٦ خطوات تعرف فيهم ازاى تشتغل وانت في الجامعه !
كلنا بندور على
كيف تحصل على وظيفة بسهولة
خطوات البحث عن عمل للوصول إلى وظيفته المناسبة
مواقع بحث عن عمل
وظائف تبدأ من سن 14
كيف ابحث عن عمل في الانترنت
فرص عمل
كيف احصل على وظيفة وانا في البيت
طرق الحصول على وظيفة
وهنساعدك تجاوب على كل ده هنا
"ازاي اشتغل و انا في الجامعه!! "
ده من أكتر الأسأله اللي أي طالب بيسألها ..
ف خليني أتكلم من تجربتي عن الحاجات الأساسيه في الجزء ده :
1-محتاج يكون ليك Mentor
حد يكون عنده خبره كبيره من الناحيه العمليه يوجهك و يقولك الخطوات الصح اللي المفروض تمشي عليها ده هيوفر عليك وقت ومجهود كبير ..
**طب ازاي أقدر أوصل للشخص ده !! ده هيبقي عن طريق مهاره مهمه جدا برده وهي ال "Networking"
دايما بقول ان
Networking=Opportunities
كل ما كبرت شبكه علاقاتك كل ما ده بيفتحلك فرص و حاجات أكبر ..
طب ده أقدر أعمله ازاي !!
في كل مكان تقريبا : السوشيال ميديا ;لينكد ان بس بطريقه بروفيشنال طبعا /ال ايڤنتات و هكذا
و ده ليه طريقه معينه عشان تقدر تعمله بطريقه صح و يعود عليك ب فايده في الآخر ممكن نبقي نتكلم عليه في بوست تاني ..
2-محتاج تزود الجانب المعرفي عندك بالمجال ده من الناحيه النظريه و آخر ال techniques اللي موجوده فيه و هكذا..
**طب ازاي أقدر أعمل ده !!
انت في الأول محتاج تعمل Discovering أو استكشاف للمجال ده هو بيتكلم عن ايه أصلا و ايه الخبرات اللي محتاجها عشان تبدأ فيه و ده ممكن تعمله عن كريق الايڤنتات او الكورسات الاونلاين اللي بتبقي ساعه أو ساعتين أو كتاب صغير بيديك مقدمه عن المجال ده ف تاخد العلم الأساسي عن المجال ده بيتكلم عن ايه..
3-محتاج انك تتدرب بشكل عملي بقي
علي الحاجات اللي انت اخدت عنها فكره عامه دي و ابتديت تطور نفسك فيها زياده بشكل مبدأي و ده غالبا لو انت في بدايه ال كارير بتاعك هيبقي عن طريق حاجات صغيره زي التطوع أو فرص التدريبات في الشركات و دي ألا بتبقي معموله عشان الطلبه و بعدها لو ابتديت تحقق نتايج كويسه ممكن تدخل علي مرحله الشغل و تزود الخبره بتاعتك أكتر
4-مرحله الشغل في سنين الجامعه دي مهمه عشان تعمل لنفسك "career capital"
أو "رأس مال مهني" في ال كارير بتاعك ..
رأس مال مهني مش معناه فلوس ،معناه خبره و علم و نتايج في الحاجه دي و دي كلها حاجات مكتسبه يعني كل ما مارست الحاجه دي و تعمقت فيها أكتر كل ما بقيت متقن ليها أكتر ،
هي علاقه طرديه ..
5-ماتقولش لنفسك كتير جمله "انا مش كويس كفايه"
لان غالبا اللي بيقولها مش بيوصل لحاجه فعلا ،لان خوفه بيخليه مايتحركش ،
خلي خوفك من الندم أكبر بكتير من الفشل ..
مش بقولك قدم علي حاجه خبره 10 سنين و انت لسه زيرو خبره بس حاول في الحاجات اللي علي اد خبراتك حاليا ،
شوف كام فرصه انت خسرتها عشان كنت شايف نفسك مش كويس كفايه و لو قدمت هتترفض ..
6-الحياه مراحل و مفيش حاجه بتيجي مره واحده بس محتاج انك تبتدي حالا بأقل امكانيات متاحه معاك
.. محتاج تبقي عارف انت ايه الحاجه اللي بتميزك .. ايه ال USP أو
ال "Unique Selling Point" ايه الحاجه المميزه أوي اللي موجوده عندك عشان تبتدي تشتغل عليها و تقدر توصلها للشركه أو المكان التطوعي حتي اللي بتقدم عليه ..
الحاجه دي ممكن جدا في البدايه تبقي مجرد مهاره عاديه زي انك عندك مثلا مهارات تواصل أو مهارات اقناع أو اي حاجه ليها علاقه بالمجال اللي بتقدم عليه و تساعد علي رفع التقييم بتاعك ،
مع الوقت ال USP مش هتبقي مجرد مهاره ،لا هتبقي خبره و نتايج انت حققتها في المجال ده ،
بس محتاج تتحرك عشان تعمل ده ..
