أخر الاخبار

كيف تنجح المشاريع | بالتقارير العلمية


كيف تنجح المشاريع | بالتقارير العلمية

قهوتك وقلمك وركز معايا مش هتندم

 حين ينجح مشروع!! ويفشل الآخرون!! وينبهر الجميع! (رحلة المليار)

 اشمعنى مصطفى قنديل نجح؟

 فيزيتا عاملة شغل عالي جداً

 تصدق ان مكسب حصلو على 40 مليون دولار تمويل

 بيقولك شركة اوبر استحوذت على كريم

 تيلدا أول تطبيق ياخد ترخيص البنك المركزي

 ازاى سيجما فيت نجحت كدة

 مي مدحت من ايفت تس – مع اوباما في أكبر قمة ريادة أعمال

الاخبار من هذا النوع كثيرة جداً وتقريباً يومياً هناك من 3 الى 10 اخبار في العالم العربي تدور حول نجاح مشروع – او نجاح رائد اعمال – وينبهر الجميع خصيصاً حين يكون وراء هذا النجاح شاب صغير السن او فتاة عربية طليقة اللسان بالانجليزية او اسماء غير معروفة

 عمليات البحث ذات الصلة

ماهو الشي الأساسي لنجاح المشروع

شروط نجاح المشروع

متى يعتبر المشروع ناجح

افكار مشاريع جديدة للشباب 2021

نسبة نجاح المشاريع الصغيرة

أفكار مشاريع لم تنفذ من قبل

مشاريع لها مستقبل

مؤشرات نجاح المشروع

ويبقى السؤال لملايين من رواد الاعمال واصحاب المشاريع على الجانب الاخر !!

هو لية الناس دي عدت الفلانكات – وانا لاء؟

هو انا فاشل؟

هو اية الفرق بيني وبينهم؟

والله فكرتي احسن منهم!

مشروعي احسن منهم!

هو لية هما بيكسبوا وانا بخسر؟

خد نفس عميق وخليني اقولك شوية اسرار من جوة المطبخ


كيف تنجح المشاريع..؟


اولاً: الإحصائيات والتقارير الواقعية

كل اللى انت شايفهم ناجحين دول هما نسبة 3% من اجمالي 100% من المشاريع الناشئة حول العالم – والمفاجأة ان في مصر والعالم العربي 97% من المشاريع الناشئة بتفشل في السنوات الثلاثة الاولى – و90% من الشركات بتفشل في السنوات الخمس الاولى

ده مش كلامي – دي تقارير بنتابعها بإستمرار عشان نفهم حركة منظومة عالم الأعمال ECOSYSTEM

ونقدر نحط ايدينا على البيانات اللى تخلينا ناخد قرارات في أعمالنا واستثماراتنا وتوجهتنا المستقبلية


تقرير بيئة عالم ريادة الأعمال والشركات الناشئة 2021

تقرير الجامعة الامريكية بالقاهرة عن وضع ريادة الأعمال في مصر محدثة لعام 2021

تقرير اخر من مؤشر الريادة العالمي عن مصر في 2021


ثانياً: التحصيل العلمي هو اساس الحكاية

كل شخص من الناجحين بجد هو متعلم بجد، وده شىء نحن للأسف لا نفهمة جيداً

الخبرة العلمية ليست في قراءة الكتب ولا البحث على جوجل وقراءة مقالات مترجمة

التحصيل العلمي هو مشوار يبدأ بالدراسة وفتح المدارك العقلية في الفهم والإنخراط بين الابحاث والدراسات ومسارات التعليم المختلفة في منهج او قطاع محدد

الفكرة المسيطرة على عقول العوام من رواد الأعمال بأن مارك زوكربيرك وستيف جوبز وبيل جيتس هم بناة الماضي والحاضر والمستقبل واصحاب المليارات وغير متعلمين هى فكرة الفشلة من رواد الأعمال

ده مش كلامي على فكرة

منظمة كوفمان اصدرت واحد من أفضل الابحاث والدراسات على رواد الأعمال اللى بتثبت فيها ان التعليم هو حجر الاساس لقصص نجاح رواد الأعمال

A Kauffman Foundation study revealed that over 90% of American tech company founders hold a bachelor’s degree, and those with MBAs are able to start and build their companies faster.

زى ما انت شايف كدة – اكثر من 90% من رؤساء ومؤسسي الشركات الناجحة حاصلون على شهادة بكالوريوس – والحاصلون على ماجستير ادارة اعمال قادرون على بناء شركات ناجحة بشكل اسرع

مصدر الدراسة والبحث 


واكبر منصة متخصصة في طرح الشركات الناشئة ورواد الأعمال ومؤسسي الشركات الناجحة وجولات الاستثمار والتمويل بتأكد ان اهم رواد أعمال من صناع النجاحات حول العالم هم من خريجي الجامعات

اللى انت شايفة ناجح قوي ده لو ركزت معاه حتلاقيه على الاقل وهو طالب كان بيفكر برة الصندوق – كان بيهتم بجلسات العصف الذهني – BRAINSTORMING SESSION

