لماذا لم يتحقق الحلم ولكن؟
هنتعرف علي ....
ربما لم يتحقق الحلم ولكن ...❤️
البوست ده خلاصة 3 سنين بأحداث وتغييرات جذرية في الحياة هسيبه لعله يكون دفعة أمل لأي حد يشوفه وعلشان لما أشوفه في ال memories يديني دفعة طاقة وأمل أكمل الطريق 😌
هبدأ البوست بالآية اللي بعتبرها شعار رحلتي في الحياة
" وَأَن لَّيْسَ لِلإِنسَانِ إِلاَّ مَا سَعَى * وَأَنَّ سَعْيَهُ سَوْفَ يُرَى * ثُمَّ يُجْزَاهُ الْجَزَاء الأَوْفَى "
من سنتين وبعد نتيجة الثانوية وظهور التنسيق الحياة بالنسبة لي كانت أنتهت وهي دي الجملة الوحيدة اللي كنت بقولها دائماً أنا مستقبلي وحياتي أدمروا خلاص .
جالي في التنسيق تربية رياضية في محافظة الدقهلية بس حولت ودخلت كلية التجارة علشان بس أكون في مدينة نصر جمب بيتي طالما حلمي متحققش يبقى أي كلية وخلاص .
دخلت الكلية وكنت بعيط بشكل يومي على حياتي اللي ضاعت ومستقبلي اللي أنتهي ولا أتعرفت على أصحاب جداد علشان أنا مش حد إجتماعي وكمان مش طايقة الكلية أصلا ولا اللي فيها مكنتش بذاكر ولكن جيت قبل الإمتحانات بشهر وبدأت أذاكر علشان أحاول أنقذ ما يمكن إنقاذه وأنا أصلاً مش عايزة تقدير تعبت علشان الم المواد وفى أول سنة جبت تقدير جيد جدا 😅
كورونا جت وبدأت نقطة التحول من هنا قعدنا في البيت وبدأت أتعرف على التعليم الأونلاين وقد كان دخلت يعتبر على أغلب المنصات العربية والإنجليزية وبدأت :-
أخدت أكتر من 40 دورة في مجالات مختلفة منهم
- مبادئ فن الخطابة
- مبادئ الإسعافات الأولية
- soft skills
- presentation skill
- How to create a LinkedIn profile
- improve your speaking skill in English
- digital marketing
- mahart min Google
وغيرهم كتير ومنهم مجال التسويق اللي كان عندي شغف من صغري أني أتعلمه وأعرف إزاي بيعملوا الإعلانات والجو ده ✅😎
- بدأت أتعرف على ناس معايا في الدفعة فى الأجازة وفترة الأونلاين وبدأت أقوي نفسي في اللغة وعملنا جروب بقينا بنتعلم ونساعد بعض فيه فى الإنجليزي .
- أخدت كورس مستوى أول في اللغة الألمانية A1 وخلصته وبفضل الله أتقنته ولسه هكمل بقيت المستويات بأذن الله .
- نزلت محاضرات تدريب في مجالات مختلفة زي ال HR وال marketing وال business development .
- أخدت تدريب تبع الجامعة حضرت كورسين مكثفين من معهد ITI
- واحد في مجال ال digital marketing .
- والتاني بدأت في مجال البرمجة وأخدت تراك كامل
فى ال front end .
- عرفت يعني أيه تطوع واتطوعت في أكتر من 10 فرق تطوعية منهم اللي مكملة فيه حتى الآن ومنهم اللي سبته لظروف ما .
- حالياً متطوعة في جمعية رسالة نشاط RTC ليدر لجنة التدريب والتطوير .
- وعضو content writer في لجنة ال marketing في نفس النشاط .
- عضو content writer في تيم CSST .
- عضو في تيم الفلترة في جروبfree courses & books
- بدأت أتعلم مجال ال SEO وكتبت أول مقال ليا ونشر على موقع free courses & books ومكملة معاهم في اللجنة بفضل الله .
- عضو في تيم IEEE فى لجنة تيكنكال ال Back End تحديداً .
