قد يعجبك

كتاب عيش اللحظه (مصطفي حسني )

 ملخص كتاب عيش اللحظه (مصطفي حسني)



هنتعرف علي ....

تعلم فن عيش اللحظة

ملخص كتاب عيش اللحظة

عيش اللحظة واستمتع

فيلم عيش اللحظة

عيش اللحظة كلمات

عيش اللحظة تويتر

السلام عليكم ورحمة الله وبركاته ..

أهلا بيكم معايا في أول حلقة من فقرة #كاتب_وكتاب ..

خد نفس عميق .. صحصح معايا كدا .. ويالا نبدأ .. 

النهاردة هنتكلم عن كتاب جميل أوي .. وبالرغم من بساطة أسلوبه .. إلا أنه في غاية الأهمية ..

لأن محتوى الكتاب من لحظات مسيطرة ومغيرة تماما  ( 29 لحظة)  بتمر علينا دايما  في رحلة حياتنا .. 

و أنا بعد لما قرأت الكتاب كاملا .. بدأت أدور على حاجات مكتوبة عنه ... ونسقتها وكتبتها 

بحيث نقدم مراجعة كويسة للكتاب ..

اسم الكتاب : عيش اللحظة  

ملحوظة : الكتاب هو تفريغ نصي لبرنامج الداعية مصطفى حسني (عيش اللحظة) ، حيث يتناول الكتاب اللحظات التي يمر بها الإنسان ويقوم بدراستها وتحليلها بأسلوب منهجي سهل يعمل على تعليم القارئ كيفية التعامل مع هذه اللحظات المؤثرة الفارقة، وكيفية جعلها نقطة بداية وانطلاق قوية لإصلاح ذاته وإرضاء ربه وتنفيذ وصايا نبيه.

تأليف :مصطفى حسني  

نبذة عن الكاتب :

مصطفى حسنى : مصطفى محمد عبد السلام، داعية إسلامي مصري، ولد عام 1978.

_حاصل على بكالوريوس تجارة من جامعة عين شمس عام 2000.

_حاصل على شهادة معهد إعداد الدعاة التابع لوزارة الأوقاف المصرية.

بدأ العمل منذ عام 1997 في مجال المبيعات ، والآن يعمل بالمجالات التالية:

_معد ومقدم برامج دعوية ودينية حيث قدم العديد من البرامج التلفزيونية مثل)  رسالة من الله - فكَّر - فن الحياة - السلام عليك يا رسول الله ﷺ- انسان جديد - عيش اللحظة - سحر الدنيا - أهل الجنة - الكنز المفقود - مدرسة الحب - على طريق الله - قصة حب - خدعوك فقالوا - أحبك ربي - على باب الجنة - أحلى حياة - التجربة العمرية – عمار الأرض )

 _قدم 84 حلقة من برنامج " كنوز " على قناة   ON TV و قدم برنامج في شهر رمضان الماضي تحت اسم " الثمن " 

_مدرس لمادة بناء الشخصية في إحدى المدارس الدولية.

_عضو مجلس إدارة في جمعية حياة بلا تدخين.

_عضو في فريق مصر " شريان العطاء " لنشر ثقافة التبرع- التطوعي بالدم للأطفال.

_عضو في فريق نهر الخير.

*من مؤلفاته:

_كتاب " قصة حب"

_ كتاب " كلمة " 

_ كتاب " إنسان جديد " 

_كتاب "الكنز المفقود"

_كتاب "كلام ربي"

_كتاب "مدرسة الحب"

_كتاب خدعوك فقالوا"

التصنيف : ديني تنموي

 العنوان : مناسب للمحتوى وجذاب 

المقدمة :

وما العمر إلا ساعات ولحظات منها لحظة حزن أو ألم أو إنكسار أو فرح أو أمل أو غيرها وكل لحظة وفيها إختبار, كل لحظة وفيها فرصة إما لكسب ثواب وحسنات أو زيادة سيئات تثقل كاهلنا المتعب، ولكي نحقق الفوز العظيم في الاخرة وننال الجنة حيث لا تعب ولا ضيق ولا حزن للأبد فلابد أن نعيش كل لحظة من حياتنا على مراد الله الذي يرضيه ...

