ما هي اسباب التفوق الدراسي
هنتعرف علي التفوق الدراسي ..
بعد اربع سنين جامعة وكنت بحلم بالامتياز كل يوم.. وكل لحظة، ربنا رزقني بيه في تمهيدي الماچستير! ❤
أهلاً بيكم في الفقرة الأولى من سلسلة رحلتك من زيرو لهيرو.. وحلقة بعنوان "التفوق الدراسي" 🧍
كان نفسي حد يجي يقولي الوصفة السرية للتفوق الدراسي، ولكن هيهات التمني. 😁
بس بعد ما عرفت السر بفضل الله.. قررت اعرفه لكل حد نفسه يتفوق دراسيا. 💪
هقولك علي 10 اسرار للتفوق الدراسي، وهسيبلك كل الماتريال في اول كومنت (فيديوهات - كتب - مقالات - كورسات ) 🐥
كشكولك الجميل
وقلمك الأجمل
ويلا بينا نجيب الامتياز ف شوال 🏃♀️
١- التكررررااااار 📒
عشان نكون علي نور ف بداية الفقرة.
عايز امتياز او عايز درجات عالية ~ ذاكر أول بأول.
السر الحقيقي اللي بيحتفظ بيه الدحيحة.
هو ببساطة شديدة (الدحّ)
انهم بيذاكروا المادة، مرة واتنين وتلاتة وعشرة.
مش بيستنوا يزنقوا نفسهم. 🤞
وده بيتطلب منك تنظيم وقتك، فمهم جدا تتعلم مهارة تنظيم وادارة الوقت. فخليك متأكد ان التفوق الدراسي مش حظ، بل هو نتيجة تكرار، واجتهاد، والتزام طول الترم 🤍
٢- الصُحبة 👯
في قاعدة بتقول : (لو صاحبت اتنين اغنياء.. هتكون تالتهم)
قيس علي ده كل حاجة ف الحياة. ومنهم التفوق الدراسي.
لو صاحبت المتفوقين ~ هتكون واحد منهم ! 👩🏫
٣- التلخيص الشخصي 📒
والخطوة دي من اصعب الخطوات.. لكن اهمها 🤏
لو لخصت مادة ، تأكد بنسبة ٩٠℅ ان شاء الله انك هتقفلها.
لأن التلخيص بيعتمد علي الفهم الشديد. وبكده هتضمن حاجتين:
١- فهمت المادة كويس.
٢- هتكون سهلة عليك في المراجعة.
٤- المراجعة الأسبوعية 👩💻
جرب تذاكر ٦ ايام في الاسبوع..
وتراجع اليوم السابع. التقنية دي بيستعملها حفظة القرآن، بيحفظوا ٦ ايام في الاسبوع ~ وبيخلوا اليوم السابع مراجعة ال ٦ صفحات اللي تم حفظهم خلال الاسبوع. جرّب تستعمل التقنية دي ✅
٥- معسكر الامتحانات 💪
- انك تفهم دماغ الدكتور الاول.
- حل امتحانات السنين السابقة.
- التلوين والرسومات في الكتاب او الملخص عشان المذاكرة تكون ممتعة. - منع المشتتات زي السوشيال ميديا.
(السوشيال ميديا في الامتحانات مصيبة)
٦- شحن البنزين 🔥
خليك فاكر قول النبي : (لكل عملٍ شرة، ولكل شرة فترة)
يعني هيجي عليك وقت هتتعب فيه، ويجيلك فتور، اكتئاب، فقدان شغف. هتقعد معاك من يومين لتلاتة :
الذكاء بقا انك تتوقع الفترة دي، ولما تجيلك تتقبلها وتفصل شوية عشان تقدر تكمل تاني🤍
٧- الجسم السليم 🧍
نام كويس، واشرب ٢ لتر ماية ، وحاول تجيب مكسرات عشان تقوي الذاكرة، بلاش كافيين كتير كمان ☕
٨- علاقتك بربنا 🤍
انت مش متخيل ازاي البركة بتحل عليك لما تقرب لربنا، وتصلي الصلوات في ميعادها ويكون ليك ورد قرآني، وتحافظ علي اذكار الصباح والمساء🌻
٩- مكان المذاكرة 👩🏫
اعمل لنفسك مكان تذاكر فيه.. ويا سلام لو مكان يدخله ضوء الشمس في بداية اليوم.
- اضاءة كويسة
- جو هادي
- بعيد عن السرير
- ادواتك كلها معاك - مشروبك اللذيذ - ارمي الفون بعيد 💆
١٠- التقنيات الفعّالة ✅
استعمل التقنيات اللي تسهل عليك عملية التفوق.
زي :
- تقنية البومودورو
- تحضير الدروس قبلها بيوم
- مهارة التلخيص
- المذاكرة وانت ملكش نفس
وعملتلك شرح تفصيلي في الصور اللي تحت 👇
عشان تفهم ازاي تطبق كل خطوة 📒
وبكدة نكون وصلنا لنهاية الفقرة، استعين بالله وابدأ رحلة التفوّق.. وخليك فاكر ان الضريبة غالية جدا. ولكن انت مطلوب منك حاجتين :
- التوكل علي الله.
- الاستعانه بالله والاخذ بالاسباب.
واستناني الجمعة الجاية الساعة ٤ ونص ف حلقة جديدة من سلسلة رحلتك من زيرو لهيرو ♥
سلااااام 🚶
#رحلتك_من_زيرو_لهيرو
تعرفنا علي التفوق الدراسي ...
مهارات التفوق الدراسي
أسباب التفوق الدراسي
خطوات النجاح والتفوق الدراسي
العوامل المؤثرة في التفوق الدراسي
التفوق الدراسي ppt
فوائد التفوق الدراسي
امثلة عن مقالات حول التفوق الدراسي
نادي التفوق الدراسي