لو تلاحظ عزيزي أنا متطوعة في المكان في أكتر من لجنة فضى بقى كبت متعرفش 😁😂
المهم أنه الدنيا مش دائماً حلوة بسبب التطوع ده كله وإنشغالي عن الدراسة حبه حلوين تقديري في سنة تانية كان جيد بس للأسف 🙂
اللي فوق ده كله حصل أثناء وبعد ما نقلنا من بيتي اللي قضيت فيه 19 سنة من عمري وحقيقي كان الموضوع صعب عليا أوي إني أسيب مكاني وذكرياتي كلها والكام صاحبة اللي أعرفهم في محيط منطقتي وأبعد عن كل ده وبقيت المسافة بين البيت والجامعة 3 ساعات 🙃
بدأت أحاول أتأقلم مع الوضع غير المريح ده وقولت أجرب أستفيد من وقت المواصلات وسمعت بودكاست في مجالات مختلفة
- marketing
- English
- programming
- life skills
وغيره
بس كما تقول الحكمة الشهيرة " لعل الخير يكمن بالشر "
لما نقلنا بقى عندنا وصلت internet ثابته لينا بس وكمان بقى معايا فون جديد ❤️☺️
وبدأت يبقى عندي قدرة أكبر على التواصل والإنفتاح على العالم 💚😇
رجعت لهوايتي المفضلة الكتابة وبدأت أستغل الموهبة اللي عندي وأوظفها في كتابة المحتوى تبع مجال التسويق اللي أنا بحبه أصلاً وعايزة أشتغل فيه .
بدأت أقرأ كتب في مجالات مختلفة وبفضل الله ربنا كرمني وصلت لدرجة إني بقيت أساعد أصحابي واللي حواليا إنهم يقرءوا وأرشحلهم أفضل الكتب اللي قرأتها في مجالات مختلفة .
بما إني متطوعة في جمعية رسالة نشاط RTC مدينة نصر
في قسم التدريب والتطوير فأنا شرحت قدام حوالي 10 دفعات تدريب لأشخاص بأعمار مختلفة حقيقي دي من أكتر الحاجات اللي فخورة بيها وسعيدة بالأشخاص اللي إتعاملت معاهم خلال التدريبات دي كلها .
حضرت مرتين ملتقي توظيفي تبع جميعة رسالة
- مرة كا مستفيدة بس مكنش فيه فرص شغل مناسبة 💔🙂
- المرة التانية حضرت كل منظمة ولقيت فرصة شغل وكمان جالي recommendation من حد هناك ولكن للأسف النت كان فاصل ومعرفتش أحضر الأنترفيوا 🙃
بلاش نتكلم عن حظي كتير يا جماعة 💔🙂😂
المهم بدأت أعمل المحتوى الخاص بيا في شكل فيديوهات قصيرة بنزلها على التيك توك والفيسبوك بس محتوي تعليمي مفيد بصورة ترفيهيه مش حاجة تانية والله ✌🏼😂
وأهم حاجة بقى فى كل ده 😂
أني بقيت أعرف أعمل قهوة باللبن إنما أيه حاجة كده برفيكتوا الحمد لله 👌😉
كل الحاجات الي كتبتها دي كان فيها لحظات الواحد تمنى أنه لو مات الوضع هيبقى أحسن كتير لحظات ألم وكسرة نفس من أقرب الناس والله فقدان لأشخاص كان مستحيل الإنسان يتخيل بس أنه يخسرهم لحظات وجع وفشل بالكووم 😅
أحداث غريبة وفاقت قدرتي على التخيل بمراحل أقدار كانت صعبة مرت على الإنسان بس ربنا هونها كل مرة بكرمه وفضله علينا .
آخر حاجة أتفرجت عليها النهاردة وكنت في غاية الأمل والتحفيز أنه أكتب كل ده أصلاً
فيديو على قناة دروس أونلاين على اليوتيوب
وأحمد أبو زيد قال في الحلقة مقولة كده في قمة الروعة فيها الخلاصة 😌❤️
Pain is inevitable suffering is optional
معناها أنه الألم شئ حتمي ولكن المعاناة إختيارية
اللي اتعلمته خلال 3 سنين أنه لو هتقعد تعيط علشان حلم أو حاجة معينة أو حتى شخص معين فقدته عمرك ما هتقدر تعوض خسارتكَ بالعكس هتخسر أكتر ومش هتقدر تكمل
صحيح حلمي ما اتحققش في الكلية بس حقيقي تدبير ربنا كان فيه الخير ليا وراضية وممتنه لكل أقدار الله لأن رب الخير لا يأتي إلا بالخير حتى لو لم أدرك ده في وقتها ✨💚
عمرها ما وقفت ولا هتقف على حاجة لازم تكمل وتسعى فى كل الأحوال لأنه دي سنة الحياة 💚😇