فن القراءه السريعة و١٠ فوائد رهيبة
القراءة السريعة كغيرها من المهارات تحتاج إلى:
القراءة السريعة pdf
القراءة السريعة تعني
تتفاوت سرعة القراءة بين قارئ وآخر بحسب
بحث عن القراءة السريعة pdf
معيار القراءة السريعة قراءة الكثير من الكلمات والجمل.
مركز القراءة السريعة
💭طيب أنا خلاص قررت أتعلم القراءة السريعه أعمل أيه ❓
✔️أولًا لازم تعرف أيه هي القراءة السريعه وهتفيدك في أيه ؟
القراءة السريعة بإختصار هي مهارة هتزيد من معدل قراءتك بالشكل اللي مش هيأثر على مدى استيعابك …. أما الاستفاده اللي هتعود عليك منها إنك هتحصل على قدر كبير من العلم في وقت قصير وإنك هتزيد من فرصك في الحياة؛ لأن كل ما الأنسان بيقرأ بيزداد معرفة و بتزيد فرصه في الحياه، ولو أنت إنسان عندك مشاغل كتير في يومك فدا هيخلي فيه وقت لباقي أنشطتك في يومك والعكس يعني لو أنت معندكش وقت في يومك للقراءة، فمده صغيره في يومك تقدر تنجز فيها قدر كبير من القراءة.
◀️♥خلاص بقا أنا حبيت المهارة دي وعايز أتعلمها 💁
مبدئيًا كدا بهنيك على وصولك للجزء ده من الpost واللي بيأكد إنك فعلًا عايز تتعلم وإنك شخص جاد ✔️♥
✅في البداية كدا إحنا لازم نحدد ٣ حاجات: إحنا فين؟ وهنوصل لأيه؟ وهنوصل أذاي؟
🔴أحنا فين(نقطة البداية) مهم جدًا إنك تحدد سرعتك في القراءة علشان تحط هدفك وعلشان تعرف كم التقدم اللي هتحرزه
دا رابط لتطبيق تقدر من عليه تقيس سرعة قراءتك
https://play.google.com/store/apps/details?id=com.takwinco.speedreading
✔️أو من خلال الموقع على جوجل من الرابط ده
🔵الهدف أيه؟ أنت خلاص عرفت سرعتك كام في الدقيقة وليكن سرعتك 170 كلمة في الدقيقة
حط بقا هدف كبير وليكن 700كلمة في الدقيقة أو 1000كلمة في الدقيقة متستغربش أنت تقدر توصل لأعلى من كدا 🔥 في ناس وصلت ل 4250كلمة في الدقيقة أعمل search عن أبطال العالم 🌏 في القراءة السريعة وابحث عن أكتر الناس المميزة في المهارة دي وبإذن الله يحفزوك.
⚪هوصل أذاي(المشاكل وحلها)🔎💡🎯
1ــ القراءة كلمة كلمة وكأنك بتتهجى الحروف الطريقة دي كنا بنستخدمها زمان وأحنا صغيرين ولازم تقتنع إنها لا تصلح لشخص كبير ذيك وإنك المفروض تقرأ الجملة كاملة على بعضيها من غير ما تقف في النُص
⚫⚫⚫⚫
٢ـ القراءة بصوت عالي (جهوري) والطريقة دي كلنا كنا بنعملها ومقتنعين إن أحنا كدا بنقرأ بسرعة وبنستوعب بس الكلام ده للأسف غلط وإن القراءة الصامتة أسرع من القراءة الجهرية وأفضل وإن العقل بيستوعب أكتر في حالة القراءة الصامته 👄 فمتتكلمش باللي تقراه وأقرأ في سرك.
⚫⚫⚫⚫
٣ـ إنك تعيد اللي قرأته بعد ما توصل لآخر الصفحة ترجع تجيبها من أول وجديد(مش عارفه دا وسواس ولا أيه 😂) بس أنت لو بتعمل كده فعليًا فاعرف إنك هتبقى من أبطأ الناس ولذلك مترجعش للي قرأته تاني.
