القائمة الرئيسية

الصفحات

علاج اضطراب ثنائي القطب وتغير المزاج



هنتعرف علي....
هل مرض ثنائي القطب خطير
أعراض ثنائي القطب عند الرجال
اضطراب ثنائي القطب والزواج
أعراض ثنائي القطب عند النساء
تشخيص اضطراب ثنائي القطب
كيف أعرف اني مصاب باضطراب ثنائي القطب
قصص مرضى ثنائي القطب
مرض ثنائي القطب ويكيبيديا

 ❌⚠️محدش عنده أعراض شبيهه لـBD يفكر ياخد دوا من الأدوية دي أو يقول هعالج نفسي ، هتموّت نفسك فعلياً!

علاج اضطراب ثنائي القطب؟

🔲المضاعفات

 الاضطراب ثنائي القطب من غير علاج، ممكن يؤدي إلى مشاكل خطيرة تؤثر على كل مجال من مجالات حياتك، زي:

* مشاكل متعلقة بإدمان المخدرات والكحول

* الانتحار أو محاولات الانتحار

* مشاكل قانونية أو مالية

* العلاقات المدمرة

* ضعف الأداء في الشغل أو المدرسة

🔲امتى لازم تشوف الدكتور؟

* لما تحس بأفكار الموت أو الانتحار.

* لما يظهر أي من أعراض الاكتئاب أو الهوس.

* لو تم تشخيصك باضطراب ثنائي القطب ورجعت الأعراض أو ظهرت أعراض جديدة.

بالرغم من أن الاضطراب ثنائي القطب بيمثل حالة مزمنة طول الحياة ، بس ممكن تسيطر على التقلبات المزاجية وغيرها من الأعراض عن طريق اتباع إحدى الخطط العلاجية، وفي معظم الحالات، بنعالج اضطراب ثنائي القطب بالأدوية والاستشارات النفسية (العلاج النفسي).

🔲التشخيص:

بيتم التشخيص بناءً على أعراض المرض والتاريخ المرضي للمريض وتجاربه والتاريخ العائلي، وممكن نطلب بعض الفحوصات (زي: التحقق من مشاكل الغدة الدرقية).

🔲العلاج:

 علاج اضطراب ثنائي القطب هدفه إنه يقلل شدة وعدد نوبات الاكتئاب والهوس لتوفير حياة طبيعية للمصاب بقدر الإمكان، 

وممكن يكون بإتباع نوع أو أكثر من طرق العلاج زي:

العلاج الدوائي:

العلاج الدوائي هو الأساس في معالجة الاضطراب ده! وبتكون:

١💊مثبِّتات (مُوازِنات) المزاج

في كتير من مثبتات المزاج وأغلبها بيُستعمل برضو فى علاج الصرع. 

ومع ذلك ، فمن أول الأدوية اللي ثبت فايدتها فى تثبيت المزاج عقار الليثيوم وهو من الأملاح الموجودة فى الطبيعة.

 🧂الليثيوم:

الدواء ده مستعمل كمثبت للمزاج لأكثر من 50 سنة، ولكن ميكانيكية عمله مش واضحة لحد دلوقتي!

وممكن استعماله لعلاج نوبات الكآبة أو الهوس، لازم نسيطر على مستوى الليثيوم في الدم بحيث لا يكون قليل أوي فيكون بلا تأثير ، ولا يكون عالي لدرجة التسمم.

والعلاج لازم اللي يبدأه الطبيب النفسي اللي هيطلب منك فحص مختبري لمستوى الليثيوم بالدم في الأسابيع اللي بعد بدءك للعلاج عشان يتأكد من صحة الجرعة اللي وصفهالك، ولما يستقر مستوى الليثيوم في الدم بيتم فحصه بعد كده لفترات متباعدة. 

🥤كمية السوائل في الجسم ليها تأثير شديد على مستوى الليثيوم في الدم ،

 فـ في حالات الجفاف نسبة الليثيوم بتزيد في الدم وبترتفع احتمالية الإصابة بالأعراض الجانبية وممكن تؤدي للتسمم.

🍶عشان كده مهم جدًا تشرب كمية كبيرة من الماء وبشكل أكثر لما الجو يحرر أو لما تعمل حجات أو تشتغل كتير!

☕️لازم تقلل من شرب القهوة والشاي لأنهم بيزيدوا من فقدان السوائل مع الإدرار.

الليثيوم ممكن ياخد 3 أشهر أو أكثر  عشان يشتغل ويظهر تأثيره، عشان كده مهم تفضل مستمر ومنتظم عليه حتى لو استمرت تقلبات المزاج خلال الفترة دي!

💉فحص الدم:

في الأسابيع الأولى للعلاج بتحتاج لفحص مستوى الليثيوم في الدم كذا مرة للتأكد من نسبته في الدم.

وبيستمر اختبار نسبة الليثيوم طول فترة العلاج ولكن بفترات متباعدة بعد الأشهر الأولى.

وفي بعض الحالات أخذ الليثيوم لفترات طويلة ممكن يؤذي الكلى أو  الغدة الدرقية، عشان كده لازم فحصهم بين فترة والتانية عشان تتأكد من عملهم بصورة طبيعية ، 

وممكن نوقف العلاج بالليثيوم لو عمل مشاكل في وظائف الكلى والغدة الدرقية.

