القائمة الرئيسية

الصفحات

ازاي احسن مهارتي القراءة و الاستماع تحسين مهاراتي القراءة والاستماع مواد علميه من جامعه اكسفورد للغه الانجليزيه

 ازاي احسن مهارتي القراءة و الاستماع  تحسين مهاراتي القراءة والاستماع    مواد علميه من جامعه اكسفورد للغه الانجليزيه .

ازاي احسن مهارتي القراءة و الاستماع  تحسين مهاراتي القراءة والاستماع



كتير مننا نفسه يتعلم انجليزي وكتير مننا عنده معرفة أن ماكانتش كبيرة فهي بسيطة ونفسه يطورها .

عشان كدا لازم نطور مهارتنا وفي المقال دا هنكلمكوا علي مهارتين أساسيتين القراءة والاستماع.


طيب ليه القراءة والاستماع ؟.


أولاً.الاستماع 


تحسين الاستماع هيلعب معاك جامد في التحدث وان الاكسنت بتاعتك تبقي حلوه .

فمثلا من واحنا عيال صغيره بدأنا بالسمع ومع كتر التكرار طلعنا بالاكسنت العسل دي .

ولو كنا عشنا في مكان تاني وسمعنا كلام بلغة تانية كنا زمنا بنتكلم لغة تانية باكسنت تانية أو حتي نفس اللغة باكسنت مختلفه كلنا بنتكلم عربي بس هل الاكسنت المصري زي الاكسنت السعودي إطلاقا بل إن الاسكنت المصري بتختلف من محافظة لمحافظه داخل نفس الجمهورية، بل من قرية لقرية داخل نفس المحافظه .

 عشان كدا انو نسمع " مهارة الاستماع" شيء مهم جدا ولازم نديله حقه .

ليه لازم تسمع ؟

احيانا كتير بيكون عندنا حصيلة مفردات من اللغة بس مش بنعرف نميز الكلمة اللي احنا عارفينها عشان مش متعودين علي دا .

عشان مش عاطين ال Listening حقه.

وممكن نفهم كلمة أو اتنين بس بصعوبة وإذا كان المتحدث بيتكلم براحة ووببطيء كمان ممكن مانفهمهوش


كام مرة سمعت اي ونا IWanaa 

وكمان مرة ميزت I want الاتنين نفس الكلمة بس الفكرة أن واي وناا I wanaa ما هي إلا تسريع لI want


عشان كدا وعشان كلام كتير بنبقي عارفينه بس مش فاهمينه لما سمعناه لازم نتعلم مهارة الاستماع.

طيب نحسن ازاي الإستماع.

 استمع لما تحب : ما ابقاش انا شغوف بالطب واسمع اللغة اللي موجودة في ماطشات الكرة أو العكس .
شوف انت بتحب اي واسمعه .

هيبقي اكثر متعة وأكثر فائدة.

اكثر متعة انك مش بتمل واكثر فائدة في انك بتكتسب مهارة جديدة وبتعرف النطق الصح لمفردات جديدة .

كمان لو انتي ست بيت وبتحبي الطبخ ونفسك تتعلمي اللغة بمتعه وفايده اسمعي فيديوز طبخ وبكدا هتاخدي الاتنين المتعة والفائدة والدعوة الحلوه من الزوج والأولاد علي الأكلة الجديد اللي دخلت بيتهم دي 😅...بالهنا🤷😂

اختار الوقت المناسب😉

 اختار وقت يكون مناسب انك تسمع عشان تركز بشكل اكبر وعشان تستفيد اكتر كمان ممكن تخصص وقت تسمع فيه تسمع فيه وبس.

مارس اللغة 

امارس ازاي.

ابسط اسلوب للممارسة هو التقليد .

قلد اللي سمعته 

ارفع صوتك في كلمة اسمعته بيرفع صوته فيها قول الكلمة بضحك في كلمة قالها بضحك .

احكي الكلام أن شاء الله حتي لنفسك بس بنفس الاحياء اللي سمعت بيه الكلام دا.

وصدقني دا جزء مهمة جداً . 

التقليد دا مهارة رائعة .

لو سمعنا اكتر من شخصية وقلدنا كل شخصية سمعناها هيبقي لينا الاكسنت الخاصة بينا بعد كدا ودي تركه مش اي حد هيقولكوا عليها .

حدد هدفك : 

      ودي في جزء استمع لما تحب .

 حدد المصادر :

المصادر لازم تكون متنوع راجل أو امرأة لو مهتم بالمجال الطبي ونفسك تحسن الاستماع يبقي لازم تسمع نفس الفيديو لراجل وامرأة بحيث تقدر تميز بين الكلمات.

 بعض الكلمات بيكون ليها هيئة معينه لما نسمعها من راجل وهيئة تانية لما نسمعها من ست.

كمان استخدم مصادر موثوقة .واعتمد في البداية علي محتوى اكاديمي .

ودا اللي احنا بنوفرهولك هنا في اخر المقال .


ثانياً . تحسين مهارة القراءة.


انك تحسن مهارة القراءة هتلعب دور مهم جدا في تحسين مهارة الكتابة بالتبعية .


مش مهم نحفظ كلمات جديده بقدر ما مهم نعرف ويكون عندنا اطلاع بشكل لو بسيط عن صياغة الكلمات دي في جمل أو فقرات .