7-بالنسبه لي بشوف ان التجربه شئ مهم جدا انك تجرب حاجات مختلفه
في مساحات مختلفه بيساعدك تكتسب خبره و معرفه و تكون علاقات في حتت مختلفه مع الوقت هتفرق معاك جدا حتي لو ماكملتش في المجال ده ،ف ماتخفش من التجربه أو ان لسه ملامح الحاجه اللي عايز تكمل فيها مش موجوده ،
مع الوقت هتلاقي الصوره بتوضح أكتر ،و حتي لو ماوصلتش للحاجه اللي كنت راسمها ل نفسك من الأول هتلاقي السعي دايما بيوصلك لأحسن مما كنت تتخيل والله..
8-لو ماسعدتش نفسك محدش هيقدر يساعدك ..
لو مش بتتحرك و بتحاول و بتفرك في كذا اتجاه و قاعد مستني حد يقولك الخطوات بالظبط عشان تعملها ،أؤكدلك والله ان محدش هيعمل ده مكانك ..
ماتفضلش قاعد مستني حد يديلك الكتاب تحفظه عشان تدخل تمتحن فيه !
9-هتلاقي نفسك دايما بتبدأ الحاجه بس مابتكملش فيها للآخر
ر ،و ده ليه علاقه بحاجه اسمها "self discipline" أو "انضباط نفسي"
و غالبا لو بيحصلك ده ف ده بسببك انت ،لإن فيه أخكاء كتير احنا بنعملها بتتسبب في ده ;
زي اننا بنفتح 100 كورس و عايزين نخلصهم دلوقتي /
بنحط تقدير مش منطقي للحاجه ف طبيعي لما مش بنحققه بيجيلنا احباط زي انك تروح كورس انجليزي مثلا و انت متوقع انك بعد شهر هتتكلم زي الأجانب و ده تقدير مش منطقي ،ف حاول ترتب أولوياتك و تحطلها تقدير منطقي بناءا عالأهداف بتاعتك عشان تقدر توصلها..
10-لو استنيت حد يتحرك معاك و يشجعك عشان تعمل كل خطوه في حياتك مش هتتحرك ..
لو استنيت صاحبك ييجي معاك الكورس أو الايڤنت أو الچيم /
لو استنيت مديرك يقعد طول الوقت يمدح فيك /
لو استنيت تحقق نتايج مبهره من أول يوم..
لو بتعمل ده في الغالب مش هتتحرك ،شئ جميل انك تلاقي حد يدعمك بس مش كلنا محظوظين اننا نلاقيه في البدايه ،ف لازم تبقي انت أكبر حد داعم ل نفسك..
*عالهامش :
أنا مريت بكل المراحل دي لما غصب عني دخلت كليه علوم عشان المجموع ،،ف ابتديت اشوف انا ممكن اكون بحب ايه بغض النظر عن الكليه و الدرجات ،و ابتديت بنفس الخطوات دي اني اخد كورسات اونلاين و اقرأ و اتطوع لحد ما ابتديت اشتغل سيلز لان ده كان الداخله الوحيده عشان ابتدي شغل و بعدها الماركتنج و ال Event Management ..
وحاليا بقالي اكتر من 6 سنين شغاله في المجال ده و مع الوقت بقيت بشتغل في أماكن و شركات أكبر علي مستوي العالم و عملت @careerk عشان نكون بنوفر عالناس الوقت والمجهود اللي بيبذلوه عشان يلاقوا الشغل المناسب ليهم ،و اكيد ماوقفتش شغل علي نفسي ف درست دبلومه في ال Career Advancement و بدرس في جامعه بره اونلاين بيزنس عشان اكيد هتضيفلي علم جديد و كنت أصغر واحده تتقبل من مصر في زماله African Changemakers ،
في كل حاجه من دي كنت تايهه و كنت بترفض مره و اتنين و 3 عو عدت عليا أزمات كبيره بس و "أن ليس للإنسان إلا ماسعي" ..
آخر حاجه :
السوق حاليا سوق مهارات ،مش درجات و بس ..
و ناس كتير مش خريجه نفس المجال بتنافس ناس متخرجه من الكليه بتاعه المجال ده بامتياز حتي و ممكن يبقوا أحسن منهم كمان ..
الفكره كلها في الاجتهاد و الاستمراريه و انك تبقي حد لا يمكن الاستغناء عنه ف لازم تفكر هتعمل ده ازاي ..
كورس تعلم لغة الجسد واكتشاف اسرار السيطرة على الغير
اتعرفنا على
كيف تحصل على وظيفة بسهولة
خطوات البحث عن عمل للوصول إلى وظيفته المناسبة
مواقع بحث عن عمل
وظائف تبدأ من سن 14
كيف ابحث عن عمل في الانترنت
فرص عمل
كيف احصل على وظيفة وانا في البيت
طرق الحصول على وظيفة