٢💊مضادّات نوبات الصرع 

٣💊مضادّات الاكتئاب

٤💊أدوية أخرى: أدوية غير روتينية مضادّة للظواهر الذهانية: زي

 (زيبريكسا -Zyprexa)

 (أولانزابين - Olanzapine)

 (ريسبيريدون Risperidone)

 (ريسبيردال - Risperdal) 

التي يمكن أن تساعد من لا يستفيد من الأدوية المضادّة للاختلاجات (Convulsions).

برضو الأدوية المضادّة للقلق زي: 💤(البينزوديازيبينات - Benzodiazepines)، اللي ممكن تساعد في تحسين جودة النوم. 

برضو في دواء معيّن،  كويتيابن (Quetiapine)، أكدت إدارة الأغذية والأدوية الأمريكية (Food and Drug Administration - FDA / USFDA) نجاحه في معالجة نوبات الهوس ونوبات الاكتئاب اللي تميّز الاضطراب ثنائي القطب.

🛋العلاج النفسي(Psychotherapy)

المعالجة النفسيّة مهمة جدًا في معالجة الـBD

 وانواعه:

* العلاج السلوكي الإدراكي/المعرفي (Cognitive Behavioral Therapy)

* العلاج العائلي

* العلاج الجَماعي

🔌العلاج بالتخليج الكهربائي (علاج بالصدمة الكهربائية - Electroconvulsive therapy - ECT)

 العلاج ده مخصّص، بمعظمه، للأشخاص اللي بيعانوا من فترات اكتئابيّة حادة ترافقها أفكار وميول انتحاريّة، أو للأشخاص اللي مش حاسين بتحسّن في أعراض المرض رغم معالجتهم بكتير من الوسائل العلاجيّة التانية. 

والعلاج بالصدمة الكهربائية هو عمليّة بيحصل فيها تمرير تيّار كهربائي مراقب عبر دماغ المريض بهدف إثارة نوبة صرعية.

🏩الاستشفاء (Hospitalization)

في حالات معينة الأفضل والأفيد ليهم يدخلوا المستشفى.

استشفاء المريض بهدف تلقّي العلاج النفسي ممكن يساعد في موازنة وتثبيت المزاج، بغض النظر إنه كان بيعاني من نوبة هوسيّة شديدة أو في نوبة اكتئابيّة عميقة. 

⁉️العلاجات البديلة/مكملة:

ممكن تساعدهم في التحكم بالأعراض، وتحسّن مزاجهم وتقليّص التوتّر النفسي قدر المستطاع

زي اللجوء إلى الصلاة أو العلاج الديني الروحانيّ، والتأمّل (Meditation) وتناول المضافات الغذائيّة (Food additives)، كالفيتامينات أو الأدوية النباتية الأصل.

🔲المفاهيم الخاطئة:

❌تقلب المزاج في الاضطراب الثنائي القطب شبه بعض من شخص إلى آخر.

✅الحقيقة: بعض الأشخاص عندهم بس سلسلة من النوبات الثنائية القطبية في حياتهم ومستقرة بينهم، في حين أن البعض عندهم كتير من النوبات غير المستقرة؛ يعني بيعانوا من الاكتئاب أكثر من هوسهم، وممكن يكون الهوس خفيف جدًا لدرجة أنه ممكن متعرفش إنه عندك.

❌النوبات بتقل بتقدم العمر

✅الحقيقة: نسبة حدوث النوبات مبتقلش مع تقدم العمر ، حتى لو محصلتش نوبة لمدة طويلة بس في احتمال للإصابة بنوبة جديدة .

❌بصرف النظر عن إنك تاخد الدواء، مفيش حاجة تقدر تعملها عشان تسيطر على اضطراب الثنائي القطب.

✅الحقيقة: إن الدواء هو أساس علاج اضطراب ثنائي القطب؛ ولكن استراتيجيات العلاج والمساعدة الذاتية بتلعب برضو أدوار مهمة؛ بإن الحجات دي ممكن تساعدك تتحكم في الأعراض عن طريق:

* ممارسة الرياضة بانتظام.

* تنام بقدر كاف جدا.

* تتبع نمط غذائي صحي.

* تراقب حالتك المزاجية.

* تقلل من التوتر.

* حاوط نفسك بأشخاص يدعموك.

👨‍👨‍👧‍👦نصائح للعائلة والأصدقاء:

1.متعزلش نفسك عنه

2.اسمع له دون أحكام أو حلول

3.ادعم خطة علاجه

4.ثقف نفسك عن الاضطراب ده وكيفية التعامل (زي ما بنعمل دلوقتي)

5.عرفه أنك متاح للحديث دايماً

6.اسأله محتاج ايه

7.خرجه من عزلته

8.افهم ان أحيانا محتاج للوحدة

9.روح معاه لجلسات الدعم

10.طمنه أن لحياته معنى

11.اصنع روتين له

12.حط خطة لمواجهة الأزمات

13.حسسه بالقبول والحب الغير مشروط

14.اعتني بنفسك

15.متاخدش الأعراض على محمل شخصي

(أكيد بان اكتر في المشهد ده طريقة الدعم والقبول💖)

تعرفنا علي...

هل مرض ثنائي القطب خطير

أعراض ثنائي القطب عند الرجال

اضطراب ثنائي القطب والزواج

أعراض ثنائي القطب عند النساء

تشخيص اضطراب ثنائي القطب

كيف أعرف اني مصاب باضطراب ثنائي القطب

قصص مرضى ثنائي القطب

مرض ثنائي القطب ويكيبيديا

كورس الذكاء الاصطناعي من lntelمجانا https://bit.ly/3mWkVWj

تعليقات