اذاي تستفيد من الكتب الي قراتها
هنتعرف علي الاستفاده من القراءه ...
◀️أذاي تستفيد من الكتب اللي قرأتها؟
ناس كتيير بتشتكي وتقول بقرأ الكتاب ومش بفتكر منه حاجه بعد فتره من قرايته وكأني مقرأتش. بس الكلام ده كله غلط لإن إحنا فعليًا بنستفيد حتى لو بشكل غير ملحوظ💡.
🔵الشيخ سليمان العودة بيقول:
"قلت لشيخي قرأت الكتاب ولم يعلق شئ منه بذاكرتي فمد لي تمرة وقال: أمضغها، ثم سألني هل كبرت الآن؟ قلت: لا، فقال: ولكن هذه التمرة تقسمت في جسدك فصارت لحمًا وعظمًا وعصبًا وجلدًا وشعرًا وظفرًا وخلايا".
لذلك لازم نبقى مقتنعين إن أحنا هنستفيد من الكتاب اللي هنقرأه بشكل أو بآخر ولذلك أنا جيبالكم أفكار هتساعدكم تفتكروا الكتب كويس🎯💁
١- أعمل (mind map) خريطة ذهنية للكتاب بعد ما تخلصه والطريقة بسهولة◀️إنك تكتب اسم الكتاب في نص الصفحة في دايرة وبعدها تعمل تفرعات من الدايرة دي وتكتب فيها الفصول اللي موجودة في الفهرس وبعد كدا تطلع من كل فصل مجموعة تفرعات تكتب فيها أهم الأفكار اللي موجودة في الفصل ده و بكدا يبقى معاك ورقة واحدة ملخص فيها الكتاب وتقدر ترجعلها في أي وقت ⏳
٢- أعمل تلخيص للكتاب 📖 ونزله على السوشيل ميديا و أكتب تحتيه هشتاج مميز ليك ولما تحب ترجع لتلخيصاتك هتقدر ترجع بكل سهولة والطريقة دي حلوه جدًا لأنك هتفيد نفسك وهتفيد غير وزكاة العلم نشره ♥?
٣- أعمل note وسجل فيها اسامي الكتب اللي قرأتها وراجع القائمة دي والكتاب اللي حاسس إنك مش عارف تسترجعه شوف تلخيص ليه على اليوتيوب، التلخيص ده هيعملك Refresh للمعلومات اللي موجودة في الكتاب وهتفكر الكتاب بشكل كويس 😎
💭هتقولي طيب عندي سؤال❓
هقولك قول سؤالك💁 هتقولـي طيب مانا أسمع التلخيص ومقرأش كتب أصلًا 🙆
هرد عليك وأقولك التلخيص ده بيبقا تلخيص لأهم الأفكار اللي جت في الكتاب بالنسبة للشخص اللي عامل التلخيص لكن ممكن يكون في أفكار مفيدة ليك أنت تاني وتكون محتاجها زائد إن التلخيصات مش ديمًا بتدي الكتب حقها في أفكار جميلة بتبقى مبتوره ولذلك أنا خليتك تستخدمه كوسيله تعمل بيها Refresh للمعلومات اللي موجودة عندك أصلًا ومتنساش إن قراءتك للكتب هتزود من حصيلتك اللغوية وهتنمي مهارة القراءة عندك وده بدوره هيخليك لبق في الكلام ❤
٤- أعمل تسجيلات صوتيه Records بصوتك كأنك بتشرح لحد الكتاب ولما تحب ترجع للتسجيل أرجعله وهتستفيد 👌
٥-حابه أقولك حاجة كمان مفيش مشكله لو قرأت الكتب مره تانيه أنا فيه بعض الكتب بحبها جدًا وقرأتها مره واتنين وتلاته لإني حبيت أعيش الأجواء اللي عشتها مع الكتاب مره تانيه 🙈
٦- ممكن تتفق مع صحبك 👬 وتعملوا مناقشه لكتاب معين قرأتوه وبجد المناقشه هتفرق معاكم جدًا ♥
❤❤❤❤
سلام بقا 💁
#معًا_لنصنع_التغيير
#دعاء_القناوي