ليه ال ICDL هو الطريق المختصر للCV عشان يترفض
طب ايه البديل فى 2019 لو عايز تتعلم اوفيس صح و تحترفه !
بما اننا بلد شهادات ✌️. فطبيعي جدا مع التقدم التكنولوجي اللى بيحصل , و اهمية
ان يبقي عندنا مهارات الكمبوتر , ان الناس تفكر فى المكان اللى هيديهم شهادة
معتمدة فى استخدامه. من هنا بدات قصة العلاقة القوية بين المصريين و ICDL
(الرخصة الدولية لقيادة الحاسب )
● الموضوع كان ماشي زى الفل فى ال 2000 . لسة الكمبيوتر اختراع جديد و
الانترنت والسوشيال ميديا مكنتش انتشرت . فكانت الشهادة دي تتوزن دهب و
بتعكس اد ايه صاحبها شخص متقدم و بيطور من نفسه و بيجاري عصره . لحد سنة
2011 . السنة دى اتكتب فيها نهاية الشهادة بشكل عملي حتي لو لسة مستمرة
لحد دلوقتي . ليه بقي ؟
1 } شهادة ال icdl قبل متكون بتعلم برامح Microsoft office . فهي المفروض بتعلم
اساسيات استخدام الكمبوتر . اللى هو ازاي تفتح الويندوز و تدخل على المتصفح و
هكذا . فهل فى 2018 احنا لسة محتاجين شهادة عشان نعرف ازاي نفتح ويندوز و
بروزر !
2 } 99.9% من دورسات ال ICDL اللى بتتشرح فى مصر . بتشرح الشهادة
باستخدام office 2003 / 2007 و يوم مربنا كرمهم و اتطوروا شرحوه على 2010 (
كان انجاز غير مسبوق 😀 ) . انا راضي زمتك بالعقل و المنطق , بقي احنا فى
2019 و انت بتدرس شهادة بتديك برامج منتهية الصلاحية من 2003 ! انهي عقل و
منطق يقبل كدة
3 } الاختلاف بين office 2016 و office 2003 . عامل زى الاختلاف بين محمد زيدان
لاعب مصر و زيدان مدرب ريال مدريد . مش اختلاف شكل زى مبيقولوا . و لكن اختلاف
امكانيات . الادوات اللى بتستخدمها فى office 2016 من Animation و video و
photo و التسجيل الصوتي و غيرهم , حاجات اوفيس 2003 ميعرفش عنها حاجة . و
بتالي الغرض الاصلي من الشهادة ضاع ! احترافك لبرامج الاوفيس مبقاش بيجاري
الواقع . فقط الشهادة بقت مقتصرة على جانب نظري و اكاديمي فقط
4 } نفس ال 99.9% لما بيتحطوا فى انترفيو انهم يعملوا ابسط مهام على
office 2016 بيعجزوا . مش حتي ال Complex لا خالص . حاجات بسيطة جدا اى
هاوي غير دارس الشهادة المفروض يعرف يعملها .
{ و من هنا اصبحت شهادة ال ICDL لينا ك HRs شهادة #ضرر مش نفع . لانها
بتعكس اد ايه صاحبها غايب عن واقع الحياة العملية و بيضيع وقته فى غير المفيد
كمان يفتقر لاساسيات التعامل مع الاوفيس الجديد . دا غير انه مش updated .
صفات كتيرة جدا و انطباعات سلبية بتكونها الشهادة دى عن صاحبها للاسف و بتكون
سبب رفضه }
────────────────────────
طيب ليه الجامعات و اماكن الكورسات لسة بتديها لحد دلوقتى و باسعار غالية كمان ؟
────────────────────────
● لانها سبوبة حلوة و مربحة جدا . و مناسبة جدا لشعب غير واعي زينا لسة معتقد
ان الانجليزي و مهارات الكمبوتر هما اللى هيأهلوه لسوق العمل . فليه يوقفوها !
────────────────────────
طيب هل فعلا هى مضرة اوي كدة يعني خلاص مخدهاش ؟
────────────────────────
● تاخدها فى حالة من اتنين . يا هتقدم على #ماجسيتير فى جامعة مصرية (
ساعتها ال ICDL اهم منك انت شخصيا ) او هتقدم فى #قطاع_عام ( حكومة ) . غير
كدة ليس لها اى قيمة
─────────────────
ايه البديل بتاعها دلوقتى لو عايز اتقن الاوفيس ؟
────────────────────
● فى حاجة اسمها IC3 من Certiport . او MOS Microsoft Office Specialist من
مايكروسوفت . دول ماشيين ب office 2016 و شهادات بشهادة اللى جربوها
كويسين
────────────────────────────────
هل المهم فى ال CV هو الشهادة ( سواء icdl / mos / ic3 ) ولا ايه ؟
────────────────────────────────
● نصيحة من واحد شغال فى المجال و تعامله اليومي مع HRs . المهم هو
#بتعرف_تشتغلل_علي_ايه قبل ميكون شهادتك ايه . روح اتعلم برامج الاوفيس
اونلاين احسنلك اوفرك اكرملك من اى مكان .
.الا لو انت حد شغال فى المجال التقني و احترافك للبرامج اساسي لوظيفتك
ساعتها فكر فى الشهادات سواء MOS او IC3 . او تبقي
Microsoft Certified Trainers (MCT او
Microsoft Certified Educator (MCE)
انما لو حد عادي فيكفي فقط انك تعرف تشتغل على برامج
▬▬▬▬▬▬▬▬▬▬▬▬▬▬▬▬▬▬
● ● دي كل لينكات #الكورسات لاحدث مناهج فى Office
من اقوي موقع كورسات فى العالم Lynda . ووفر فلوسك لحاجات تانية اهم
▬▬▬▬▬▬▬▬▬▬▬▬▬▬▬▬▬▬
طريقة التسجيل المجاني على موقع ليندا هسيبها فى اول كومنت
https://www.udemy.com/course/advanced-microsoft-excel-j/
────────────────────────────────
كل كورسات وورد هنا
────────────────────────────────
فوفر فلوسك .
و متخليش حد يستغلك تحت سبوبة ال ICDL 😉
شكرا :
اهم تجميعه كورسات وماتيريال لطلبه وخريجين كليه تجارة اضغط
هنا https://bit.ly/3s1jEyN
عمليات البحث ذات الصلة
دورة icdl كاملة بالعربي pdf
شهادة ICDL معتمدة
اختصار ICDL
أماكن كورس ICDL
هل شهادة ICDL مهمة
المراكز المعتمدة لشهادة ICDL فى سوهاج
امتحان ويندوز icdl
شهادة ICDL معتمدة دوليا