني اي اوتوميتد ؟

يعني بنحل مشكلة بالاعتماد الكامل أو الجزئي علي الحاسوب.

هل البروجرامنج Programming عبارة عن اكواد ؟


لا مش حقيقي ، انا كنت زيك كدا وفاكرة أنه البرمجة عبارة عن اكواد طويلة ورخمة بحطها بشكل معين ، وانو صعب اتعلمها.

طيب امال اي ؟

البرمجة هي مشكلة محتاجه حل واي مشكلة عشان احلها محتاجه خطوات من ضمنها استخدام الاكواد.

وعلي فكرة استخدام الاكواد هو الخطوة الأخيرة من حل المشكلة اقصد من البرمجة فاهمني طبعاً.

طيب اي هي خطوات البرمجة ؟

ممكن نتفق مع بعض أنه البرمجة خطوتين وليهم تالت في بعض الأحيان .

رقم 1 انك تفهم المشكلة Analyse the problem :

وللتوضيح انت جعان مشكلة حلها في الأكل ؟! دا من وجهة نظرنا احنا لكن من وجهة نظر البرمجة 

المشكلة : انت جعان 

حلها 

Input ➡️ processing ➡️ output

مدخلات⬅️ معالجة ⬅️ مخرجات 

ببساطة زي كل مسائل الكيمياء .

في المثال اللي فوق 

المدخلات بتاعتنا هي نوع الاكل 

المعالجة بتاعتنا هي هضم الاكل عملية الأكل نفسها

المخرجات بتاعتنا هي الشعور بالشبع نتيجة للخطوات اللي فوق.

 من هنا كانت البرمجة حل مشكلة .

لو انا واحد عايز اصمم برنامج يحسب الرواتب والمكافأت محتاج يبقي

 عندي Input مدخلات في صورة رواتب ،واسماء عملاء، والشهور ،وعدد الايام اللي بيشتغلوها وعدد الايام الاجازه وهكذا 

وعندي processing  معالجة في صورة معادلة بتشتغل علي كل القيم اللي في ال Input

وعندي output  مخرجات في صورة القيمة الرقمية لكل واحد  من الموظفين ودا ناتج المعادلة.


وضحت .

إن شاء وضحت .😅

في حاجه مهمة بقي في فهم المشكلة لازم نعرفها ونتعلمها

الخوارزميات Algorithm؟!

 نهدي بقي ومانتخضش احنا هنا بنفهم وبس...

الخوارزميات هي خطوات حل المشكلة .

اي دا مش احنا قولنا أن حل المشكلة مراحل مدخلات ومعالجة ومخرجات .

مظبوط 🌼 بس اي خطوات كل مرحلة ؟

هي دي الخوارزميات .

لما بنجي نطبخ بنعمل اي .

بنحضر المكونات 

بنحط المكونات علي بعض بالترتيب الصح سوا مرة واحد او علي مرات 👇

بنعمل معالجة بالتسوية علي النار وممكن أثناء المعالجة نحتاج نضيف باقي المكونات 

بنحصل علي النتيجة مع تمام التسوية وممكن بعد التسوية نضيف بعض المكونات .

دي خوارزمية الطبخة  تكنيك الطبخة.

وكذلك البرمجة ليها تكنيك اسمه خوارزمية أو Algorithm.


الخطوة رقم 2
تحويل الخطوات الي اكواد Implement the algorithm.

الكمبيوتر مش بيفهم لغتنا زي ما احنا مش بنفهم لغة الاجانب وعشان نتواصل مع بعض ك بشر لازم يبقي في لغة مشتركة .

هما بقي اتعلموا لغتنا احنا اتعلمنا لغتهم أو فيه لغة احنا الاتنين بنتكلمها بخلاف اللغة الأساسية اللي كل واحد فينا بيتكلمها المهم لغة نفهم بيها بعض أن شاء الله حتي نفهم بعض بالإشارة.

وعشان الكمبيوتر مش هيفهم اي لغة بنتكلمها ولا حتي لغة الإشارة 😅

فكان لازم نتواصل ودا عن طريق الاكواد!

