تعرف إيه أجمل احساس في الامتحانات؟

هنتعرف علي احساس في الامتحانات ...

أسباب الخوف من الامتحانات

هل المراجعة قبل الامتحان مفيدة

نصائح للامتحانات النهائية

نصائح قبل الامتحان بساعه

نصائح ليلة الامتحان

ماذا تفعل قبل دخول الامتحان

نصائح أثناء الامتحان

نصائح لقلق الامتحانات

عارف احساسك بثقل الأيام وأنت بتقول لنفسك مش عارف هتعدي إزاي...

لحظة ضعفك، افتقارك، تضرعك، التجائك لربك...

شايف نور ساطع في وسط الضلمة وهو يقينك بربنا، حسن ظنك بيه، أنه مش هيضيعك، أنه هيعاملك بكرمه مش بعدله، إنها عمرها ما كانت بشطارتك لكن هي دايما بتوفيق، كرم، لطف ربنا بيك.

تفتكر أوقات أصعب عدت عليك وربنا نجاك منها؛ فيزداد يقينك أنها هتعدي بلطفه الدائم...

تستشعر معنى "لا حول ولا قوة إلا بالله".

اللطف والنجاة في قولك "لا إله إلا أنت سبحانك إني كنت من الظالمين".

الفرج في صلاتك على النبي...

تشوف آيه تهون عليك تحس إنها رسالة من ربنا أنه معاك، عالم بيك، أقرب إليك من حبل الوريد؛ فتطمئن...

نسمات من الرحمة، اللطف، جبر لقلبك في أشد لحظات ضعفك، واللي فاكره مش هيعدي بيعدي بلطف الله الدائم...

مادة صعبة ومعذباك، مش عارف هتعدي منها إزاي؛ لكن تلاقي لطف ربنا محاوطك، وفقك وحليت فيها كويس.

تبقى تعبان ومش قادر تذاكر؛ فتلاقي ربنا هونها وعدت بلطفه.

امتحان صعب تخرج مش حالل كويس، خايف من النتيجة؛ فتتفاجأ بكرم ربنا ليك، إنك جبت فيها تقدير.

ومواقف كتير كنت فاكر أنها مش هتعدي، لكن عدت بلطف الله...

وممكن تتحط في موقف، تحس الدنيا مقفلة في وشك وملهاش حل، ربنا بيختبر يقينك، صبرك، حسن ظنك بيه، توكلك عليه؛ ثم تتفاجأ بعوض وكرم من ربنا ليك بشئ لا تتخيله...

استشعارك للمعاني دي عموماً في أشد وأصعب أيامك، في كل معاناتك، ابتلائاتك بيزود يقينك بالله وبلطفه...

فتسلم أمرك ليه، فتسكن ،ترضى، تطمئن نفسك، فترى لطف الله وجبره لقلبك وعوضه ليك...💙

المعاني دي الأنبياء كانوا عايشين معاها، مهما اشتدت عليهم الظروف، مهما انقطعت الاسباب؛ قلوبهم مليئة ثقة و يقين بالله.

عن مشهد النبي وسيدنا أبو بكر في الغار بيقوله: "يارسول الله لو أن أحدهم نظر تحت قدميه لرآنا".

وقول النبي بيقين وثبات تام: "يا أبا بكر ما ظنك باثنين الله ثالثهما يا أبا بكر لا تحزن إن الله معنا".

عن مشهد العدو من خلف سيدنا موسى والبحر أمامه، انقطعت الاسباب، وأصحاب سيدنا موسى يقولون: "إنا لمدركون".

وسيدنا موسى يقول: "كلا إن معي ربي سيهدين".

ومواقف كتير لما تفتكرها، تستشعر معنى اليقين بالله مهما انقطعت الأسباب، لطف الله، جبره، رحمته، عوضه...

إن دايما العسر يحيطه يسر، الفرج مع الكرب، النصر مع الصبر، تصغر بعيونك كل همومك، ومشاكلك؛ فهناك ربنا رحيمًا لن يتركك فيطمئن قلبك.💙

فالحمد لله أن لنا ربنا رحيمًا، لطيفًا، كريمًا، وهابًا، منانًا، يجبر كسر قلوبنا ويهون علينا، بقوله كن فيكون كل شيء يتغير، فلا حول ولا قوة لنا إلا بالله.🌻

تيجي نخلي البوست ده مجمع لبعض من نسمات لطف الله علينا،

نعيش شوية في الروحانيات العظيمة دي، نشكر ربنا عليها...

افتكر موقف استشعرت فيه لطف وجبر ربنا ليك، وقولنا عليه في كومنت، لعلها تكون رسالة لغيرك تُطَمئِن قلبه.💙🌻