اسلوب الكاتب :

– الكتاب لغته سهله ، تتميز مصطلحاته بأنها بسيطة بعيدة عن التعقيد حيث يستطيع أي شخص قراءته بكل سهولة. 

أيضا يتميز أسلوب الكاتب بأنه واقعي ومواكب للعصر وظروفه يخاطب الشباب بما يعانونه من مشاكل خلال حياتهم اليومية ، فيأتي بالقضايا والمشاكل المختلفة التي يواجهها المجتمع ويقوم بتحليلها وتفصيلها لإيجاد الحلول المناسبة لها.

اﻷفكار الرئيسية : 

 يقول الكاتب: "حياتنا ما هي إلا مجموعة من اللحظات، تغير فينا يوماً بعد يوم، وتؤثر على قراراتنا وردود أفعالنا، ففيها لحظة فرحة يطير فيها القلب، ولحظة تعاسة ينقبض فيها الصدر، لحظة حب ترتبط فيها المشاعر، وتُبنى عليها البيوت، ولحظة انفعال تعلو فيها الأصوات، و تتهدم معها العلاقات، وفي لحظة الحيرة أكثر ما يحتاجه الإنسان قرار حكيم، وفي لحظة المرض يحتاج الإنسان إلى صديق حميم، وفي لحظة الهداية يرى فيها العبد رسالة الحب من الله فيستجيب قلبه، ولحظة أخرى تعارضت فيها القيم مع الشهوات فاحتجت إلى التنازل أو أن تقاوم للحفاظ على نفسك، لحظة يأتي فيها المولود لتلتف حوله العائلة بقلوب مليئة بالتفاؤل والأحلام، ولحظة فراق نودع فيها حبيباً لنا أسلم روحه إلى خالقها، لحظات كثيرة تمر على الإنسان، ترسم في قلبه أجمل المعاني، ولحظات أخرى تسرق منه أجمل القيم"

فحياة الإنسان وتجاربه عبارة عن لحظات مختلفة، كل لحظة منها تحوي في مضمونها على رسالة من الله لنا؛ رسالة اختبار، أو رسالة تعليم، أو رسالة لتقريب من عمل يرضيه أو إبعاد عن عمل يسخطه. ومع كل تجربة هناك أفعال تصدر منا، تترجم ردود أفعالنا كمسارات تسير بها هذه اللحظات، منها مسارات تفضي إلى مراد الله ومنها ما ليس كذلك، وكل طريق يحوي علامات تدل على ما في آخره ، ويقع علينا اختيار الطريق الذي ينتهي بنا إما إلى راحة أو إلى شقاء.

التقييم :  5 من 5  

  الأثر الإيجابي:

– كتاب مميز يأخذك إلى لحظات شتى قد تكون مرت بك واستشعرت بها من قبل أو لم تستشعرها بعد . كتاب ممتع جدا ، يمكنك القراءة فيه على أي لحظة تريدها أو تواجهها في أي وقت ، لتتمكن من مواجهتها بطريقة عقلية وعلى مراد الله سبحانه وتعالى.

– نجح الكاتب في توصيل رسالته الربانية بالاستعانة بأسلوب علم النفس الاسلامي من خلال اقتباس و تفسير للآيات من القرآن الكريم ،كذلك الإشارة للحظات المؤثرة في حياة الأنبياء و العظماء المذكورين في القرآن الكريم ،كما ان الكتاب لا يخلو من اقتباسات كتب تنمية بشرية و بعض القصص الواقعية كأمثلة حية . 

دار النشر : أطلس للنشر والإنتاج العالمي 

 تاريخ الإصدار : 2015

الطبعة 1 / عدد الصفحات 432

تعالوا بقى نبحر وسط الكتاب .. ونتوقف عند أهم النقاط .. واللحظات 

-اللحظة في الحياة من مميزاتها أنها  مسيطرة عليك مغيرة تماما لحالك .. يعني إما تاخدك فوق وتنعم بها أو تنزلك  لتحت وتدمر حياتك تماما .. وهنا 

لازم تعرف أن دايما أي لحظة فيها رسالة ربانية من أجل التغيير وتعديل سلوك  وقرارات الإنسان وبالتالي مصيره في الحياة . فكن عبدا ربانيا في أي لحظة بتعيشها .. 

- في مصطلح هام جداا اسمه  " إرادة التغيير"  .. إرادة خلقها الله في الإنسان حتى يغير مسار حياته لما يحس إن في خطر أو شيء مش مظبوط في حياته ...

لكن في حد دايما  بيتحداك أنك تتغير .. الحد ده  هو الشيطان ولما تيجى تتغير متستناش لما توصل للقاع وتتدمر .. اعرف أن أي إشارة ربانية هي فرصة للتغيير للأفضل..

- لحظة جرح : 

أرجوك لا ترفع توقعاتك عن الآخرين عشان متتصدمش منهم .. ولو اتجرحت مثلا عاطفيا .. لازم تداوي الجرح ده فورا .. بأنك تتعلق بالله الحنان  وخد وقت كافى لالتئام الجرح .. وتتعلم من التجربة حتى تصل إلى مرحلة النضج الاجتماعي ..  وبعدها تستكمل حياتك وتعوض اللى فاتك .  

 - لحظة قلق وتوتر :  

كلنا بيجيلنا قلق وتوتر زى مثلا لما نكون في امتحان صعب .. طب نسيب نفسنا يتسرق مننا اللحظات الحلوة كدا ولا نتعلم ازاى نروض القلق والتوتر ده بأننا نعرف أن الله هو المهيمن على كل شيء في الكون  و أن الله بكل شيء محيط وعلى شيء قدير .. اطمن واسأل نفسك دايما ايه أسوء سيناريو ممكن يحصل عشان تقدر على تجاوز لجات القلق 

-لحظة شوق للمعصية : 

اختبار صعب من الله  للإنسان ..  إياك تنهزم ولازم تكون أقوى من المعصية  وتستعن بالله الحفيظ  وتهرب من مكان المعصية ده .. يعنى اسبح  ضد تيار و طوفان الفتن و المعاصي ..  

-لحظة حب  ( بين زوجين ) : 

الحب شعور لا يوصف .. يجعلك ترى الجمال .. ويخليك تظهر أجمل ما عندك .. ومن هنا اكتشف الباحثين والعلماء أن في خمس لغات للحب  :  كلمات الثناء والتشجيع ، قضاء وقت جيد مع من تحب ، لغة الهدايا ، أن تخدم الشخص اللي بتحبه ، اللمسة الجميلة أو الاتصال البدني .. فاصنع أجمل لحظات الحب مع شريك حياتك .. لأنه يستاهل 

-لحظة أنس بالله : 

زى مثلا لما تصلى ركعتي بخشوع  تحس أنك في معية الله  ... وهذه اللحظة لازم تحافظ عليها وتتعلم إزاى تعيشها صح .. أذكر الله دائما  .. وابحث عن الصحبة الصالحة التي تعينك لأنك لوحدك مش هتقدر 

-لحظة ندم : 

كلنا  بنخطأ ونندم .. ولكن هنقعد نجلد ذاتنا ونغضب ونخش في لامبالاة   .. لا طبعا ..  هنصحح المسار  ونتوب ونستعين بالغفار ونتقبل الواقع ونبدأ من جديد بروح جديدة وننطلق  

 -لحظة فراق : 

مفيش حد إلا ومات له قريب أو صاحب أو حبيب  .  اوعى تغرق في الحزن والاكتئاب  .. سلم أمرك لله وأمرهم أيضا لأنهم راحوا للرحيم .. فتعلق  بالله الباقي .. وشوف ايه الحاجز اللى بينك وبين الله وشيلوه .. خذ العظة من الموت لأن كل نفس ذائقة الموت . 

