قد يعجبك

سر فشل التخطيط ونجاحه أهم المهارات الشخصيه

          سر فشل التخطيط ونجاحه أهم المهارات الشخصيه

سر فشل التخطيط ونجاحه أهم المهارات الشخصيه

بتعمل خطط كتير وبتفشل منك! 🤹‍♂️

طب يا ترى اي هو السر اللي ممكن يخليك تنجح ف تحقيق الخطة بتاعتك 🤏

مراحل التخطيط الاستراتيجي pdf
التخطيط الاستراتيجي doc
مفهوم التخطيط الاستراتيجي pdf
التخطيط الاستراتيجي ppt
أنواع التخطيط الاستراتيجي
مفهوم التخطيط الاستراتيجي في التعليم
فوائد التخطيط الاستراتيجي
ماهو التخطيط الاستراتيجي

وده هو عنوان فقرتنا النهاردة 🐥

اهلا بيك ايها الشخص المجتهد في فقرة جديدة من سلسلة التخطيط، وحلقة بعنوان "سر نجاح التخطيط" 🤍

اولا احب اعرفك علي عمو التخطيط. 

- اهلا بحضرتك يا فندم ممكن تقولنا تفاصيل عنك 🦥

= اهلا بيكي يبنتي.. انا اسمي التخطيط بساعد الاشخاص علي الوصول لاهدافهم ، ولكنهم بيتعاملوا معايا غلط عشان كده مش بيحققوها، انما انا غلبان والله 👀

- خلاص يا عمو قطعت قلبي.. طب قولي ازاي نتعامل معاك صح 🚶

= بصي يا ستي.. انا عبارة عن مثلث :

- اول حاجة فيا التخطيط

- تاني حاجة التنفيذ

- تالت حاجة متابعة التنفيذ وتقييمه والمكافأة والعقاب عليه 

في ناس مش بتعمل الا اول خطوة مني (التخطيط نفسه) 📋

وفي ناس شاطرة بتعمل اول خطوتين بس (التخطيط والتنفيذ) لكنها مش بتستمر وبتفشل بردو. 🤷‍♀️

اما النوع التالت ده بقا للناس اللي بتنجح بجد ف تحقيق اهدافها 💪

عظيم جدا يا عمو.. طب ممكن تفهمنا الخطوة التالتة دي نعملها ازاي.. ♥🔥

عشان تنجح في الاستمرارية علي خطتك محتاج 5 خطوات :

١- الكتابة ✅

انك تكتب اهدافك السنوية 

وبعدين اهدافك الشهرية 

وبعدين الاسبوعية 

وكمان كل يوم تكتب ال to do list 

متقنعش نفسك انك ممكن تكمل من غير الكتابة ♥

٢- المتابعة ✅

ان كل يوم تتابع نفسك وصلت لاي من خطتك الاسبوعية.. طب لو موصلتش اي اللي وقعك او بيضيع وقتك وتحله بسرعه قبل نهاية الاسبوع . 

زي مثلا :

- فتحت النهاردة سوشيال كتير

- امبارح نمت كتير، خلاص هصحي الفجر ان شاء الله بكرة. 

وهكذا 💪

٣- التقييم ✅

انك كل يوم تعطي نفسك درجة من ١٠ علي ال to do . 

وكل اسبوع تعطي نفسك درجة من ٢٥ 

وكل شهر درجة من ١٠٠ 🔥

ده هيعطيك حافز للاستمرارية 

٤- شوّق ولا تدوق ✅

يعني اي؟ 

يعني كل يوم اعطي لنفسك مكافأة صغيرة جدا جدا لما تنجز زي القهوة والشوكلت والهزار شوية، او فيديو قصير. 

وقول لنفسك الجايزة الكبيرة بقا اخر الاسبوع 😉

فانت كده عودت نفسك علي شعور الانجاز والانتاجية بأفعال بسيطة جدا ♥

٥- الارادة ✅

اوعي تفكر يا عزيزي انك لما تحدد اهدافك، وتعمل خطتك، وتحدد مكافئات ان خلاص كده الفانوس السحري هيقولك شبيك لبيك 🤷‍♀️

لازم ارادة منك وصبر وعزيمة قصاد كل حاجة مش بتقربك لهدفك 💪

انك تقول لأ لاي حاجة بتضيع وقتك

لأ لأي حاجة بتستنزف طاقتك. 🤍

النهاردة الجمعة اهو، انسي اللي فات واعمل خطة اسبوعية صغيرة وحدد مكافاة نهاية الاسبوع لو التزمت بالخطة، وابدأ اتعامل مع نفسك النهاردة بطريقة جديدة 

بشدة ولكن بلطف ف نفس الوقت 😉

 وانا ف آخر سنة ليا في الجامعة وفكرت أحول جملة (هما ساعتين جد وكوباية شاي ~ لتقنية فعّالة بدل ما هي هزار). ♥

ومن حظي الحلو في الوقت ده كنت قرأت كتاب atomic habits و the power of habit . ♥

وعرفت ازاي أكون عادة ذرية 🧘‍♀️

وكانت كالآتي:- 

✅الحافز : اللي هي كوباية الشاي 

✅الفعل: اللي هي المذاكرة 

✅المكافأة: وكانت لعبة جيم بسيطة ١٠ دقايق او شوكليت 

فكان لما ميكونش ليا نفس اذاكر، اقول لنفسي بالراحة معلش يا اميرة هما ساعتين جد وكوباية شاي وهدلعك بعد كده🐥

وكنت بقسم الساعتين دول وفقاً لتقنية ال pomodoro لأربع جلسات، كل جلسة ٢٥ دقيقة فقط لا غير، وبرتاح ٥ دقايق، كنت بلعب ب الروبيك كيوب بتاعتي. 🤹‍♂️

الغريب بقا اني مجرد ما كنت اعمل كوباية الشاي، كنت بذاكر بالفعل، ومكنتش بقوم الا لما اخلص الساعتين مذاكرة عشان اخد المكافأة! 

وبعد ما اتخرجت طبقت النظرية دي علي شغلي كمان، لما يكون ورايا اي حاجة مهمة ومليش نفس. 

اقول (هما ساعتين جد وكوباية شاي) 

والحمد لله الموضوع طلع فعّال جدا، وعشان كده حبيت أشاركه ليكم لعلّ حد يطبقه علي المذاكرة او الشغل ❤

كل المطلوب منك ٥ خطوات بسيطة:- 

١- تعمل كوباية شاي 

٢- حدد ساعتين وقسمهم علي اربع جلسات. 

٣- تقفل السوشيال ميديا. 

٤- تحدد كم المذاكرة او الشغل اللي ناوي تخلصه. 

٥- تحط ف دماغك مكافأة هتعملها لما تخلص. 

وفي نهاية كلامي أحب أقولك.. إني كتبت الكلام ده وانا بشرب شاي 😌😂

يلا قوم اعمل كوباية شاي وشوف اللي وراك انت كمان 🧘‍♀️❤

مراحل التخطيط الاستراتيجي pdf
التخطيط الاستراتيجي doc
مفهوم التخطيط الاستراتيجي pdf
التخطيط الاستراتيجي ppt
أنواع التخطيط الاستراتيجي
مفهوم التخطيط الاستراتيجي في التعليم
فوائد التخطيط الاستراتيجي
ماهو التخطيط الاستراتيجي

واشوفك ف حلقة تانية من سلسلة التخطيط ♥

تحميل مكتبة الاسكندرية كلها فى بيتك

https://bit.ly/2XZkhOh

سلاااام 🚶

سلسلة_التخطيط_مع_ميرا

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -