قد يعجبك

افضل ٥ مهارات للتحكم في وقتك

                     افضل ٥ مهارات للتحكم في وقتك 



تعالى لما اقولك علي أخطر وأسهل مشكلة ممكن تقابلك في تنظيم الوقت.

إدارة الوقت ppt
مهارات إدارة الوقت pdf
كيفية إدارة الوقت
مفاتيح إدارة الوقت
مفهوم إدارة الوقت pdf
مقدمة عن إدارة الوقت
فوائد إدارة الوقت
أهمية إدارة الوقت
ليه أخطر؟
عشان كفيلة تدمر حياتك وشخصيتك لو متحلتش. 🤷‍♀️
ليه أسهل؟ 
لأن حلها بسيط😌
ألا وهي مقولة :- (أنا يومي بيضيع بس مش عارف بيضيع فين!) 
أهلا بيك أيها الشخص المنظم الناجح في فقرة جديدة من سلسلة التخطيط، وحلقة بعنوان "مدير الدقيقة الواحدة" 
متطلبات الفقرة النهاردة :- 
✅ورقتين لونهم ابيض 
✅قلم رصاص 
✅مسطرة 
✅تركيزك يا عزيزي 
ويلا بينا نحل المشكلة دي ❤

🔴الخطوة الأولي 

جدول مراقبة الوقت والطريقة دي من قناة اسلوب 🤍
بتجيب ورقة بيضا، وقلم ومسطرة وبتعمل جدول مكون من ٣ صفوف 
- الوقت من 
- الوقت الي 
كنت بعمل اي ف الوقت ده 
(وبتفضل تكتب اي حاجة بتعملها وتكتب خدت وقت قد اي) 
وبعد يومين بتجيب الورقة دي وتشوف اي هي الحاجات اللي بتسرق وقتك وتضيعه، واي هي العادات السيئة اللي بتعملها ومش واخد بالك. 

🔴الخطوة التانية 

مصفوفة اينزونهاور الرئيس الامريكي السابق، ودي طريقة دروس اونلاين 🤍
بتجيب ورقة بردو، وتكتب علي اليمين كل الحاجات اللي المفروض تعملها حرفيا، سواء كانت مهمة ولا لأ. 
وعلي الجنب الشمال بتعمل جدول مكون من اربع خانات :-
- مهم وعاجل 
-مهم غير عاجل
- غير مهم وعاجل
- غير مهم وغير عاجل
وبعدين توزع المهام اللي علي اليمين دي، جوه كل خانة من الخانات الاربعه حسب اهميتها وعاجليتها 🤏
وتقفل الموبايل بتاعك او اي مشتات، وتبدأ ف الحاجات اللي حطتها في خانة المهم العاجل فورا، وحط ف دماغك انك مش هتنام النهاردة غير لما تخلصهم😌

🔴الخطوة التالتة 

ال to do list ، ودي طريقة اي حد ناجح 🤍
ضروري جدا جدا يكون معاك نوتة صغيرة، كل يوم بالليل تكتب كل اللي عليك بكرة. 
ليه باليل قبلها بيوم؟ 
- عشان عقلك بيكون شايف اللي وراه بكرة بشكل كامل، وعارف انه ضيع النهاردة. 
- ولو نسيت تجهز ال to do list من بالليل، اعملها اول ما تصحي 🏃‍♀️

🔴الخطوة الرابعة

تظبيط وقت النوم بتاعك. 
مش مهم انت بتنام امتي، المهم انت بتصحي امتي! 😉
حتي لو كنت بتحب السهر وبتنام متأخر، اجبر نفسك تصحي تصلي الفجر وتقعد ساعة بعد الفجر تحدد فيهم ورد القران + قراءة او تفسير او حتي درس، وقراءة اذكار الصباح. 
ليه؟ 
لأن الساعة دي هي أُس الانتاجية. 
لأ الساعة دي هي سر البركة في اليوم كله. 
لأن الساعة دي اللي هتساعدك تحقق كل اللي بتحلم بيه، وتخلص كل اللي وراك بقية اليوم 💪

🔴الخطوة الخامسة 

اعطي لحياتك طعم ومعني، انت لو واحد مش حاسس بالسعادة ف حياته، مستحيل يكون عندك ارادة تنظم وقتك وتقول لأ للحاجات اللي بتضيعه. 
طب ازاي تخلي لحياتك معني؟
ب ٣ حاجات :-
١- انك تكون قريب من ربنا، و بتصحي كل يوم هدفك ترضيه بأي طريقة 💛🍂
٢- انك تحب نفسك وتكون مجهز مكافئات علي مدار اليوم كل ما هي تحقق انجاز 🌻
٣- إن يكون عندك هدف عظيم! 
الهدف اللي هتحطه ده هو اللي هيعطيك الدافع انك تجتهد كل يوم، وتقوم من علي السرير وانت سعيد ومتحمس تعمل اللي وراك النهاردة ! ❤
زي مثلا واحد هدفه يكون اشطر واحد ف مجاله، وشخص تاني هدفه يكون شخص ناجح وعنده بيزنس خاص بيه.. اهداف كتير ممكن تحطها لنفسك وتبدأ تشتغل عشانها 🤹‍♂️
يلا ابدأ الوقتي حالا ف تطبيق الخطوات دي 🧡
النهاردة فرصة جديدة لاسبوع جديد 🤏
سلسلة_التخطيط_مع_ميرا

إدارة الوقت ppt
مهارات إدارة الوقت pdf
كيفية إدارة الوقت
مفاتيح إدارة الوقت
مفهوم إدارة الوقت pdf
مقدمة عن إدارة الوقت
فوائد إدارة الوقت
أهمية إدارة الوقت

اقوى مقالة عن موقع لينكد ان خلاصه تجربتى اكثر من 50000 متابع
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -