اهم ٧ حاجات لازم تعرفهم قبل ال ٣٠
هنتعرف علي ....
مميزات عمر الثلاثين
أشياء يجب فعلها قبل سن 20
مميزات سن 28
أشياء يجب فعلها قبل وصولك ٢٥
مميزات سن 24
7نصائح للرجال بعد سن الثلاثين حاجات لازم تفهمهم لو انت شخص بيسعى انه يكون افضل.♥️
1-ان التعليم مش مجرد شهادة، فلو انت معاك شهادة من أكبر الجامعات في العالم في ال psychology ومش بتسمع وتطبق كويس فمش هتنفعك في شيء، التعليم هوا انك تفيد وتستفيد مش إنك تفيد بس أو تستفيد بس.
2- إحنا عايشين عشان نحقق أحلامنا بس مش عيب إننا نساعد غيرهم في تحقيق أحلامهم طالما نقدر، فحاول متلبسش حلم مش حلمك، ولو جيت في يوم وحسيت ان حلم غيرك بيسرقك من حلمك يبقا الأكيد إنك تبعد.
3-طالما بتسعى إنك تكون افضل هتلاقي ال بيشجعك وال بيحبطك، لو لاقيت الاتنين فتأكد إنك ماشي صح واتعلم المرونة، لو لاقيت حاجة منهم بس يبقا تراجع نفسك تاني. "متغلطش غلطتي"
4-ربنا قال "لَقَدْ خَلَقْنَا الْإِنسَانَ فِي كَبَدٍ" يعني الدنيا طبيعتها صعبة وهتلاقي الحزن أكتر من الفرح، اتعلم متديش الحاجة أكتر من حجمها، فلو حصل حاجة دايقتك حجِّمها بوقت تزعل فيه، وبعد الوقت دا ما يخلص ترجع تاني لطبيعتك، فبلاش جو إن (الدنيا جايه عليا جامد اوي يا بيه) لانها حاليا جايه علينا كلنا فاكيد مش هنقعد نتفرج يعني. 😅
5-الاستمرارية مهمة بس انت انسان، كلنا بيجلنا وقت ونقع لإننا انسان ودا طبيعي فلما تحس إنك عايز ترتاح ارتاح بس قبل ما ترتاح اعرف انت واقف فين عشان لما ترجع تكمل من عند ما وقفت. "ودي كانت نصيحة ليا وحقيقي نفعتني جدا"
6-القلق من المستقبل شيء طبيعي يكاد كلنا قلقانين منه، ولكن في نوعين من القلق "الاول القلق الطبيعي ال بيدفعك انك تقدم الافضل والثاني ال مكلبشك ومش عارف تتحرك بسببه" لو انت من النوع الثاني نصيحة مني راجع مرشد نفسي مش عيب العيب انك تفضل واقف تتفرج ولو انت من النوع الاول فِانت زي الفل.
7-الوقت هو الحاجة الوحيدة ال بتروح ومبترجعش، عشان تحس إن يومك كان مفيد لازم تبدأه بجدول بسيط هتحتاج بس ورقة وقلم وتكتب ال ناوي تعمله النهاردة وكل ما تعمل منهم حاجة شغبط عليها بلون تاني غير ال كاتب بيه، دا في اخر اليوم هيحسسك انه اد اي انت استغليت اليوم بتاعك ومراحش هدر لانه انت هتتسأل عن "عمرك فيما افنته"
ولو حابب تنظم وقتك بطريقة اكبر ده كورس هيساعدك جدا في تنظيم يومك بطريقه حلوهhttps://courses.edraak.org/courses/course-v1:Edraak+TSM+T1_2018/course/
وأخيراً، لو قولتلك تدي نفسك كام من 7 في معرفة الحاجات دي تديها كام؟
تعرفنا علي ...
عندما تبلغ الثلاثين
الوصايا السبع قبل بلوغ سن الثلاثين
مميزات عمر الثلاثين
أشياء يجب فعلها قبل سن 20
مميزات سن 28
أشياء يجب فعلها قبل وصولك ٢٥
مميزات سن 24
نصائح للرجال بعد سن الثلاثين