-لحظة فرح : 

من حقك طبعا تفرح .. ولكن الفرحة اللي بها أشياء تغضب الله  فرحة مؤذية .. وابعد عن الشماتة والتشفى في الآخرين اللي  آذوك في يوم من الأيام  .. اذن أحمد الله الباسط وافرح بما يرضى الله وتواضع  واجعل لحظة الفرح مفتاح لعمل جديد وانطلاقة للأمام 

لحظة مرض : 

المرض بيعلمك أنك تفوق وأنك لا تعتاد نعمة الصحة وأنك تلجأ إلى الله  ، لا تعترض ولكن تمسك بالسكينة  وأرضى عن الله وتداوي مستعينا بالشافي .. و أي تقصير في أخ الدواء يبقى ذنب عليك .

لحظة ضعف ثقة : 

متقولش أنا ضعيف وتحقر من نفسك ..  لأن الله هو خالقك وهو الذى منحك إمكانيات هائلة بداخلك عليك أن تستغلها .. جرب وعافر وحدد سبب ضعف ثقتك بنفسك أهو سبب جسماني أم اجتماعي أم مالي أم أخلاقي أو بسبب فقد الإنجازات 

استعن بالله الصمد ولا تعجز .. و إن شاء الله هتقدر 

 -لحظة هداية  : 

من أهم اللحظات التي يمر بها الإنسان في حياته ... زي طوق النجاة ليك أنت الغارق في بحر الغفلة .. فلا تعرض عنها إعراض تام ولا تسقطها على غيرك .. بل تقبلها وتعلق بالله الهادي واسمع موعظة مؤثرة تقربك من الله 

-لحظة يأس: 

اللحظة ده بتحصل لما الإنسان بيفقد نعمة من النعم وهنا لا تنسحب من الحياة بل واجهها وتحمل المسؤولية تماما وابحث دائما واطرق الأبواب وتعلق بالله الفتاح واعتمد عليه وحدخ 

-لحظة حب لصديق : 

مهم جدا نعرف مفهوم  " المحبة في الله " ومهم نستخدم لغات الحب الخمسة اللي اتكلمنا عنها سابقا في لحظة  الحب بين الزوجين .. نستخدمها بين الأصدقاء .. حتى يظلنا الله يوم القيامة بظله يوم لا ظل إلا ظله .. 

-لحظة تنازل : 

لحظة اختبارعظيم .. من سينتصر شهوتي أم مبادئي ؟ .. لا تتخلى عن مبادئك أبداا .. كن مرنا مرونة إيجابية .. تمسك بقيمك وتعلق بالله  الغني ..  

-لحظة اعجاب : 

كلنا تعرضنا للحظة ده .. وبنتلغبط عندها لأننا مش عارفين خريطة الحب عند المرأة والرجل إيه ؟  ..

متلعبس بقلوب الناس ولو بتحب واحدة يبقى لازم تاخد خطوة للأمام و إلا انسحب فورا .. مشاعر الناس مش للبيع .. فكن عفيفا 

-لحظة انفعال : 

لازم الإنسان ميغضبش غضب جامح .. فالقوى من ملك نفسه عند الغضب ... استعن بالله الحليم ... وعاقب بلا إهانة أو إيذاء .. أو اغفر للمخطئ .. 

-لحظة قهر ومذلة : 

دايما لازم نستعيذ بالله من المذلة والقهر.. ولو اتقهرنا لا ننتقم .. نلجأ للجبار وندعي ونستعين بالله ونبذل كل ما في وسعنا لتصحيح المسار 

-لحظة عمل الخير : 

عايز تضمن مكان في الجنة  .. اعمل الخير وعدد النوايا .. وسيعينك الله ... متبخلش بوقتك ومتسوفش عمل الخير  ..  بل سارع إلى قضاء حوائج الناس 

-لحظة حزن : 

على حد تعبير إيريك فروم لن تستطيع إنك تتجاوب مع العالم إلا لو تعرضت للحظات حزن .. 