⚫⚫⚫⚫
٤ـ السرحان أثناء القراءة، تبقى بتقرأ في أمان الله وتبص تلاقي أفكار بتهاجم عقلك ( يترى هناكل أيه النهارده، يا ترى الأجازه هتطول10 شهور تاني ولا لأ 😂) وتنسى خالص إنك كنت بتقرأ وده بدوره مش هيخليك تستفيد من قراءتك وهيبطأ من سرعتك والمفاجأة بقا إن عقلك بيعمل كده لإنك بطئ وهو سريع جدًا فبيحس بملل منك فبيملى فراغه آه ذمبقولك كده😂 الحل إنك فعلًا تزود سرعتك ومتسمحش لعقلك إنه يسرح وكل مايحاول يسرح تمنعه ومره على مره هتقدر💪
⚫⚫⚫⚫
٥ـ التوهان بين السطور (أنا رايح فين أنا راجع تاني😹) تبقى بتقرأ عادي جدًا وفجاءة متبقاش عارف أنت وصلت لفين والحل لو عندك المشكلة دي إنك تستخدم مؤشر يبقا دليل ليك ذي قلم أو حتى صباعك والمؤشر هيفيدك في حاجة تاني كمان إنك لما بتحرك المؤشر أو صباعك فعينك بتتحرك معاه فلو سرعت المؤشر عينك هتتعود تنتقل من كلمة ل كلمة بسرعة ودا هيزيد من سرعتك.
⚫⚫⚫⚫
٦ـ لو بتقرأ كل كلمة في الكتاب ف دي مشكلة ولازم تعرف إن بعض الكتب بيبقى فيها ٥٠ ٪ مفيد وال٥٠٪التانين حشو fillers بعض الكُتاب بيحبوا يكبَروا من 📖كتابهم بشكل كبير وكأن فيه مبدأ كبر كتابك تبقى hero وكتابك يتشهر، أكيد أنت لاحظت الموضوع ده وأنت بتقرأ قبل كدا ودا يلفت إنتباهك لحاجة مهمة وهي إنك لازم تتخطى الحاجات الغير مهمة دي ذي مثلًا الجمل اللي بتتكرر أو الحاجات اللي الكاتب بيكررها علشان يأكد حاجة للقارئ أو قصة أستشهد بيها الكاتب وأنت عارفها مش مجبر إنك تقرأها ولو جملة حاول توصل للكلمات المفتاحية بس اللي هتفيدك ذي مثلًا لما أقولك (دعاء الإنسانة الخلوقة المبدعة المتميزة قامت بنشر post عن القراءة) مش مجبر إنك تقرأ كل الكلام ده المهم في الكلام إن دعاء نشرتpost صدقني الخطوة دي هتوفرلك وقت كبير جدًا.
⚫⚫⚫⚫
٧ـ عينك بتلقط كام كلمة؟ طيب هل تعلم إن في ناس عينيها بتلقط بالجمل والفقارات ذي مثلًا الرئيس الأمريكي فرانكلين دي روزفيلت كان بيقرأ الفقرة في لمحة واحدة وهنا بقا أسيبك مع التطبيق ده واللي هيفيدك بإذن الله في تدريبات العين لإنه فيه كذا تدريب للعين ولتسريع القراءة.
دا الرابط
https://play.google.com/store/apps/details?id=air.speedreading.cano.speedreading
شهاده ال ICDL مجانا مع الماتيريال
القراءة السريعة كغيرها من المهارات تحتاج إلى:
القراءة السريعة pdf
القراءة السريعة تعني
تتفاوت سرعة القراءة بين قارئ وآخر بحسب
بحث عن القراءة السريعة pdf
معيار القراءة السريعة قراءة الكثير من الكلمات والجمل.
مركز القراءة السريعة
سلام بقا 🌷♥
دعاء القناوي