القائمة الرئيسية

الصفحات

ما هي 7 اسباب لازم نفهم ... ولازم نفوق ؟


هنتعرف علي اشباب لازم نفهم ولازم نفوق ...

هنذاكر رابعة ابتدائى
درس طيور لا تطير pdf
رابعة ابتدائي النظام الجديد
أسئلة بنك المعرفة ICT رابعة ابتدائي
درس خصوصي رابعة ابتدائي
منهج رابعة ابتدائي الجديد
منهج سنة رابعة ابتدائي
منهج سنة رابعة ابتدائي الجديد

⚠️ كلمة حق من غير زعل... لازم نفهم... لازم نفوق. ⚠️

الكلام اللي جاي ده ممكن البعض يزعل منه بس مكانش ينفع اسكت فترة طويلة.

١- القدرات الفردية هي العامل الاساسي في تعلم

 اللغة وكل قصص النجاح بجد بتدي حافز رائع ولكن فيه عوامل أخرى مثل مستواك في اللغة وكمان امكانيه تفرغك واستعدادك لتعلم اللغة. بصراحة مش كل واحد بيحب اللغات زي كده مش كل واحد شاطر في الأرقام. الكلام ده علمي ومبني على نظرية الذكاوات المتعددة multiple intelligences للعالم هاورد جاردنر. ده معناها ان فيه اختلافات فردية في تعلم اللغة ولكن برضه بأكد ان قصص النجاح رائعة ومحفزة ولكن الأهم اشوف انت محتاج تبدأ منين وازاي وطريقة مذاكرتك ووقتك وحماستك وقدراتك.

٢- كفاية تحميل كتب وركز في حاجة تعرف تركز 

فيها مثل خطة اخويا الحبيب مستر مايكل يوسف (ربنا يتقبل منه كل التعب ده وانا عارف مدى اخلاصه وحبه في العطاء) ... وممكن تشوفوا مواقع الخاصة بمدرسي الايلتس زي Liz و Simon و Ryan. الاهم تركز في حاجة قليلة.

٣- مش كل واحد عنده القدرة على المذاكرة لواحده

 او ما يعرف ب self -study وعشان كده نصيحتي تشوف حد تذاكر معاه واعملوا team work عشان تشجعوا بعض. لازم تتعلم تعتمد على نفسك . لو مش هتذاكر لوحدك مفيش حاجة ولا ماتريال هتفيدك ولا كورس ولا حاجة خالص.

٤- عنصر الوقت: 

الكل مستعجل على سكور اللغة بس الحقيقة ان اللغه غير العلوم التطبيقية محتاجة تطبيقات. مفيش حاجة اسمها الزيتونة ومن الاخر. لازم تصبر عشان تهضم الكلام واللغة والقواعد. اصبروا. الاستعجال مالوش لازمة.

ه- مهارات القراءة والاستماع هي مهارات شخصية. 

العالم العربي مسجل اقل scores في الاستماع والقراءة عشان البعض مننا مش بيسمع حد حتى بالعربي. والقراءة شبه غائبة في ثقافة البعض. انا بقول "البعض" عشان درسنا في طرق الكتابة الاكاديمية ان التعميم صفة الجهلاء ولا يصح التعميم في الكلام. الكتابة والكلام محتاجين feedback من حد فاهم ... ممكن يكون صاحبك القوي في اللغة وممكن تقيم نفسك عن طريق تحميل rubric الخاص بالكتابة والكلام. لازم feedback عشان تعرف أخطائك.

٦- الحقيقة المرة.

في زيارتي الأخيرة الى لندن قابلت صيادلة وأطباء بريطانيين وقالوا لي ان score الIELTS معناها موافقة مبدأية على إجراء interview حقيقي لقياس مدى قدرة الفرد على التفاعل باللغة. واحد قاللي "احنا مش ممكن نخلي حياة أو مستقبل إنسان تحت أيد طبيب او مهندس او صيدلي او مدرس لا يفهم لغتنا" . يعني من الاخر كده.. امتحان الIelts مش امتحان ثانوية وانسى المعلومة وارمي الكتب بعد الscore. ال Ielts هو أسلوب حياة وعمل... بلاش فهلوة وسكور والسلام. على فكرة اخويا اللي معاه الجنسية الكندية اكد لي نفس الكلام. الموضوع مش موضوع امتحان واعديه.

٧- النطق الواضح مهم...

بس مش اللكنة... ده اخر حاجة تخاف منها. والله العظيم أعرف عمداء كليات مصريين في جامعات أمريكية وكندية ونطقهم مصري بس مفهوم. انا زهقت من كم التريقة على نطقنا واللهجة المصرية الإنجليزية أوضح من الهندية ...الهنود متحكمين في شركات دولية زي Google. لازم صوتك يكون واضح بس مش لازم يكون أمريكي ولا بريطاني. خليك واثق في نفسك.
فيه كلام كثير.. بس من الاخر . أبدأ ذاكر واتعلم وعلم نفسك وطور نفسك عشان مستقبلك مش عشان رقم اسمه Ielts score.
مفيش "زيتونة ايلتس"... كامبريدج متعرفش الزيتون... الموضوع صبر واصرار وتعلم.
#اصحي_للكلام
#الحلواني

تعرفنا علي اسباب لازم نفهم لازم نفوق ...

هنذاكر رابعة ابتدائى
درس طيور لا تطير pdf
رابعة ابتدائي النظام الجديد
أسئلة بنك المعرفة ICT رابعة ابتدائي
درس خصوصي رابعة ابتدائي
منهج رابعة ابتدائي الجديد
منهج سنة رابعة ابتدائي
منهج سنة رابعة ابتدائي الجديد

كورس الذكاء الاصطناعي من Intel مجانا
https://bit.ly/3mWkVWj


تعليقات