مفيش اسهل من كده ازاي تزاكر وتنجح لمتحان الأيلتس(IELTS) مجانا وتعدي منه في 3 خطوات فقط
الأيلتس(IELTS) هو واحد من أهم وأشهر امتحانات اللغة الإنجليزية على مستوى العالم، شهادته معترف بيها من أغلب المؤسسات والجامعات العالمية إنك كده مؤهل للسفر والتحدث والعمل بالإنجليزية بالتالي بتفتحلك مجالات كتير في الدراسة أو السفر أو المنح أو التأشيرة.
دي تجميعة شاملة بالخطوات الرئيسية من البداية ومحددة بالوقت عن كل حاجة في الأيلتس وإزاي تذاكر ليه مجانا من على النت وتعدي منه في 3 خطوات فقط:
الامتحان 4 أجزاء: الاستماع والقراءة والكتابة والتحدث. طاب أعمل إيه علشان أجهز للاختبار؟
1- هات ورقة وقلم وخش على القناة دي، إيما من بريطانيا عاملة مجموعة دروس للأيلتس، مش ببالغ لو قلتلك إن 80 % من الامتحان مبيخرجش منها بشهادة الناس اللي امتحنوا هناك وجابو درجات عالية فيه،
https://goo.gl/lNYoSt (20 حلقة في 20 يوم)
2- بعد ما تخلص القناة اللي فوق خش على الموقع ده هتلاقي نماذج كاملة لل4 أجزاء اللي هتمتحن فيهم، بياخد بيك خطوة خطوة وبيوضحلك في كل جزء أهم التريكات اللي ممكن تقع فيها: http://goo.gl/t4bvU (أسبوع)
3- مينفعش تدخل أي امتحان غير لما تكون حالل عليه عشرات النماذج قبل كده، الموقع ده عليه امتحانات أيلتس سابقة متقسمه وجاهزة للتحميل مجانا:
كده المجموع: شهرين، يعني طوال الأجازة تقدر تستعد للامتحان براحتك.
ال3 خطوات دول باتقان شديد وبعيدا عن زحمة اللينكات الكتيرة ومع مستوى متوسط في الإنجليزية هتقدر بإذن الله تعدي بيهم الامتحان.
نيجي للأسئلة المهمة:
1- إزاي أقدم للامتحان ومواعيده امتى؟
الامتحان في أغلب محافظات مصر وفي كل الدول العربية، والمواعيد على مدار السنة لكن غالبا في آخر 4 شهورمن السنة، ودي فرصة كويسة علشان تلحق تجهز نفسك، هنا المواعيد بالتفصيل: http://goo.gl/LCH5hF
شوف الميعاد اللي يناسبك وبعد كده هتملا نموذج التسجيل الإلكتروني من هنا: https://goo.gl/eTGvei
2- هو لازم أكون ممتاز في الإنجليزي علشان أعدي الامتحان؟
لا، أنا كنت فاكر كده، لكن اتضح إن المعلومة خاطئة، إنت محتاج تكون جيد فقط ومذاكر كويس لأهم أجزاء الأمتحان، مش لازم تبقى مولود في أمريكا وبتتتكلم زي الأمريكيين علشان تعديه، لأنه أصلا معمول لغير الدول الناطقة بالإنجليزية، في 2 مليون شخص بيقدمو ليه سنويا منهم مئات الآلاف من الناجحين، فالامتحان مش إعجازي أو مستحيل.
3- هيا الخطوات دي كفاية؟ أيون، متضيعش وقتك في اللينكات الكتير ومتشتتش نفسك، قدامك شهرين في الأجازة تكون أتقنت كل الخطوات السابقة وتكون مستعد للاختبار.
اهم تجميعه كورسات وماتيريال لطلبه وخريجين كليه تجارة اضغط هنا
عمليات البحث ذات الصلة
خطة لدراسة الايلتس
تعليم الايلتس للمبتدئين
تعليم الايلتس للمبتدئين pdf
تعلم الايلتس خطوة بخطوة
دورة ايلتس مجانية
كتاب اختبار الايلتس pdf
خطة مذاكرة الايلتس في ٣ شهور
كتاب التحضير لاختبار الايلتس خطوة بخطوة pdf