انك تعرف معني الكلمة علي حسب موقعها من الاعراب مهم جدا وزي كدا انك تعرف معني الكلمة الأجنبية واستخدماتها المختلفة.

ودا هتعرف من خلال مهارة الاستماع اللي اتكلمنا عنها فوق ومهارة القراءة اللي هنتكلم عنها دلوقتي .

ودلوقتي جه وقت السؤال !.

متي اخر مرة قرأت كتاب أو رواية بالإنجليزية ؟

 سؤال مؤلم صح ؟

صح لو كانت اجابتك مش عارف . او لو كانت اجابتك انا عمري ما قرأت حاجه بالإنجليزية .

من هنا كان لازم نهتم بالقراءة كمهارة لازم نكتسبها عند تعلمنا لغة جديدة.


ليه لازم نقرأ ؟!

 دراسات كتيرة بتقول أن معظم اللي بيدخل بعقولنا بيكون عن طريق القراءة. اكتر من 60% بيكون عن طريق القراءة .

مجرد انك تسكرول علي الفيس او تويتر او حتي وانتي ماشي في الشارع تقرأ اليفط أو وانت في العربية وبتقرا ارقام العربيات المجاورة.

او حتي بتقرأ الجمل المكتوبة علي التكاتك.😅👏

كل دي حاجات بتدخل من باب القراءة .

حتي المعلومات اللي تحصلت عليها من هذا المقال هي من باب القراءة .

عشان كدا لازم نتحكم في احنا بنقرأ اي وبنقرا ليه وليه لازم نقرأ.

حاجات هتسهل عليك القراءة


  قبل القراءة: 

  في كام سؤال !...ولازم نجاوب عليهم!.

ماذا اقرأ ؟ ليست لي سلطه عليها كل واحد فينا بيقرا حسب اهتماماته وميوله . 

وبردوو

لماذا اقرأ ؟

انا ماليش سلطة عليها .

انت بتقرأ ليه اي المعلومة اللي انت حابب انك تعرفها عشان كدا بتقرأ .

لمن سوف اقرأ ؟ حسب اهتمامنا بنبدا نعرف مين اللي بيكتبوا في المجال دا وبالتالي مع القراءة المستمرة بيبقي ليا كاتب محبوب . بحب اقراله اكتر من غيره .

متي اقرأ؟ يفضل تخصص وقت كل يوم أن شاء حتي 5 دقائق بغرض المعرفه.


  اثناء القراءة:

 عليك حاجتين لازم تعملهم.

الاستمتاع والفهم 

تحاول تستمتع باللي بتقرأ وتفهم اللي بتقرأ.

مرحلة ما بعد القراءة .

قولنا في البداية أن تحسين القراءة بيحسن بالتبعية الكتابة .

ودي خطوة مش لازم نستناها تبدأ لوحدها علي اد ماهو لازم أننا نبداها مع القراءة مباشرةً .

ودا عن طريق قرأت خلاص فهمت اللي قرأته اكتبه بقي ي شاطر مش لازم نكون بيرفيكت في الكتابة سوا من ناحية الكلمات المستخدمه أو من ناحية الجرامر علي اد ماهو لازم نكتب ودي حاجات هتتحسن مع الاستمرار .


اربط بين الاتنين :

في خدعة حلوه ممكن تعملها هي أنك تقرأ وتسمع اللي بتقرأ وتتحدث بيه وتكتبه.

يعني اقرأ قصه صغيره مثلاً.

اسمع القصة بصوت شخص ناطق للغة.

تحدث باللي سمعته سوا تسميع أوأنك تحاور صديق بخصوص اللي سمعته.

او عن طريق التقليد ودي أكثر إنتاجية .

في حال عدم وجود صديق .

واكتب اللي فهمته بكلمات بسيطة وبأسلوب سهل ومش شرط انك تدور علي القواعد دلوقت .

اكتب كتير والقواعد هي اللي هتدور عليك .😅


وعشان نسهلها عليك زي ما بنحاول نعمل دائما

جمعنا ليكوا سلسلة من المواد العلمية الخاصة بجامعة أكسفورد واللي مصممة بشكل يتناسب مع غير الناطقين اللي هو زي حالتنا انا وانت كدا .

هتلاقي فيها ملفات Pdf عشان تقرأ وتنمي مهارة القراءة.

مع ملفات صوتيه Audio لنفس الكتب عشان تقوي مهارة الاستماع .

اضغط  هنا  و هنا وكمان هنا 

وحمل وابدأ رحلة التعلم. 🥳👏


كمان هنا هتلاقي حاجات تفيدك كتير زي 

أفضل التطبيقات تساعدك في الدراسة كطالب هنا

من اقوي كورسات الانجليزي في العالم Power English هنا 

افضل مواقع وبرامج مجانية للترجمة الاحترافية مجاناً هنا 

من افضل محادثات TED الرائعة والمفيدة هنا

افضل تطبيقات الترجمة من الموبايل هنا 

افضل 20 قناة لتعلم اللغة الانجليزية علي YouTube هنا 

شرح قواعد اللغه الانجليزيه مع التحمل درايف مجاناً هنا


تعليقات