كان بيدور وبيقرأ ابحاث ودراسات ومؤمن بأن العلم ملاذ

وان البحث والتطوير علمياً اهم من الفهلوة والخبرة


ثالثاً: الخبرة المكتسبة هى رمانة الميزان

حضرتك مش معنى انك بدأت فكرة او مشروع انك تقرر تكون الرجل الأوحد في الفيلم – البطل في كل الاقسام

تخيل ان خلال 5 سنوات ماضية – تقريباً 95% من اصحاب ومؤسسي المشاريع اللى اتناقشت معاهم وخضت مرحلة الإرشاد معاهم اكتشفت انهم بيعملوا كل حاجة بنفسهم

يعني اية تكون انت صاحب الفكرة – مدير المشروع – المسئول التقني – المدير المالي – مدير التسويق – مسئول المبيعات – القائم بأعمال المشتريات – رئيس التشغيل

انت الكل في واحد

والكارثة انك بتعلم نفسك بنفسك وبتكتسب خبرتك من ممارساتك في مشروعك واللى هى بالطبيعي ممكن تكون ممارسات فاشلة

الاكثر حزناً – انك لا تكترث لنصائح ذوي الخبرة وتعتبر نصائحهم هى محاول لإفشالك

بل وتتجال كل التوصيات على اعتبار ان المشروع ابنك وانت خبرتك بإبنك افضل من كل المحيطيين

لذلك من الطبيعي تكون النهاية هى الفشل

رابعاً: دورة فشل رواد الأعمال والمشاريع الناشئة في مصر بالتحديد والعالم العربي

وهى دراسات ونتائج مبنية على متابعة دقيقة لأكثر من 38000 شركة ناشئة تخرجت من حاضنات اعمال ومسرعات اعمال خلال الخمس السنوات الماضية منذ يوليو 2015 وحتى اليوم وكانت مراحل الفشل كالتالي:

1- صرف اموال بشكل عشوائي وسريع دون بدء دورة العوائد – HUGE INJECTION OF CAPITAL WITHOUT TRACTION

2- التحوط بفريق عمل فاشل غير كفؤ لإنجاح المشروع – NOT WORKING WITH THE RIGHT TEAM

3- فشل المنتج والمشروع في الانخراط في السوق – LACK OF PRODUCT-MARKET FIT

4- منافسة شيطانك الداخلي لإتابع GOMYWAY عوضاً عن اتباع منهجية GOTOMARKET

 

ويبقى السؤال انجح ازاى واكون من مصاف الأوائل

1- شبكة العلاقات ثم شبكة العلاقات ثم شبكة العلاقات – NETWORKING

2- الشهرة في الوسط الريادي ثم الشهرة ثم الشهرة – INFLUENCER

3- فريق العمل ثم فريق العمل ثم فريق العمل – TEAM

4- الإدارة والتخطيط ثم الادارة والتخطيط – PLANNING AND MANAGEMENT

5- الإدارة المالية ثم الإدارة المالية ثم الإدارة المالية – FINANCIAL MANAGEMENT


 

كيف تنجح المشاريع | بالتقارير العلمية


معاذ خالد المنصور – له دراسة صادرة من جامعة بيبرداين بعنوان كيف يحقق رواد الأعمال الفعالون النجاح لمنظمتهم – HOW EFFECTIVE ENTREPRENEURS BRING SUCCESS TO THEIR ORGANIZATION

هى في الاساس اطروحة للحصول على درجة الدكتوراة في القيادة وهى واحدة من اجمل الدراسات والمراجعات في التاريخ الريادي الحديث

الدراسة بتجاوب على اهم اسئلة لمؤسسي الشركات الناشئة ورواد الأعمال

1. ما هي الممارسات والاستراتيجيات والصفات الأساسية التي تعزز النجاح؟

2. ما هي أهم الصفات الريادية الناجحة التي يجب احتضانها في سوق عالمي تنافسي؟

3. ما هي العوامل التي من المحتمل أن تؤدي إلى عمل تجاري ناجح؟

4. ما هي السمات الأساسية الضرورية للتأكيد عليها في سوق الأعمال؟

5. ما هو نوع الشخص الذي يصنع رائد أعمال ناجح؟

الدراسة والبحث كفيلان بتغيير حياتك

بس كدا يسيدي بس استني خد هنا رايح فين ادخل ع قسم التطوير عندنا هتلاقي كل الللي نفسك فيه  علشان تطور من نفسك ومتنساش بقا تبعت اللينك لاصحابك علشان يستفيدوا هما كمان ولا انت اناني ؟

ولو عاوز تتعلم الماني علشان نقولك يا الماني اضغط هنا https://bit.ly/3gnNTum

عمليات البحث ذات الصلة

ماهو الشي الأساسي لنجاح المشروع

شروط نجاح المشروع

متى يعتبر المشروع ناجح

افكار مشاريع جديدة للشباب 2021

نسبة نجاح المشاريع الصغيرة

أفكار مشاريع لم تنفذ من قبل

مشاريع لها مستقبل

مؤشرات نجاح المشروع

تعليقات



حجم الخط
+
16
-
تباعد السطور
+
2
-