متكتأبش وتنغمس في غفلة من تاني ولكن تعلق بالله اللطيف الخبير  .. 

-لحظة مواجهة : 

تحديات الحياة + رد فعلك المسؤول = تطور وبناء شخصيتك 

نصيحة : لا تهرب من مواجهة الصعاب في الدنيا .. واجهها مستعينا بالله القدير القوي 

-لحظة مرض حبيب : 

الغرض من اللحظة ده أنك تعرف أن قلبك رحيم ولا قاسي .. متكونش قاسى وتهمل عيادة المريض .. زور واعمل واجبك مستعينا بالله البر.. مشاركا الآخرين أحزانهم 

-لحظة انفصال : 

لحظة بيظهر فيها أصالة كل طرف .. متتعودتش فيها أنك تنتقم وتهين الطرف الآخر ..  و بعد الانفصال لا تتزوج سريعا حتى لا تندم 

-لحظة خوف : 

 اللحظة ده  لازم تحطمها  بإمكانياتك الهائلة .. متهربش من المواجهة .. استعن بالله الحسيب .. وتعلم من المواقف الل  اللي خفت منها

-لحظة إدراك : 

هي لحظة لإصلاحك .. فاستعن بالله بالولي .. و أدرك الخطأ اللى عملته .. وحافظ على الصحبة الصالحة اللي بتنورلك طريقك 

-لحظة حيرة : 

لازم تتعرض للحظة ده .. عشان تتعلم إزاى تستشير غيرك .. وإزاي تتعلق بالله العليم 

-لحظة غيرة  : 

نعم الغيرة من الحب .. ولكن لازم متتحولش ل غيرة مرضية  مدمرة .. استعن بالله الرشيد وواجه مشكلتك مع الغيرة 

-لحظة فوز : 

لحظات الفوز تكون في الحياة وعند الموت وفى القبر وفى أحداث يوم القيامة مثلا عند الصراط وعند تطاير الصحف 

وبكدا يبقى خلصنا كلامنا على الكتاب ...

أخيرا وليس آخرا .. هسأل كام سؤال للنقاش :

 1- حد قرأ الكتاب ده ؟ واللى قرأه .. ايه رأيكم فيه ؟ .. خلونا نتناقش شويه فيه في التعليقات ..  

2- من وجهة نظركم .. ايه أحسن لحظة بتمر على الإنسان و ايه أصعب لحظة بتمر عليه  ولماذا  ؟ 

3- اللي  حابب يحكى لحظة  حلوة أو صعبة مر بيها في حياته وكانت Turning Point  في حياته 

 وازاى اتصرف فيها وايه الدروس المستفادة من اللحظة ده  ؟ .. اللى حابب يحكى يحكي  ويفيدنا 

4- ايه رأيكم في الحلقة النهارده بصراحة ؟ عايز نقد بناء .. وايه اللى كنت منتظره من الفقرة وملقتهوش .. وإزاى أطورها للأحسن ؟  

بإيديكم و مساعدتكم و رأيكم الفقرة هتبقى أحلى بإذن الله 

5- اقترحوا عليا أسماء كتب حلوة نبدأ نضيفها للفقرة ونعملها ملخصات 

وشكرا  لوقتكم الغالي ده ..  وآسف جدا على الإطالة 

أتمنى أن أكون قد وفقت في العرض والتحليل للكتاب .

🛑🇺 ومتنسوش تشوفوا السكرينات اللى تحت  .. فيها اقتباسات حلوة جدااا 👇👇 

أشوفكم علي خيرالجمعة القادمة .... انتظروووووووووني 🙏🙏

كريم احمد

تعرفنا علي ....

تعلم فن عيش اللحظة

ملخص كتاب عيش اللحظة

عيش اللحظة واستمتع

فيلم عيش اللحظة

عيش اللحظة كلمات

عيش اللحظة تويتر

كتاب قصة حب

كتاب سحر الدنيا pdf - مكتبة نور

موقع توفرلك ملايين الكتب والابحاث مجانا مع التحميل https://bit.ly/3mIBdSc

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -