القائمة الرئيسية

الصفحات

 كيفية الاستيقاظ بدري واسرار مميزه


هنتعرف علي...

النوم متأخر والاستيقاظ مبكرا
صعوبة شديدة في الاستيقاظ
دعاء للاستيقاظ مبكرا
صعوبة النهوض من الفراش
كيف اصحى على صوت المنبه
ماذا تفعل عند الاستيقاظ في الصباح
كيف أنام مبكرا واستيقظ مبكرا
أسباب الاستيقاظ المبكر من النوم

بتنام كتير ونفسك تصحي الفجر؟ ☕

 طب هل تعرف ان أكبر سر للصحيان بدري هو إن يكون عندك حاجة تشجعك تصحي من النوم اصلا 🤷‍♀️

أهلا بيك ايها الشخص المتلج في حلقة جديدة من سلسلة التخطيط وحلقة بعنوان : (ازاي اصحي الفجر) 🏃‍♀️

في ظل الجو ده.. لما تيجي تقوم من النوم هتقوم بطريقتين بدري:-

١- تقوم غصب عنك عشان وراك حاجة مهمة جدا، زي محاضرة/ امتحان/ شغل. 

٢- تقوم بمزاجك بدري بس وانت متحفز، ومستعد تواجه يوم جديد من بدايته. 🤍

غير كده مش هتقوم اصلا.. لأن مفيش حاجة تشجعك تصحي 🤏

طب السؤال اللي بيطرح نفسه هنا 🧘‍♀️

ازاي اتحفز إني أصحي اصلا؟ هو في حد بيقوم من النوم متحفز! 🤦‍♀️

الاجابة الصادمة : ان من علامات الحياة السعيدة هي إن الشخص يصحي مستعد ليومه ومتحفز يعمل حاجات كتير. 

اما الانسان اللي غير سعيد في حياته.. بيطول في النوم بمزاجه وبيصحي مش طايق يواجه اي حاجة، بيهرب بالنوم، وبعدها بيهرب جوة العالم الافتراضي، وبيقعد طول اليوم يهرب (من نفسه- ومن مواجهته لحقيقة انه ماشي غلط - ومن اعترافه بتقصيره تجاه واجباته - ومن عدم احساسه بالأمان) 

طب نيجي للسؤال الأهم بجد ✅

- هل في حل يخليك سعيد.. وتوصل لمرحلة انك تقوم كل يوم متحفز وقادر تواجه نفسك ومشاكلك ومسؤولياتك بكل شجاعة؟ 

- الاجابة السعيدة : نعم 

وبخطوات بسيطة جدا لو طبقت اول خطوة نفسها صح 🤩

يلا بينا نتعرف علي الخطوات اللي هتغير عقليتك تجاه الصحيان وتجاه حياتك كلها ♥

الخطوة الاولي: 💪

- ان يكون شغلك الشاغل اول ما المنبه يرن وعنيك تفتح (هو الهدف الاساسي من الحياة) 

يعني اي؟ 

- تسأل نفسك ازاي أرضي ربنا النهاردة؟ 

السؤال ده مع شوية شحن ديني كل يوم سواء من القران او الدروس الدينية

هيوجهك لعمل حاجات كتير صح. 

١- هتصلي الفجر حاضر 

٢- هتجيب وردك من القران 

٣- الاذكار وشكر الله علي فرصة جديدة للحياة. 

تخيل تصحي من النوم اصلا، تقول الحمد لله علي فرصة جديدة اني اعيش! 

- الجملة دي لوحدها هتعمل لدماغك الحزينة error ... اي ده هو بجد فرحان بيوم جديد؟ 🚶

الخطوة سهلة جدا جدا جدا.. مش عليك الا انك قبل ما تنام تتوضي وتقول اذكارك وتقعد تفكر بس ف رضا ربنا، هتلاقي نفسك صاحي من النوم تلقائي بتفكر في نفس الموضوع ♥

الخطوة التانية💪

تكون عامل to do list من قبل ما تنام بردو 

(اظن واضح جدا ان نجاح يومك بيعتمد علي اللي هتعمله قبل ما تنام) 🤹‍♂️

لازم لازم لازم تكون صاحي وعارف كويس انت وراك اي النهاردة 

وبتحدد ده بناءً علي اهدافك الشهرية 

وبتحدد الاهداف الشهرية بناءا علي اهدافك السنوية ♥

الخطوة التالتة 💪

انك تعمل حاجة بتحبها جدا مهما كانت هي اي. 

- شاي بلبن مثلا بيفوقك☕

- قراءة قصة او رواية 

- تلعب جيم 

- انشاالله حتي تفتح سوشيال ميديا لغاية ما تفوق كده وتكون قادر تبدأ ال to do list اللي وراك. 🤹‍♂️

الخطوة الرابعة 💪

في الحركة بركة 🚶

الرياضة الخفيفة الصباحية. 

في مثلا ابلكيشن home work out

لو انتي بنت تقدري تشوفي Sara popfit .

او حتي يوجا بسيطة من ابلكيشن daily yoga او prana breath. ♥

االخطوة الخامسة💪

الفطاار الصحي 🍎

بروتين + سلطة + ربع رغيف 

هتقولي هو انا هعمل دايت 🤦‍♀️

هو اسمه (نظام غذائي) 

يعني مش قاصر علي الناس اللي عايزة تقلل وزنها بس.. هو كمان للناس اللي حابة تحافظ علي صحتها وتبعد عن الفطار غير الصحي بالمرة، او الناس اللي مش بتفطر اصلا. 

بجانب القهوة السادة اللي بتعطيك باور جبارة بعد الفطار ☕

الخطوة السادسة 💪

صلينا وحفظنا قران وعملنا رياضة وفطرنا؟ 

- نشوف اللي ورانا بقا 👩‍💻

وفي الحالة دي :- 

لو ام هتعملي شغل البيت بقا وتشغلي قران علي صوت المنشاوي وتجهزي اللي وراكي. 🤍

لو طالب هتذاكر بصفاء ذهن جبار لو مش وراك كلية، ولو وراك كلية يبقي متذاكرش، حضر اللي هتاخده النهاردة 🤓

- لو بتشتغل اوفلاين وهتنزل شغلك مثلا الساعة ٨ يبقي قدامك ساعة تطور فيها نفسك بما انك صاحي بدري. 

- فيديو تحفيزي

- قراءة 

- حلقة يوتيوب 

- درس من كورس 

- مذاكرة مجال شغلك 👩‍💻

لو مش وراك شغل او مذاكرة، يبقي استغل وقتك ف التطوير الذاتي، وتعلم حاجات هتفيدك ف المستقبل. 🤏

الخطوة السابعة 💪

القيلولة السحرية ♥

انا بحب اقول عليها سحرية عشان بجد بتخلي يومك يومين 🤞

لو متاح انك تنام الضهر ماشي 

الساعة ٢ ل ٣ عادي 

قبل المغرب بردو ميضرش تنام لو بتحب تسهر عشان تكون مصحصح

المهم لو عايز حافظ علي صحيانك الصبح ~ كافئ نفسك بالقيلولة 🦥🧡

الخطوة الجامعة 💪

مكافاة آخر اليوم 🐥

اوعدك نفسك لو صحيت صليت الفجر والتزمت بكل اللي وراك، انك هتعطي نفسك بريك محترم ♥

فيلم وثائقي لذيذ مع شوية فشار، جيم ع الموبايل، قعدة مع اهلك، خروجة مع صحابك، شات مع اصحاب السوشيال، قراءة رواية او كتاب مع فنجان قهوة ☕

يا سلام هو ده اليوم التمام ♥

صدقني والله بعد ما تطبق الخطوات دي لو مناسبة مع مواعيد دراستك وشغلك~ هتكون سعيد بجد. 

و هتصحي كل يوم وانت بتحب نفسك وبتحب الحياة كلها ان شاء الله 🤍

واستناني يوم الجمعة الجاية الساعة ٤ ونص

 عشان هقولك ازاي تعمل بلانر تخطيط للسنة الجديدة، وتحط اهداف وتنفذها بقا 🧘‍♀️♥

سلاااام 🚶

تعرفنا علي ...

النوم متأخر والاستيقاظ مبكرا

صعوبة شديدة في الاستيقاظ

دعاء للاستيقاظ مبكرا

صعوبة النهوض من الفراش

كيف اصحى على صوت المنبه

ماذا تفعل عند الاستيقاظ في الصباح

كيف أنام مبكرا واستيقظ مبكرا

أسباب الاستيقاظ المبكر من النوم

لتحميل نسخه اوفيس ٢٠٢١ مفعله من الموقع الرسمي لما يكروسوفت https://bit.ly/3p4Yuhy

تعليقات