القائمة الرئيسية

الصفحات

 ازاي تحدد اهداف السنه وتحققها 


هنتعرف علي ...

أهداف سنة 2022
أهداف السنة الجديدة ٢٠٢٢
أهداف 2021 الشخصية
خطط العام الجديد
جدول تخطيط الأهداف
أفكار لأهداف السنة الجديدة
أهدافي المستقبلية
تخطيط أهداف العام الجديد في ورقه واحده فقط

إزاي ممكن تحدد أهداف خطة السنة الجديدة؟

في أخر البوست ده هتلاقوا حاجة مهمة جدًا فكملوه للاخر. 😁

يلا بينا نبدأ.💜

عشان حياتك تكون ماشية بشكل صح، وتكون راضي عنها وكمان مرتاح نفسيا وجسديا وماديا وكل ده، لازم تكون عجلة حياتك متوازنة.

- عجلة حياتي؟ 

= أيوا، وعشان كدا دلوقتي هقولك إيه جوانب حياتك اللي المفروض تحدد أهدافك عليها..

في 8 جوانب لحياتك لو ظبطتهم أعرف إنك هتكون شخص ناجح جدا.

وهما:

1. الجانب الروحي

علاقتك بربنا ونفسيتك وبتظبط الجانب ده بالصلاة، قراءة القرآن، وكل العبادات، وكمان التأمل والتدبر.

2. الجانب الصحي

علاقتك بالأكل صحي، لعب رياضة، بتدخن ولالا، وكل حاجة ليها علاقة بصحتك.

3. الجانب الفكري والمعرفي

 علاقتك بتطوير الذات؛ القراءة، فيديوهات مفيدة، كورسات، وهكذا.

4. الجانب الأسري 

علاقتك ب أهل بيتك، بر، مودة ورحمة وكل ما يتعلق بيهم.

5. الجانب الإجتماعي 

علاقتك بالناس وباصحابك عاملة إزاي، وكمان هل التطوع ليه مكان في حياتك ولالا.

6. الجانب العملي

علاقتك بشغلك أو دراستك.

7. الجانب المادي 

علاقتك بالفلوس، بتدخر ولالا، بتصرف بوعي ولالا، ونصيب الصدقة من فلوسك.

8.الجانب الترفيهي 

ما اكيد مش من الصح إن الحياة يبقى كلها جد، ده جانب مهم لإنه بيساعدك تكمل في كل الجوانب التانية.

بعد ما عرفنا الجوانب هنعمل إيه؟ هتلاقوني سايبة نموذج للمخطط فالبوست تقدروا تطبعوه أو تعملوا زيه بإيديكم وكل جانب من جوانب حياتك تقيمه من 10 وبعدين تظلل كل الجوانب او توصلهم زي ما موضح في الصور والمفروض لو حياتك ماشية صح يطلع الشكل عجلة متساوية الجوانب لإن ده معناه إن فيه توازن في حياتك،. ومش بقولك إن يطلع كل جوانب حياتك 10 لإن ده صعب ومفيش حد حياته ماشية بالمسطرة في ظل الظروف والعوائق لكن عالأقل يكون فيه توازن.

= تمام طب دلوقتي لو مطلعش في توازن أعمل إيه عشان أعدل العجلة دي؟

- هقولك أهوه، إحنا هناخد أقل 3 جوانب نبدأ بيهم السنة.

على سبيل المثال، دلوقتي لو طلع الجانب الروحي 3 من عشرة والجانب الصحي 2 والجانب الفكري والمعرفي 4 يبقى هنحط أهداف على أساسهم هما طول ال 12 أسبوع.

• لإن من وجهه نظري صعب تشتغل على الـ 8 جوانب مع بعض كدا هتكسل وهتجهد وإحنا من أول الخطة وأنا بقول عاوزين نمشي خطوات بسيطة اهم حاجة الإستمرارية..

فكل 12 اسبوع هنشتغل على 3 جوانب بس، مع ملاحظة إننا مثلا أول 12 أسبوع اشتغلنا على جانب روحي وصحي وفكري وظبطناهم الخطة اللي بعدهم أكيد مش هنسيبهم لا هنكمل في نفس طريقهم لكن هناخد معاهم 3 جوانب كمان وهكذا.

بحيث إننا على أخر السنة بإذن الله نكون ظبطنا ال 8 جوانب كلهم ونبدأ فعلا حياة مختلفة.

- مطلوب منك دلوقتي بعد ما تعمل العجلة إنك تجيب ورقة غير الكشكول بتاعنا وتكتب كل الجوانب دي وتفكر في كل جانب بشكل منفصل وتشوف عايز تظبطه إزاي وتكتب تحت كل جانب أهدافه، بالتأكيد هيظهرلك أهداف جديدة تقدر تضيفها لخطة السنة، أو تضيفها لأهداف حياتك عموما.💜

وده كان هدف البوست إنه ينزل دلوقتي عشان اللي مبدأش في التخطيط يعرف يحدد اهدافه واللي ماشي معايا من اول السلسلة يبدأ يعمل زي مراجعة سريعة كدا عالأهداف ويشوف حابب يعدل إيه قبل ما نبدأ السنة.

وبس كدا أتمنى يكون بوست النهاردة أفادكم.

- وصحيح أنا بتكلم بناء على بوستات التخطيط اللي فاتوا فلو مكنتش شوفتهم اضغط عالهاشتاج عشان تقدر تمشي معانا خطوة بخطوة.

الحاجة المهمة جدًا بقى إن البوست الجاي بإذن الله اللي هو بكره هقولك إزاي تعمل خطة للخطة، يعني إزاي كل هدف في حياتك تعمله خطة مستقله بيه، فأوعى يفوتك.💪🏻

• والحقيقة المرادي الفكرة مش من مستوحاه من كتاب هي معلومات قديمة عندي وبطبقها في حياتي فحبيت اشارككم بيها.

تعرفنا علي ....   

أهداف سنة 2022

أهداف السنة الجديدة ٢٠٢٢

أهداف 2021 الشخصية

خطط العام الجديد

جدول تخطيط الأهداف

أفكار لأهداف السنة الجديدة

أهدافي المستقبلية

تخطيط أهداف العام الجديد في ورقه واحده فقط

ادوات رهيبه لتصحيح الاخطاء عند الكتابه https://bit.ly/30pDl9B

تعليقات