11/05/2020 10:51:00 صكورس اكسيل مجانى من البدايه للاحتراف بالماتيريال والشهاده المجانية

     علاج الضغوط النفسية و أنواع الضغوط النفسية

يقول الله تعالى ﴿لَقَدۡ خَلَقۡنَا ٱلۡإِنسَـٰنَ فِی كَبَدٍ﴾ [البلد ٤]

كلنا بنتعرض لضغوط نفسية وأزمات بتأثر على حياتنا بالسلب سواء نفسياً أو جسدياً، وكل شخص فينا بيتعامل معها بشكل مختلف سواء كانت الضغوط فى الدراسة أو الشغل وأنا النهاردة هأتكلم معاكم عن الضغوط النفسية وإزاى نتعامل معاها

-الضغوط النفسية:- هى العوامل الخارجية التى تؤثر على الفرد وتخلق حالة من التوتر والقلق والحزن، وممكن تؤثر بالسلب على قدراته فى تحقيق أهدافه، والتوازن في شخصيته.

الضغوط النفسية تنقسم إلى

داخلية:- زى الأفكار والمعتقدات الخاطئة، وقدرة الفرد على مواجهة الظروف،والضغوط.

خارجية:- زى الأحداث اللى بيتعرض ليها اى فرد زى فقدان المال، موت حد قريب بيسبب ضغط نفسي.

البيئة:- زى تغير المناخ واللى احنا بنسميه اكتئاب الفصول أول ما يدخل فصل جديد فيه ناس كتير بتحس أنها مضغوطة وحزينة، كمان التلوث في البيئة بيسبب حالة من الضيق والحزن.

كمان فيه عوامل فسيولوجية زى الانتقال من مرحلة الطفولة إلى المراهقة، الأمراض والحوادث، واضطراب النوم، وعدم الاستقرار في البيئة والمجتمع.

طيب نعرف إزاى إنه عندنا ضغط

بتكون أوقات أعراض جسمانية زى ألم المعدة، وزيادة ضربات القلب، التعرق الشديد، وضيق التنفس.

أو ذهنية وهى عدم التركيز فى المهام المطلوبة، صعوبة في اتخاذ قرار، النسيان، والشعور بالإرهاق.

انفعالية مثل الغضب والانفعال والتوتر، وأوقات بيكون رد الفعل العكس مثل الحزن والاكتئاب والاحباط والانسحاب.

كمان أوقات بتكون أعراض سلوكية زى هز الركبة وقضم الأظافر والتدخين، كثرة النوم، وكثرة الأكل وتقريبا معظمنا بيعمل كده بيهرب من الضغط بالأكل أو النوم.

التعامل مع الضغوط النفسية

تجنب المواقف اللى بتعرضك للضغط ولو مقدرتش حاول تقلل توترك وتقلل معاييرك تجاه الموقف وممكن طلب المساعدة.

الدعم الاجتماعي من الأصدقاء والعائلة والمعارف.

النوم جيدا بالليل عشان متحسش بعدم التركيز في الصبح وبالتالي تصبح متوتر وقلقان.

وأخيراً ممارسة الرياضة والأكل الجيد والضحك هيخفف جدا من الضغط النفسي.

وفيه حاجة ممكن تعملها لما تحس إنك مضغوط تخرج خروجة حلوة مع أصحابك، تشوف صور حلوة ، التأمل، وممكن كمان تأكل شوكولاتة تبسط بيها نفسك.

وربنا يبعد عنكم أى ضغط ويوفقكم يارب

10 نقاط عشان تطور نفسك إيجابياً ..

1- متقارنش نفسك بحد ولكن قارن نفسك النهاردة بإمبارح..

2- القراءة ، متفوتش يوم من غير ما تقرأ..

3- حط لنفسك هدف يكون قابل للقياس ومحدد بمدة والأهم يكون واقعي وقابل للتحقيق..

4- اتعلم من أخطائك ، الناس اللي بتنجح بتتعلم من اخطائها .. العباقرة بيتعلموا من أخطاء غيرهم..

5- متأجلش يا تنفذ دلوقتي يا مش هيحصل .. ازاي تتغلب علي التأجيل هتلاقوا روابط في التعليقات..

6- ركز علي قاعدة 80/20 ودي عبارة عن أن 80 % من إنتاجيتك نتيجة 20% فقط من مجهودك ، شوف بقي انت بتضيع تعبك ازاي ؟!!!

7- واجه مخاوفك ، الحاجات أبسط كتير مما في خيالنا وفكرتنا المسبقة عنها ولو واجهتها هتكسب..

8- خد بالك من صحتك لان هي دي الحاجة اللي فعلا متتعوضش ، مارس رياضة كل أكل صحي نام كويس..

9- اليوم اللي يعدي من غير ما تتعلم حاجة جديدة يوم ضايع..

10- مش هقولك ركز على عبادتك ولكن إفتكر أن كل حاجة بأيد قاضي الحاجات ..

موفقين أجمعين

علاج الضغوط النفسية PDF
أنواع الضغوط النفسية
أعراض الضغط النفسي وعلاجه
نتائج الضغوط النفسية
أعراض الضغط النفسي
كيفية التخلص من الضغط النفسي في الدراسة
قياس الضغط النفسي
أسباب الضغط النفسي

اعرف اى باسوورد لاى واى فاى  فى اى مكان فى

  العالم  https://bit.ly/3DcefdK