القائمة الرئيسية

الصفحات

إزاي تحقق أهداف خطة السنة الجديدة كلها وفي أقل من 10 دقائق؟ 👀


أفكار أهداف السنة الجديدةأ

هداف السنة الجديدة ٢٠٢٢

جدول تخطيط الأهداف pdf

أهداف 2021 الشخصية

أهداف 2022

أهداف السنة الجديدة بالانجليزي

أهداف سنة 2022

اهدافي لهذا العام

تعرف أنت مين؟ 

أنت عبارة عن مجموعة من العادات هي اللي كونت سلوكيات الإنسان اللي أنت عليه دلوقتي، حاسة إني بقول كلام كبير أوي. 😂
فكر كدا فيها هتلاقيك أنت الإنسان القارئ لإنك عندك عادة القراءة، أو أنت الإنسان اللي بيسهر لإنه عنده عادة سلبية وهي السهر، أو أنت الإنسان النشيط جدًا وجسمه رياضي لإنه عنده عادة ممارسة الرياضة، وهكذا.
ندخل في الموضوع علطول بقى وكفاية مقدمات.
النهاردة هنتكلم عن بناء العادات.

وقبل ما ندخل في الموضوع لازم نفهم يعني إيه عادة أصلا؟ 

بكل بساطة العادة هي كل حاجة بتعملها في حياتك بدون تفكير وبدون جهد أو قوة إرادة منك.

زي بظبط لما بتمسك الموبيل وتفتح فيس بوك هل بتحس إنك بتعمل مجهود أو بفتكر قبلها، طبعا لا، على عكس لما بتمسك الموبيل وتفتح كتاب pdf مثلا بتحس قد إيه الموضوع صعب، مع إن مقدمات الفعل واحدة وهي مسك الموبيل، بس الفرق في العادة المتكونة عندك.

بعد ما عرفنا يعني إيه عادة خلينا نفكر إيه أهمية وجود العادة في حياتنا..

 1-لتحقيق الهدف الكبير

لما بيكون عندنا هدف كبير عاوزين نحققه، ونبدأ نخططله بدون ما نبني عادة خاصة بيه، ده بنسبة كبيرة جدا بيوصلنا إن الهدف ميتحققش أصلا بمجرد ما حماس البدايات يروح أو مع أول انشغال أو عائق في الطريق.

على عكس لو مع كل هدف نفسي احققه بنيتله عادة محددة بعملها بشكل يومي وفي ميعاد محدد، ده مع الوقت بيخلي الفعل مترسخ في العقل، ومش بيحتاج أي مجهود مننا، وطبعا في النهاية بيوصل لتحقيق الهدف إن شاء الله.. للتخلص من 

3-للتخلص من العادات السلبيه،لحياه افضل.

عادات سلبية زي التدخين، السهر، ادمان السوشيل ميديا، الغيبة والنميمة، الألفاظ البذيئة وهكذا.

3. لإكتساب عادات إيجابية ملهاش علاقه بالأهداف اللي حطينها.

زي عاده التامل مثلا.

-تمام وصلنا للسوال الاهم ازاي اصلا نبني عاده؟ 

1. تحدد هدف واضح محدد نفسك تحققه.

زي مثلا حفظ 5 أجزاء من القرآن أو بناء جسم رياضي، أو التخلص من إدمان السوشيل ميديا.

2. إنك هتحدد 4 عادات بس على الأكثر عاوز تكتسبهم أو تتخلص منهم، أو ممكن تقسمهم لـ 2 اكتساب، و 2 إقلاع، سواء العادات دي ليها علاقة بالأهداف أو لا. زي ما يناسب حياتك أنت أكثر واحد يقدر يحدد.

 نطبق عملي:

أولًا عاوزة نكون فاهمين إني هتكلم بناء على البوست اللي فات للخطة فلو حد مشافهوش يضغط على الهاشتاج اللي في أخر البوست ده وهيلاقيه.💜


يلا بينا نطبق، على سبيل المثال عندي 3 أهداف محدداهم هشتغل عليهم لمدة 12 أسبوع، وهما 

1. قراءة كتاب.

2. حفظ نصف جزء من القرآن.

3. مذاكرة مستوى A2 فالإنجليزي.

• نلاحظ إن الأهداف صغيرة بس ده مطلوب.

