القائمة الرئيسية

الصفحات

ما هو محتوي بقلمك ؟


هنتعرف علي محتوي بقلمك ..

الربح من موقع بقلمك
اكتب واحصل على المال
شرح موقع Write me
مشاركة أرباح جوجل أدسنس
اربح
الربح من موقع جوك
الربح من الكتابة
ربح المال من خلال كتابة المقالات

محتوي بقلمك ✍️

الكاتب الشاطر هو اللي عارف أن ف مرحلة مهمة جدا لازم يمر بيها قبل ما يكتب المحتوي بشكل فعلي وهي دي الخطوة اللي بتخليك كاتب مميز فعلا وهنا نعرف أن الكتابة فن، يلا نعرف إزاي نكتب محتوي.

- عندنا ثلاثة مراحل لكتابة المحتوي:

- مرحلة ما قبل كتابة المحتوي.

- مرحلة كتابة المحتوي نفسه أو الهيكل.

- مرحلة مع بعد كتابة المحتوي.

-مرحلة ما قبل كتابة المحتوي:

أولا أنت طبعا مختار إسم الموضوع اللي قررت تكلم عنه ولكن قبل ما تكتب المحتوي مطلوب منك تحدد بعض العناصر اللي بيقوم المحتوي بتاعك عليها ومن ضمن هذة العناصر:

 1- تحديد نوع المحتوي:

 قبل ما تكتب المحتوي لازم تحدد نوع المحتوي (مثلا: سوشيال ميديا أو اسكريبت أو ماركتنج).

2- تحديد الجمهور المستهدفة: 

بيكون بناء علي بعض المعايير زي:

- الفئة العمرية، الجنسية، الطبقة الفكرية، مستوي المعيشة إذا تطلب الأمر، حاجة الجمهور (بمعني هو محتاج اي ف انت بتساعده بيه من خلال محتواك)، وحابة أكد أن تحديد الجمهور مهم جدا عشان محتواك يوصل فعلا.

3- مكان المحتوي وشكل المحتوي:

شايفهم مرتبطين بمعني المحتوي بتاعك هينزل فين؟ يوتيوب يبقي دا اسكريبت (يبقي شكل المحتوي فيديو)، علي لينكدان يبقي لازم يكون رسمي (شكل المحتوي كتابي)....

 4- قلم الكاتب📝: 

لازم يكون لك طريقتك المميزة في الكتابة والمختلفة، وحاول أنك تحدد هشتاج خاص بيك وتختار كول تو أكشن مميز ليك، بلس إياك تكتب من مصدر واحد عشان ميكونش طابع عليك أسلوب الكاتب المقتبس منه، والأهم أنك تختار لغة مناسبة مع الجنسية ومكان المحتوي.

5- هدف المحتوي ورسالة المحتوي:

- هدف المحتوي يعني هدفك الشخصي، هل بتنزل محتوي عشان تبيع منتج معين ولا عشان تكسب ثقة الناس ولا عشان يكون عندك متابعين.

- رسالة المحتوي بمعني اي المعلومة اللي حابب توصلها للناس من خلال المحتوي الخاص بيك.

6- تحديد العناصر:

- شوف اي المحاور اللي حابب تكلم عنها في المحتوي بتاعك ثم رتبها بحيث تكون مرتبط ببعض وبتكمل بعض.

مثال لو هتكلم عن تنظيم الوقت يبقي:

- المفروض تبدأ بالتعريف وبعدين الأهمية وبعدين اسباب عدم تنظيم الوقت وأخيرا طريق تنظيم الوقت.

7- جمع المعلومات والداتا وفرز المعلومات:

- مطلوب منك اخيرا أنك تمسك كل عنصر من العناصر وتبحث عنه بحيث تقدر تجمع المعلومات اللي تكتبها في المحتوي بتاعك.

- مطلوب منك كمان تفزر المعلومات دي كلها وتختار منها اللي تناسب المحتوي بتاعك بناء علي الطبقة الفكرية اللي حددتها في الجمهور المستهدف.

نفذت كل اللي فات يبقي مبروك انت جاهز تدخل علي مرحلة كتابة المحتوي أو الهيكل نفسه ✌️ بإذن الله نتكلم عنهم المرة الجاية وبإذن الله تكون أفضل كاتب محتوي🌍

لايك ومتابعة عشان يوصلك البوست الجاي.

 وجاوب ع السؤال التطبيقي:

- أنك تختار موضوع وتطبق عليه المرحلة الأولي كلها.

#محتوي_بقلمك

تعرفنا علي محتوي بقلمك ...

الربح من موقع بقلمك

اكتب واحصل على المال

شرح موقع Write me

مشاركة أرباح جوجل أدسنس

اربح

الربح من موقع جوك

الربح من الكتابة

ربح المال من خلال كتابة المقالات

افضل كورسات البرمجه من الصفر

تعليقات