خطوات تطوير الذات والثقة فى النفس تحدي ال ٦٠ يوم
تطوير الذات في العمل
تطوير الذات والثقة بالنفس
مهارات تطوير الذات
تطوير الذات كتب
أسرار تطوير الذات
عبارات تطوير الذات
قوانين تطوير الذات
تحدي ال 60 يوم 💪
◀️ال 60 يوم اللى جايين ازاي تستغلهم صح علشان تنهي السنة دي وأنتَ محقق إنجازات كتيير 💪❤
أولًا لازم تهتم بجوانب حياتك كلها وتحاول تحقق إنجاز ولو بسيط في كل جانب فيهم.
*(هتلاقي روابط أي حاجة أنا بذكرها في ال مقال موجودة تسهيلًا عليك 💭💭)
🔴الجانب النفسي واللي بشوفه من أهم الجوانب اللي لازم تخلي بالك منه واللي بنصحك تعمله هو كالآتي:
1- تسمع سلسلة مع نفسي ل د.عبدالرحمن ذاكر الهاشمي.
3- تقرأ post أذاي تعيش اللحظة اللي نزلته هنا على الجروب واللي هتلقيه في التعليقات.
4ـ أقرأ كتاب سلام ل أحمد عبدالمجيد.
ـــــــــــــــــــــــــــــــــــــــــــــ
🔵الجانب الروحي
"من وجد الله فماذا فقد ومن فقد الله فماذا وجد"
1- صلي لازم تصلي وتبدأ من دلوقتِ؛ لإن الصلاة أول شئ هتتحاسب عليه ومفيش أي مبرر يخليك متصليش فأبدأ صفحة جديدة مع ربنا وأفرد سجادتك وصلي وأنصحك بقراءة كتاب فاتتني صلاة ل إسلام جمال، وكمان اللي بيصلي يراجع نفسه هل صلاته تليق بالله ولا لأ، ابن القيم بيقول: ( إما أن تصلي صلاة تليق بإلهك أو أن تجد إلهًا يليق بصلاتك) .
2- راجع نفسك مع العبادات ذي الصدقة والصوم
3- قراءة أذكار الصباح والمساء كل يوم
4-القرآن ابدأ بحفظ صفحة كل يوم 📃 عارف لو حفظت صفحة كل يوم هتخلص 3 أجزاء حفظ من القرآن، بس أنتَ أعقد النية وتوكل على الله ❤
5ـ اسمع سلسة التربيةالإيمانية ل المهندس فاضل سليمان.
6- خلي ليك ورد من الذكر كل يوم صدقني هيفرق معاك جدًا ❤
7-اسمع سلسلة التزمت ثم ماذا ل د. حازم شومان.
8- اسمع سلسلة التربيه الروحيه للمهندس فاضل سليمان.
ـــــــــــــــــــــــــــــــــــــــــ
⚫الجانب الجسدي والصحي
هنا بعض العادات اللي هتفيدك جدًا على المستوى الصحي والجسدي🏋🏃
1- الرياضة لازم تخصص ولو 10 دقايق من يومك للرياضة وصدقني هتفرق جدًا معاك.
2- عادة بسيطة وجميلة جدًا هي غسل الأسنان كل يوم، عارفه إنك ساعات كتيير بتستتقل تقوم تغسل أسنانك لكن خليك فاكر إن تعب غسيل الإسنان ميساويش حاجة قدام ألم الأسنان 💁
3- شرب الماء: لازم تخلي بالك من النقطة دي، أنت عارف المفروض تشرب ميه 💦 قد أيه⁉️ المفروض تشرب من 2.5 ل 3 لتر في اليوم ولو عرفتم قد أيه الميه مفيده للجسم والعقل وللبشرة كمان مش هتهملوا شرب الميه كدا... في ناس هتقولي أحنا بننسى نشرب أصلًا 💁 هقولكم دا مش مبرر؛ لإن فيه تطبيقات معمولة خصيصًا علشان تفكرك بشرب الميه 💦.
4- راجع نظامك الغذائي: قلل من الأكل اللي أنت عارف أن ضرره أكبر من نفعه صدقني دا هيفرق معاك جدًا وهتحس بتحسن في صحتك ومش بس كدا لأ كمان أنت هترتاح نفسيًا لإن شهوة الأكل من الشهوات اللي لو سيطرت عليها هتقدر تسيطر على حاجات كتيير وهتحس بإنجاز إن مش أي حاجة هتبهرك ذي مكان بيحصل معاك أول لما تشوف الأكل اللي أنتَ عارف قد ايه هو مضر بس بتجري عليه علشان شكله عجبك أو ريحته جذبتك.
5- نظم نومك: أنا عارفه إن ناس كتيير عايزه تنظم نومها بس مش عارفه؛ ولذلك أنا هعمل بوست مفصل عن أذاي تنظم نومك 😴
6- درب دماغك: خلي دماغك شغالة ديمًا حل الغاز و مسائل رياضية حاول تدرب مخك كل يوم .
ـــــــــــــــــــــــــــــــــــــــــــ
⚪الجانب الشخصي
علشان تطور من نفسك وتحس بتغيير في شخصيتك اتبع الخطوات دي.
1- لازم تقرأ وأعتقد إنك مش أول مرة تسمع الجملة دي وده علشان القراءة مفيدة جدًا وهتبني شخصيتك بشكل كبير و أنصحك لو مقرأتش post أذاي تستفيد من الكتب اللي بتقرأها وأذاي تكتسب مهارة القراءة السريعة إنك تقرأهم💁 أنزل في التعليقات وهتلاقيهم 💭
2- خد كورسات ودورات: الأنترنت دلوقتي مليان بالكورسات وكتير منها مجاني ومن المواقع اللي ممكن تاخد منها كورسات هي:
إدراك، رواق، udemy، coursera وغيرهم كتيير، والشهرين دول تقدر تآخد فيهم كذا كورس وكذا دورة بس أنتَ أطلع من الcomfort zone وأنتَ هتلاقي حياتك أتظبطت وبالمناسبة هتلاقي post أذاي تخرج من منطقة الراحة في التعليقات 💭💭
3- اتغلب على مخاوفك: واجه مخاوفك حاول تكتب أيه هي الحاجات اللي بتخليك قلقان وخايف واللي بتأثر على حياتك ودور ليها على حل لإن ساعات كتيير المخاوف دي بتوقف الواحد عن تكملة مشواره في الحياه.
4- اسمع كل يوم فيديو مفيد.
◀️اتمنى البوست يكون مفيد بالنسبالكم و ️️لو أي حد عنده مشكلة أو أي سؤال يكتبه في التعليقات وهرد عليه💬
◀️لو أنت حابب المحتوى اللي بقدمه متنساش تعملي متابعة علشان يوصلك كل حاجة بنزلها.
اقوى مقالة عن موقع لينكد ان خلاصه تجربتى اكثر من 50000 متابع
تطوير الذات في العمل
تطوير الذات والثقة بالنفس
مهارات تطوير الذات
تطوير الذات كتب
أسرار تطوير الذات
عبارات تطوير الذات
قوانين تطوير الذات
سلام بقا💜🌷
دعاء القناوى