إحنا عاوزين الإستمرارية هي اللي تضمن لنا الإنتاجيه والنجاح فيما بعد.

وافتكر دايما:

"قليل دائم خيرٌ من كثير متقطع".

"أحب الأعمال إلى الله أدومها وإن قل".

- معانا 4 عادات

1. عادة القراءة.

2. عادة الصحيان 5 فجرًا. (عادة عاوز تكتسبها لإنها مهمة لحياتك وعشان تصلي الفجر حاضر)

3. عادة حفظ القرآن.

4. عادة مذاكرة الإنجليزي.

- طب هنعمل إيه عشان نخلي العادات دي في يومنا ونستمر عليهم؟  

هنا بقى النقطة الأهم.

 .كل عادة من دول هنمارسها في اليوم لمدة 3 دقائق فقط.

يعني العادات دي كلها مش هتاخد معاك 10 د يوميًا، اللي هو وصلنا الفعل اليومي لدرجة تخجل إنك متعملهوش دول أقل من 10 د لكل العادات.

لو حابب تكمل في كل فعل أكتر من 3 دقائق عادي جدًا بس الحد الأدنى 3 دقائق، اللي هو في أصعب الحالات وفي أصعب الظروف هتعمله وأضمنلك بعد فترة هتكون عادة فعلا في يومك.

يقال إن اكتساب العادة بياخد من 21 لـ 66 يوم أنت بقى هتاخد 74 يوم يعني 12 أسبوع تفتكر مش كافي.🤔

= ملحوظة الطريقة دي يعتبر مش مجزية أو فعالة في التخلص من العادات السلبية ف خلينا نقول إن العادات السلبية هنقلل منها كل يوم ساعة لحد ما نبطلها تماما أو نوصل فيها لحد مناسب، زي مثلًا كل يوم نقلل السوشيل ميديا ساعة لحد ما نوصل إننا نستخدمها ساعة واحدة يوميا ونفضل مستمرين عليها ف هتبقى عادة وهكذا. 

-طب تعمل إيه يساعدك ويشجعك عالعادات دي؟ 

الإنسان بطبيعته بيحب التحفيز، بيحب الإنجاز، بيحب كلمة براڤو.

أنت بقى هتعمل كدا مع نفسك، بمعنى؛ إنك هتعمل في ورقة حاجة اسمها متتبع العادات أو Habits Tracker.

وهتلاقي نماذج ليها وبكذا شكل حسب ما تحب جاهزين للطباعة في البوست.

لو هتعملها بإيدك خلي أقصى عدد أيام فيها 21 يوم عشان تخلصها وتحس بالإنجاز وانت ملون أو عامل علامة عالصف كله، واعمل غيرها وهكذا.

ميزة متتبع الأهداف إنك هتشوف نفسك بتحقق الهدف يوميا من خلال تظليلك لليوم، وهتحس بالإنجاز وتحفيز.

ودايمًا يوميًا بعد تنفيذ كل عادة احتفل، أو كافئ نفسك بأي حاجة بسيطة، صدقني ده بيفرق جدا في النفس.

• وافتكر دايما إحنا عاوزين استمرارية، وعادات تساعدنا باقي حياتنا، متستعجلش، متستعجلـــش أرجــوك، مقدرة شعورك وطبيعتنا كـ بشر عاوزين كل حاجة بسرعة، لكن افتكر كام مرة خططت لحاجات ومتنفذتش، فمتستعجلش.

وبس كدا، بالتوفيق.💜

= ملحوظة الفكرة مستوحاه من كتاب Mini Habits لكني طبقتها بطريقتي وحطيت التاتش بتاعي😂، وطبعا البوست بالكامل بأُسلوبي.

- بعتذر جدًا على الإطالة لكن مكنش ينفع أحذف أي جزء، أتمنى يكون أفادكم.

أنا تعبت في البوست ده حقيقي، فلو قرأته كامل وأفادك اتمنى تشاركني رأيك، وانتظروا باقي السلسلة.

أفكار أهداف السنة الجديدة

أهداف السنة الجديدة ٢٠٢٢

جدول تخطيط الأهداف pdf

أهداف 2021 الشخصية

أهداف 2022

أهداف السنة الجديدة بالانجليزي

أهداف سنة 2022

اهدافي لهذا العام

الاشتراك في مقراه الحرمين الشريفين المميزه مجانا

https://bit.ly/30zWBRk


تعليقات