ما هو دور الاكواد ؟

الكمبيوتر بيفهم لغة (0,1)

الاكواد هي عبارة عن أوامر انا بطلب من الكمبيوتر أنه يعملها الاوامر دي مكتوبة بقواعد معينه بحيث الكمبيوتر يفهمها بلغته اللي هي الصفر والواحد وبعدين ينفذها ويرجعهالي باكواد تترجمها بلغتي 😅

لفة صح بس لفة حلوه ❤️🦋

هل الاكواد مختلفة ولا كلها ثابتة ؟

الاكواد بتختلف باختلاف القواعد اللي بستخدمها في الكتابة واللي اسمها Syntax واللي بتختلف باختلاف لغة البرمجة اللي بنستخدمها . بس ولحسن الحظ القواعد دي متشابهة في معظم لغات البرمجة.


ممكن أمثلة علي لغات البرمجة ؟

طبعاً ممكن 

C++, C#, Java, PHP

وغيرها كتير ...

طيب نيجي للخطوة اللي بعد كدا 

الخطوة رقم 3 " الإضافية" 

وهي الصيانة Maintenance

ودا بيكون عن طريق الإضافة أو التعديل أو الحذف .

انا دلوقتي عملت برنامج وحابة ازود ابوشن مش موجود هعمل  اي ؟ هضيف الاكواد اللي مسؤولة أنها تنفذلي الأمر دا 

ولو في ابوشن حاابب اني اعدلة وبدل ما بيعملي عملية طرح اخليها جمع فهاعدل علي الاكواد .

لا محتاج اني احذف أمر معين مثلاً فهاحذف الاكواد المسؤولة عن الأمر دا.

ودي خطوة مش اساسية ولكنها اضافيه في حال حابب اني اعدل علي البرنامج.


طيب اي افضل لغات البرمجة اللي لو حابب اتعلم برمجة أبدا بيها ؟


لغة  الجافا Java وقبل ما تقول ليه هقولك ليه ؟ 😅👇

في الاول اي هي لغة الJava ؟

هي لغة برمجة تم تطويرها 1991 من لغة برمجة أخري تعرف ب ++ C .وهي لغة تعمل علي جميع أنظمة التشغيل مثل Windows, Mac وغيرها من الأنظمة.

وهي اشهر لغات البرمجة.

استخداماتها ؟

بنستخدمها في جميع التطبيقات وهي العمود الفقري لبعض أنظمة التشغيل مثل الأندرويد.

تستخدم بردوو في بناء واجهة التطبيقات والرسومات وانشاء تطبيقات الهواتف المحمولة وتطبيقات الويب وغيرها .

مميزاتها ؟

بسيطة وسهلة التعلم مقارنة بغيرها من لغات البرمجة.

وليها مصادر كتير وبتنفذ الأوامر بتاعتنا بسرعة وهي الاكتر طلبا في الشركات والاهم من كدا مجانية تماماً وهتفضل مجانية .

كمان لو مش معاك جهاز كمبيوتر عالي المواصفات فاي جهاز ينفع ابسط ي عم .🥳👏

أبدا بقي اتعلمها بسرعة ؟

اي حيلك مش كدا لازم الاول تتعلم الخوارزميات 

ودي بلاي ليست اتعلم خوارزميات صح منها الأول ها الأول وعشان نبدا  نضغط هنا...

أما إذا كنت متعلم الخوارزميات فاسمي وادخل بقي برجلك اليمين   🥳👏👏👏

المصدر الأول هنا  وهنا وهنا وهنا 

المصدر التاني  هنا والمصدرين الاول والتاني نفس الشيء خلص واحد فيهم اللي ترتاح معاه وبعدين ادخل علي المصدر التالت من  هنا 


دي مصادر رائعة عشان تتعلم جافا صح !

واهم شيء لو عندك إمكانيات ولو حتي بسيطة ابدأ من دلوقتي اتعلمها وطبق لأنه انت الكسبان. و

نضيع وقتنا في حاجه صح مرة ولا اي .🙃👊

دعوة حلوة بقي 😅💙🦋

ولو حابب تتعلم حاجات اكتر اقترح عليك 

  • كورس الذكاء الاصطناعي من Intel مجانا هنا
  • موقع معتز الخرافي لتحميل كل برامج الكمبيوتر من هنا 
  • لتحميل نسخة اوفيس 2021 مفعلة من الموقع الرسمي لمايكروسوفت  اضغط هنا 
  • افضل التطبيقات لتعلم البرمجة من هنا
  • افضل كورسات البرمجة من الصفر  هنا




تعليقات



حجم الخط
+
16
-
تباعد السطور
+
2
-