ازاي تحمي نفسك من الابتزاز علي السوشيال ميديا؟ احمي صورك! احمي اسرتك
احمي نفسك من الابتزاز
قبل البداية
كلنا سمعنا عن قصة بسنت الله يرحمها واللي حصلها .
وكلنا خوفنا من السوشيال ميديا زاد .
سواء ع نفسنا او علي اولادنا .
الموضوع بقي بجد مرعب .
مرعب بطريقة مش سهلة ...
انا نفسي مش بنزل صور ليا علي السوشيال ميديا إطلاقا وكل ثانية امي تبنه عليا خلي بالك علي نفسك ، ماتنزليش صورك ولا فيس ولا واتس.
مع انه انا نفسي ضد مبدأ الصور واني انشرها علي اي منصة تواصل
وبردوو بتنبه عليا.
بس اوكيه ..خلينا نحكي انو انت او انتي من النوعية اللي بتحب تنزل صور ليها .
وخلينا نحكي أنه في ناس مجنونة صور وكل ثانية ليها حرفيا صورة بتشيرها ع النت .
تحمي نفسك ازاي او بنتك أو أختك .
في اخر المقال جمعنا ليكوا بعض الروابط المهمة اللي لازم تتعامل معاها في حال وجود ابتزار .
بس في الاول لازم يبقي عندنا وعي.
وعي حقيقي بخطورة السوشيال ميديا.
ووعي لازاي نتعامل معها عشان نحافظ ع نفسنا.
قبل اي حاجه ؛ لو انت حد كبير ومسؤول من حد تاني ، لازم تديله الثقة الكاملة .وتحسسه أنه لا أنا واثق فيك أو فيكي .
خصوصا لو الحد دا بنت.
احنا كبنات بنخاف انه نستعين بحد في مواقف زي كدا، فإذا ما كونتش حد ثقة حقيقي مش هنحكي ... وكتير مننا بيستسلم وبيقبل يعيش حالة الخوف اللي اتعرض لها .
الابتزاز بيدأ ازاي
وخلينا عارفين أنه اللعب في الصور ممكن يحصل بكتير مواقف منها مثلاً
1/اختراق حسابك:
علي الفيس او علي انستا والحصول علي معلومات أو صور ممكن تكون مش لطيفه.
بس حتي لو لطيفة ممكن اووي يتلعب فيها ، وشوفنا حاجات كتيرة زي كدا.
واختراق الحساب مش بس لبنت، لا ممكن يحصل اختراق لحساب ولد او راجل
ويتهدد من خلاله بشكل شخصي أو بشكل يخص حد من حريمه.
عشان كدا لازم نخلي بالنا بنزل اي، وبنحكي في اي، وبنبعت اي ولمين؟!..
2/ السرقة او الفقد
كتير مننا اتسرق موبايله أو لابتوبه وكان عليه كمية بيانات ومعلومات كفيلة تودي في داهية بل إن تودي في داهية حاجه قليلة اووي قصاد اللي ممكن يحصله. ومش شرط سرقة ممكن أووي نكون فقدناه بشكل أو بآخر.
والسارق أو اللي لقي الفون ممكن يبتزك بكدا ، فنعمل اي ؟!
3/ مجرد صوره علي البروفايل
لو انت بقي شخصيه حويطه ومش بتنزل صور ليك علي السوشيال ميديا ، فأحب أحذرك أنه وارد جدا يحصل تركيب علي صورة البروفايل.
الموضوع حقيقي مش محتاج غير وشك وبعض التفاصيل عن ملامح جسمك بس تخين رفيع طويل قصير وتروح في داهية ي صديقي 🥺💔
أنواع الابتزاز
والابتزاز مش بس مادي وأنه يتطلب منك فلوس لا ابدا الابتزاز انواع ومنها المعنوي والنفسي ودا أشدهم خطوره .
أنه يتلعب معاك أو يتضغط عليك علي حساب مشاعرك حاجه مش ساهلة ابدا ...ربنا ما يكتبها علينا آمين 🤲
ازاي احمي نفسي !
في طرق كتير عشان تحمي نفسك
المصادقة الثنائية
أولهم واهمهم واللي لازم تكون عامله انك تفعيل المصادقة الثنائية.
او التحقق بخطوتين ودا عن طريق أنه قبل ما تفتح حسابك يتبعت ليك رسالة علي رقمك الخاص .
فحتي لو اللي بيحاول يخترق حسابك معاه الباسورد طالما مش وصله الرقم اللي وصلك ع الموبايل فكدا مش هيقدر يدخل ليه ابدا.
ودي عن طريق اعدادات المنصة اللي بتسخدمها.
الطريق التانية!
في حال انا شخص اتعرضت لابتزاز من اي نوع بدخل علي لينك الفورم دي وبملأ البيانات بتاعتها كامله .
ودا عبارة عن طلب انت بتقدمه ببساطة للفيس بوك عشان يراجع مشكلتك .ويتحقق منها
وفي حال تم إثبات مشكلتك والتأكد من صحتها من خلال الفيسبوك الip الخاص بجهاز الشخص اللي بيلاعبك أو بيبتزك هياخد حظر محترم مش بس ع الحساب المفتوح لا كمان هيتمنع من أنه يعمل حساب علي الفيس بوك 👏👏👏
الطريقه التالتة!
طيب انت او انتي بتنزلي صور ليكي ومش حابة غيرك ينشرها في حاجتين ممكن تعمليهم🤷
الأولي /
أنه تمنع خاصية نسخ المحتوي أو أخذ الصور والاحتفاظ بيها وفي خاصية حماية ع الفيس بوك دي بتمنع الاسكرين شوت البوست أو الصورة ..انت متخيل 😅
التانية /
ممكن تبلغ عن الشخص اللي ناشر صورك أو منتحل شخصيتك ...
والصورة هتتحذف 👏
نصائح تهمگ
كدا خلصنا مقال النهارده واللي عرفنا فيه نتصرف ازاي في حال حصلنا ابتزاز من اي نوع ...
والنصيحة الأولي و الاخيره ماتصدقش اي حاجه تشوفها طالما مش شوفتها بعينك لأنه احنا في عصر التطور الرقمي السريع وكل حاجه ما تتوقعهاش ممكن اووي تحصل .
كمان لو انت اب او ام أو أخ أو أخت مسؤوليتك انك تحابي علي اللي تحت منك تخدهم تحت جناحك وتحسسهم بالامان ، وتديهم القدر الكافي أنه لو اي شيء حصل تكون انت محل ثقة وتكون اول واحد يستعين بيه علي مصائب الزمن...
ربنا يحمينا جميعاً 🤲
ولو انت فاضي ممكن تلفلك لفة علي المقالات هنا هتعجبگ🥳👏 ارشحهالك منها.
- افضل ٧ طرق لازاله الفيروسات والملفات الخبيثه من جهازك هنا