قد يعجبك

اهم خطه ال ١٢ اسبوع لتحقيق اي هدف

 خطه ال ١٢ اسبوع لتحقيق اي هدف 


هنتعرف علي ...

الصبر على تحقيق الهدف
خطوات تحقيق الهدف
كيف أحدد هدفي في الدراسة
موضوع عن تحقيق الهدف
تحديد الهدف والتخطيط السليم
كيفية تحديد الأهداف وتحقيقها
وسائل تحقيق الأهداف
جدول تخطيط الأهداف pdf

خلصت امتحانات وجاهز تعمل خطة السنة الجديدة! 🏋️♥️
نورتنا في خطة الـ 12 أسبوع.🗒️

- محتاجة منك تحضر شوية أدوات كدا عشان نبدأ وهما.
1. قلم جاف وقلم رصاص.✏️🖊️
2. كشكول سلك كبير أو أي كشكول عندك بس يكون فيه عدد صفحات كبير.📒
3. استيكي نوتس ولو مش متوفر مش مهم عادي جدا.

يلا بينا.🏃🏻‍♂️💜

- بس قبل ما نبدأ خليني أقولك معلومة!🤓
- وهي إن السنة مبقتش بتتكون من 12 شهر، من النهاردة السنة عبارة عن 12 أسبوع. 🤩

= طب ليه؟ 

1. لإن التخطيط لفترة زمنية طويلة بيساعد جدًا على التسويف.
2. لإن كل يوم فيه حاجات كتير بتتغير في حياتنا أكيد رؤيتنا ل 12 أسبوع هتكون أوضح كتير من 12 شهر.
3. عشان نكون متحمسين دايمًا لإن بعد كل 12 أسبوع هنقيس انجازنا ف ده هيشجعنا نكمل.
4. عشان منحطش أهداف كتير اللي طبعا بتكون سبب إننا منعملش حاجة خالص.

• بعد ما حضرنا أدواتنا وفهمنا السبب نبدأ في الخطة بقى.🎯

✅هنفتح كشكولنا وفي أول صفحة نكتب فيها أكتر عبارات تحفيزية بتشجعنا، أو حلمنا، أو آيات قرآنية.
زي مثلا "وأن ليس للإنسان إلا ما سعى" أو "لا أبرح حتى أبلغ" وهكذا خلوا أول صفحة دي مبهجة على قد ما تقدروا.
✅تاني صفحة هنكتب فيها كل الأهداف اللي نفسنا نحققها عمومًا.
✅تالت صفحة بقى تقسمها نصين زي ما موضح في الصورة كدا.
- أول نصف تكتب فيه بحد أقصى 10 أهداف هتختارهم من أهدافك بتاعت الصفحة اللي قبلها.
- ودول المفروض إنهم أهداف سنة 2022 متكرتش عن 10 ياريت.

📌الأهداف لازم يتوافر فيها الشروط دي:

1. واقعية✅
يعني قريبة من الواقع ميبقاش هدفك تتكلم 10 لغات في سنة مثلا.
أو تعيش على المريخ.🤷🏻‍♀️
2. محددة وقابلة للقياس✅
يعني متقولش احفظ قرآن قول أحفظ 5 أجزاء، متقولش أطور الإنجليزي قول أوصل لمستوى B1 وهكذا.
3. محددة بوقت✅
وده كدا كدا شرط متحقق بسبب الخطة لإن الوقت هيكون 12 أسبوع.

- أما النصف التاني من الصفحة تكتب فيه أهم 3 أهداف بنسبالك.


 أسأل نفسك لما اطلع من السنة دي إيه أهم 3 أهداف فعلا اللي لو اتحققوا هكون راضي ومبسوط؟ 
بناء على اجابتك اختار 3 أهداف من القائمة الأولى.

◀️الـ 3 أهداف دول هما اللي هنشتغل عليهم طول الـ 12 أسبوع.

وبعد الـ 12 أسبوع هنشوف وصلنا لإيه فيهم لو حققناهم تمام جدا لو حققنا واحد او اتنين منهم ف تمام جدا برضو وهنبدأ نشطب عليهم من صفحة الأهداف وأول قائمة وال 12 أسبوع اللي بعدهم نحط أهداف غيرهم، وهكذا.

✔️نكمل بقى🎯

- الصفحتين اللي بعدهم اللي قدام بعض هنقسم كل صفحة فيهم لـ 4 وهنكتب فنص السطر الأول الإسبوع الأول، وهنكتب في كل مربع أيام الإسبوع وتواريخها.
- في كل مربع من أيام الأسبوع هنعمل حاجتين هنكتب مهام اليوم بتاعه، قبل كل يوم بليل وتحت المهام هنكتب عبارة إيجابية زي ما موضح فالصورة.
- وفي كل يوم نحقق المهام دي نعمل صح عليها.

◀️ تمام يا حبيبة أنتي قولتي نقسم كل صفحة ل 4 يعني كدا معانا 8 مربعات وأيام الأسبوع 7 أخر مربع ده هنعمل فيه إيه؟

- أخر مربع ده اسمه التقييم الإسبوعي هتبدأ تبص على كل يوم من أيام الإسبوع كل مهامه اللي بتخدم أهدافك اتنفذت ولالا وبناء عليه بتقيم نفسك.
- ولو تقييمك من 85 لـ 100% كدا انت ماشي صح وتستاهل تكافئ نفسك.🎁
- لو من 85 لـ 70 ف تمام جدا جدا بس متكافئش نفسك لا.😂
لو من 70 لـ 60 ف تمام بس محتاج تشد أكتر.💪🏻
لو أقل من 60 % فأنت محتاج تراجع نفسك وتجدد نيتك وتراجع أهدافك هل فعلا عاوز تحققها ولالا.🙆🏻‍♀️
ولما ال 12 أسبوع يخلصوا وهما تقريبا حوالي 3 شهور هتشوف وصلت ل إيه في كل هدف وهل اتحقق ولا محتاج تشتغل عليه 12 أسبوع كمان وهكذا.
وبعدها تبدأ تخطط ل الـ 12 أسبوع اللي بعدهم وهكذا لحد أخر السنة بإذن الله.

وبكدا تكون خطتك للسنة الجديدة جاهزة.

✔️كل يوم على مدار الأسبوع ده هنزل بوست من السلسلة دي ( زي بوست العادات وتقسيم الأهداف وهكذا)
عشان يوم السبت الجاي بإذن الله يكون كله خلص امتحانات وكلنا نبدأ تنفيذ للأهداف اللي حطيناها. 
✔️كل اسبوع هنزل بوست لمتابعة الخطة معاكم.

✔️وأخيرًا لو حد في حاجة مش واضحة ليه يقولي في الكومنتات، بالتوفيق.💜

تعرفنا علي ....

الصبر على تحقيق الهدف
خطوات تحقيق الهدف
كيف أحدد هدفي في الدراسة
موضوع عن تحقيق الهدف
تحديد الهدف والتخطيط السليم
كيفية تحديد الأهداف وتحقيقها
وسائل تحقيق الأهداف
جدول تخطيط الأهداف pdf

افضل كورسات البرمجه من الصفر https://bit.ly/31MjQsJ

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -