القائمة الرئيسية

الصفحات

 ١٤ طريقه تجعل طفلك يحب المذاكره !


هنتعرف علي طريقه تجعل الطفل يحب المذاكره

 الضغط على الطفل في المذاكرة
كيف اذاكر لطفل 5 سنوات
ضرب الطفل للمذاكرة
كيفية التعامل مع الطفل الذي لا يحب المدرسة
ابني ذكي لكنه لا يحب الدراسة
كيفية جعل الطفل يحب المدرسة
ابني غبي في المذاكرة
كيفية تحبيب الطفل في المذاكرة

أعمل إيه عشان أخلي ابني يذاكر كويس ويحب المذاكرة؟

(14 معلومة تنقي منها اللي يعجبك).

في مليون أسلوب ونصيحة في النقطة دي، انا هقوللك اللي أعرفه وشوف اللي يناسبك.
1- جو البيت يكون هادي، التلفزيون واطي، إعزله عن إخواته اللي بيتنططوا في الشقة.
2- طريقة بومودور، وهي إنه يذاكر 25 دقيقة، ويريح 10 دقايق يلعب فيهم أو حتى يقوم يتنطط مع إخواته. 😅
3- الجملة دي علقها قدامك في الصالة " مفيش طفل بيتعلم وهو خايف ولا بيتربى وهو حزين ومتوتر" أظن شارحة نفسها.
4- هدية حلوة "لو ذاكرت الفصلين دول هفسحك، كنوع من المكافأة لنفسك عشان إنت حققت إنجاز".
5- نقول تاني، متحرمهوش من الحب والإهتمام لو قصر في المذاكرة، متلويش بوز حضرتك عليه وتحسسه إنه منبوذ عشان مجابش درجات حلوة.
حط نفسك مكانه ولقيت نفسك مفصول عن العمل عشان غلطت في الشغل.
6- شجعه يسأل، شجعه يفكر، متخليهوش يقتصر على اللي جوا المنهج، خليه يبحث عن معلومات خارجية في المادة وساعده.
7- بيذاكر علوم أو تاريخ، هات له فيديوهات بصرية ومعلومات جديدة وشيقة، عشان تخليه يحب المادة والعلم.
اجتهد انت في البحث عن معلومات شيقة جوا المادة (حتى لو برا المنهج).
8- اديله قصص وحواديت. إزاي؟
إحكيله مثلاً إن أشرف ميعرفش إن السكر مضر، فقعد يسف كل يوم سكر لحد ما سنانه باظت، وزميله كريم عارف إنه مضر عشان والده شرح له أضراره، أو قرأ المعلومة في كتاب، فأنقذ نفسه من تسوس الأسنان.
والنتيجة، واحد بيتألم كل يوم، والتاني بياكل اللي نفسه فيه، والسبب (ملعومة واحدة).
خليه يلاحظ الفرق بين اللي متعلم والغير متعلم، بأمثلة وقصص بسيطة يفهمها.
9- ذاكر وإلا ستصبح عاطلاً عن العمل.
ده أسلوب يزعم البعض إنه بيشجع بيه ابنه، لكن فكر معايا كدة، طفل في ابتدائي، تفتكر لما تحاول تحمله مسؤولية مستقبله اللي هو بالنسبة حاجة افتراضية (زي ألعاب الفيديو) كدة هيتحفز؟ ولا أي بتنجان سعتك، هتنفخ في قربة مقطوعة حضرتك. 🤝
10- لو بتتوتري وانتي بتذاكريلهم، فبلاش تذاكريلهم لحد ما تحلي مشكلة التوتر، لإنه هينتقل ليهم وعمرهم، عمرهم، (معلش كمان مرة) عمرهم ما هيتعلموا بالتوتر.
11- يا أم نيازي صحي نيازي وقولي له إن "الطفل لا يتعلم وهو خائف، ولا يتربى وهو حزين ومتوتر"
نفس المعلومة رقم 3 بس حبيت أجودها.
12- حدد له هدف صغير وواضح قبل ما يذاكر "هنذاكر الفصل التاني، الجزئية بتاعت تكاثر النبات، معانا من 30-60 دقيقة، لو فهمت الدرس قبلها وحليت مسائله، هناخد بريك براحتنا ونهيص ونزغطط".
13- اهتم بالأكل اللي بيقوي النشاط الذهني، سمك، فاكهة، مكسرات، عسل نحل...الخ.
14- ادعي له، بحرقة، بصدق وتضرع، بإخلاص وتوسل وتكرار كل يوم، مش مجرد "يارب ينجح ويبقى شاطر" وخلاص. لا ادعي بجد من قلبك.
لو جمعت حاجات تاني هقول لكم عليها.😃
رجاء خاص لو عندك معلومة زيادة أو تعديل خليك إيجابي وقولهالي في تعليق وأنا والله هرد عليك وهكون شاكر ليك. 🤝
شير ومنشن بقى لكل الماميز والداديز اللي تعرفهم.

تعرفنا علي طفلك يحب المذاكره 

الضغط على الطفل في المذاكرة
كيف اذاكر لطفل 5 سنوات
ضرب الطفل للمذاكرة
كيفية التعامل مع الطفل الذي لا يحب المدرسة
ابني ذكي لكنه لا يحب الدراسة
كيفية جعل الطفل يحب المدرسة
ابني غبي في المذاكرة
كيفية تحبيب الطفل في المذاكرة

افضل تطبيق تعليمي للاطفال في العالم https://bit.ly/3mBYWDO

تعليقات