القائمة الرئيسية

الصفحات

 أذاي تتخلص من إدمان السوشيل ميديا 💚


ادمان السوشيال ميديا PDF

أسباب إدمان مواقع التواصل الاجتماعي

حلول الإدمان على مواقع التواصل الاجتماعي

مشكلة السوشيال ميديا

كيفية الاستفادة من السوشيال  ميديا

الابتعاد عن مواقع التواصل الاجتماعي

إدمان مواقع التواصل الاجتماعي

ادمان السوشيال ميديا بالانجليزي

"لن تخرج من المشكلة إلا إذا علمت أنك واقع فيها " 


ديمًا لما باجي أكتسب عادة جديد أو أتخلص من عادة قديمة بستخدم مع نفسي طريقة الترغيب والترهيب والطريقة بتنفع معايا جدًا.✌


لما حببت أتخلص من إدمان السوشيال ميديا بدأت بالترهيب منها وكان أحسن طريقة أعرف بيها مضار السوشيال ميديا هي من لسان ناس كانت بتشتغل ومساهمة في المواقع دي ... يعني لما يقولوا كلمة يبقى كلامهم ثقة ولذلك سمعت الفيلم الوثائقي الرائع the social dilemmia 


دوري دلوقتي كخطوة أولى إني الخصلكوا الفيلم علشان تعرفوا أضرار السوشيل ميديا وقد أيه المشكلة اللي أحنا واقعين فيها كبيرة 💁


١- "إذا لم تدفعوا حق المنتج، فأنتم المنتج"


يعني بإختصار إحنا مفكرين إن أحنا بنستخدم المنصات دي ببلاش لكن في الحقيقة إحنا بنتعامل كمنتجات.

 المنصات بتبيع بياناتك واهتماماتك للمعلنين (الناس اللي بتعمل أعلانات على مواقع السوشيل) 

ولذلك أنتَ أتحولت من مستخدم ل منتج 


٢- نموذج العمل في  شركات السوشيل ميديا  

إنها تخليك وقت أكبر على مواقعها وبيتنافسوا على نيل انتباهك يعني بيمشوا بمبدأ "انت ممكن تديني قد أيه من حياتك"


٣- الناس اللي كانوا بيشتغلوا في المواقع دي بيقولوا إن كل حاجة أنت بتعملها على الإنترنت فهي  بتتراقب وبتتعقب وبتُقاس كل فعل بتعملوه بيتسجل بدقة حتى الصورة اللي بتقف عليها وبتبص ليها بيحددوا المدة اللي بصيتوا عليها فيها.


٤- بيبنوا نماذج تتوقع أفعالنا من خلال الفيديوهات

 اللي شوفناها والإعجابات وبعد كدا بيعيدوا استخدام الحاجات دي علشان يعملوا نموذج دقيق جدًا ليك

 هما عايزينك تعمل scroll  علطول 

لو طلعت للصفحة من فوق هتلاقي حاجات تعجبك ولو نزلت للصفحة من تحت هتلاقي حاجات تعجبك فأنت مش هتوقف استخدام موبيلك وفرصة إنك تشوف ٣٠٠ إعلان في النص 💁


٥- بيلعبوا الاعيب كتييير عليك آه والله ذي مبقولك كدا 

يعني مثلًا في الرسايل أو التعليقات فيه  ٣ نقط ويكتبلك جمبها ...typing 

مسألتش نفسك ليه ؟

 هما بيحاولوا يخلوك أكبر وقت على مواقعهم ولذلك بيعرفوك إن في رسالة هتجيلك فمينفعش تسيبها أو في تعليق بيتكتب فمينفعش تمشي غير لما ترد عليه 

 


٦- في فريق مخصص لإختراق سيكولوجية الإنسان دورهم إنهم يعرفوا الطريقة اللي هيتلاعبوا عليك بيها بشكل أسرع وبعد كدا يدولك الحاجة اللي هتدمن عليها ...بكل بساطة هما بيستغلوا الضعف في النفس البشرية.


٧- طب أنت تعرف إن عدد كبير من الناس بينتحروا بسبب السوشيل ميديا وكمان عدد كبير بيجيلهم  اكتئاب بسبب السوشيل ميديا

- بعض الناس بيفقدوا ثقتهم بنفسهم بسبب تعليق واحد سلبي جه ليهم 

- أنت بتتعرض لكم هائل من الشائعات كل يوم دا غير التيرندات اللي ملهاش أي قيمة

- كمية مدخلات بتدخلك وأنت مش دريان وبتأثر عليك بشكل لا إرادي وبصورة سلبية متتصورش قد أيه🙆

- بيخلوك تقارن نفسك بالناس وبمعايير غير واقعية للجمال ذي تطبيقات الصور والفلاتر.


٨- المواقع دي بتحسن كل يوم اختيار المنشورات اللي بتظهرلك حسب اهتمامك وبكدا لو قعدت يوم الأربع ساعة على مواقع السوشيل فيوم الخميس هتقعد ساعتين لأنهم عرفوا أذاي يخلوك تقعد أكبر وقت ممكن 💁


٩- طيب هل تعلموا إن أصحاب شركات السوشيل ميديا مش بيخلوا أولادهم يقعدوا الفترة اللي أحنا بنقعدها على المواقع دي ، بل وكمان ساعات مش بيخلوهم يستخدموها (صدمة مش كدا🙆)


١٠- هزيدك من الشعر بيت فيس بوك بيعرف مشاعرك وبيعرف أمتى تكون مكتئب وأمتى لأ  

ولو حابب تعرف أكتر عن الموضوع ده ممكن تسمع فيديو (إذاي فيسبوك بيعرف أنا بفكر في أيه) من قناة أسئلة نص الليل أو فيديو (كيف يعرف فيسبوك ما الذي تفكر فيه ) من قناة كبريت+ AJ


⬅وبكدا أنت تبقى عرفت إنك ضحية لمواقع السوشيل ميديا وإنهم بيحاربوا علشان يخلوك تقعد فترة كبيرة على مواقعهم حتى لو مش هتحقق أي استفادة من قعدتك، مش المشكلة إنك تستخدم مواقع السوشيل ميديا قد ما المشكلة إنك تبقى مدمن للمواقع دي ومسلوب الإرادة وكأنك ذي عرايس الماريونيت


⬅ دي كانت الخطوة الأولى من التخلص من الإدمان وهي إنك تعرف فعلًا إنك واقع في مشكلة لو حابين تتخلصوا من إدمان مواقع السوشيال ميديا أكتبولي في التعليقات وأنا هكتبلكم مقال مخصص بخطوات فعلية للتخلص من إدمان السوشيال  ميديا 💙💙

إدمان السوشيال ميديا PDF

أسباب إدمان مواقع التواصل الاجتماعي

حلول الإدمان على مواقع التواصل الاجتماعي

مشكلة السوشيال ميديا

كيفية الاستفادة من السوشيال  ميديا

الابتعاد عن مواقع التواصل الاجتماعي

إدمان مواقع التواصل الاجتماعي

ادمان السوشيال ميديا بالانجليزي

يالا سلام بقا 🌻💜

افضل تطبيق للتعديل علي الصور بالموبيل

https://bit.ly/3FYDJen

تعليقات