ماهو اهم ٧نقاط قوة يتفوق بها الاثرياء
هنتعرف علي يتفوق بها الاثرياء ...
صفات الأثرياء
إيجابيات وسلبيات المال
نظريات الاقتصاد الكلي PDF
مميزات وعيوب المال
سلبيات المال على الإنسان
بحث عن الاقتصاد الكلي doc
تأثير المال على المجتمع
أثر الإنفاق الحكومي على النمو الاقتصادي
٧ نقاط قوة يتفوق بها الأثرياء ....
١- التربية المالية :
مقصدش الثقافة المالية لكن كل الأثرياء بيتصرفوا مع الفلوس بطريقة مختلفة وده بيتنقل للاولاد بشكل تلقائي وأهم ميزة هي التعود علي الفلوس فبشكل تلقائي عقله بيتبرمج ازاي يوجدها من اي مصدر.
٢- الاستثمار في التعليم :
غالبية الأثرياء بيستثمروا في تعليم ولادهم في افضل المدارس والجامعات حتي ولو من باب المنظره فده بيدي افضلية لاولادهم طول الوقت وبالتالي بيبقي ضامن مستقبلة بشكل كبير .
٣- شبكة العلاقات :
اولا علاقات الاسرة وعلاقات الجيران في محيط الاسرة وعلاقات اباء زملائهم ... الخ، شبكة العلاقات دي كفاية انها تنجحك لوحدها حتي لو فقدت فلوسك هتعرف ترجعها.
٤ - الامان المالي :
لما بتتعود علي الفلوس الكتير وبتصرف بحرية بتعتقد ان الفلوس سهلة " سهل تجبها وسهل تصرفها وتجيب غيرها" العقلية دي بتخليك توجد الفرص بسهولة وتحدد هدفك بسهولة أكثر وبتلغي الخوف في التعامل مع الأرقام ،وده بيحولك لمستثمر بشكل تلقائي.
٥- مقاومة الرغبات:
لما تملك القدرة انك تحقق غالبية رغباتك الانسانية في وقت مبكر زي افضل اما وشرب وسكن وعلاقات وملبس ... الخ بتوصل لمرحلة الإشباع في وقت مبكر برضه فعقلك بيبتدي يفكر في متع فوق مستوي الرغبات فبتوصل لرغبة تحقيق الأفضلية والاحترام الذاتي فبتدور انك تصنع قيمة مميزة عن اللي حواليك باسمك الشخصي، تبعد عن اهلك علشان يبقي ليك حياتك الخاصة، تبدأ بيزنس بعيد عن بيزنس العيلة، تتبني قضية مجتمعية ، تشوف حقوق الحيوان والبيئة والاحتباس الحراري ... الخ
٦ - الكيفية :
ودي اعظم ميزة من وجهة نظري، بناء علي النقاط السابقة بتنشئ طموح واهداف لكن الاهم ان الشخص بيبقي عنده الموارد وعارف هو محتاج ايه؟ وازاي يحقق ده ! ، لآن عقلة متعود علي الحلول بشكل تلقائي ولو ملقاش حل عنده هيبقي عارف هيروح لمين يوجد له حل وبالتالي امتلاك الكيفية هو امتلاك ٧٠٪ من الخطة لنجاح اي هدف.
٧- متعود يدفع للأفضل:
الأثرياء متعودين ميدفعوش فلوسهم للفقراء أو يدفعولهم قليل لكن بيدفعوا كويس جدًا للناس اللي زيهم وده قانون اسمه الاستحقاق المالي ممكن ابقي اشرحه لوحده في بوست ، لو اتعاملت في المستوي ده قبل كده اكيد قابلك في احتياج ليهم اكيد هتسمع اسئلة من نوعية :
مين احسن حد اشتري منه ؟
مين افضل حد اروح له؟
فين احسن مكان الاقي عنده؟
مين افضل دكتور متخصص ؟
..... الخ
فطبيعي انه بيختاروا افضل ناس يشتغلوا معاهم وبيدفعوا افضل سعر فبياخدوا افضل نتيجة وبيضاعفوا النتيجة دي من خلال الناس دول ودي اصعب حاجة في الطبقة المتوسطة انهم بيحاولوا يوفروا طول الوقت وبالتالي مبيخدوش لا نتيجة كويسة ولا علاقات كويسة ولا فرص احسن والعكس صحيح.
دول أهم ٧ نقاط من وجهة نظري بتشرح جملة " الأثرياء يظلون أثرياء والفقراء يظلون فقراء "
#Captured
تعرفنا علي يتفوق بها الاثرياء ...
صفات الأثرياء
إيجابيات وسلبيات المال
نظريات الاقتصاد الكلي PDF
مميزات وعيوب المال
سلبيات المال على الإنسان
بحث عن الاقتصاد الكلي doc
تأثير المال على المجتمع
أثر الإنفاق الحكومي على النمو الاقتصادي