طريقك نحو تطبيق ما تتعلمه
طريقك نحو تطبيق ما تتعلمه 
هنتعلم النهاردة إزاي نطبق المعرفة اللي بنحصل عليها من الكتب والفيديوهات 
يعني مثلا لو بتحب الكتب الصوتية تقدر تسمع 10 كتب خلال اليوم.
10كتب=10 أفكار جديدة! وهنا تبدأ تحتار أي فكرة مناسبة أبدأ بيها؟!!
قبل ما أقولك الإجابة..
خليني أقولك إن فيه نوعين من المعرفة 
النوع الاول: بيساعدك تغير طريقة تفكيرك للأفضل.يعني مثلا لو شفت فيديو عن النجاح والأفكار اللي في الفيديو أثرت فيك دا بينعكس علي تفكيرك ويخليك تشوف النجاح بصورة جديدة
ولو سمعت الفيديو أكثر من مره هيأثر علي قراراتك ويحرك حياتك ناحية الأفضل.
وهو دا السر التكرار! كون تكرر المعلومةاللي أثرت فيك أكتر من مرة هيساعدك تتحرك ناحية الأفضل.
النوع الثاني:المعرفة العملية لو طبقتها هتوصل لنتيجه برفكيتو
يعني لو شفت كورس عن التعلم الذاتي وخدت الخطوات اللي فيه وطبقتها هتوصل لنتيجة إتقانك للمهارة دي وهكذا..
وهتبقي برفكيتو
سر التطبيق في 3خطوات.1-طريقة index cards
وهي عبارة عن ورقة بحجم نص صفحة.
من السهل تشتريها من المكتبة أو تعملها بإيدك أو تحمل التطبيق من علي جوجل الإختيار المناسب ليك إعمله
تعمل إية في الورقه دي ؟؟
* أي معلومة عملية تتعلمها تكتبها في الورقه دي.
*اكتب اسم المصدر اللي حصلت منه علي المعلومه..لو كتاب اكتب إسم الكتاب و رقم الصفحة.
*ولو فيديو أكتب توقيت المعلومه داخل الفيديو.
الطريقة دي سهله جدا وجميلة تسجل بيها معلوماتك العملية والنصائح اللي عايز تطبقها.
بس باقي خطوة واحدة
أعمل تصنيف للمعلومات دي..يعني مثلا تجمع كل المعلومات تبع الصحه لوحدها وتعلم اللغه الانجليزيه لوحدها وهكذا مع كل معلومه تقابلك هيسهل عليك ترجعلها وقت ما تحب.
*ومع بداية كل شهر أختار منها النصائح والمعلومات اللي عايز تنفذها في الشهر الجديد.
2- غير في النصائح للشكل اللي يناسبك.
لو أتعلمت حاجة جديدة ولقيت طريقتها مش مناسبةمعاك متسبهاش شكلها علي حسب ما يناسبك أنت!
3-خلي بدايتك تكون بسيطة عشان متملش وتوقف.
وافتكر دايما..ما لا يدرك كله لا يترك جله
عمرك سِبت لحد تِبس؟
زمان لما كُنت بطلب حاجه أون لاين او بشتري حاجه كنت بدفع الفلوس علي الأد بالظبط ، لحد ما في مره كنت باكل كشري مع بابا والماديات مكنتش أد كده يعني ، فـ لقيته بيدي فلوس للولد الصغير اللي شغال في المحل ، فـ استغربت جدًا ، ما احنا دفعنا حق الأكل! ومستوانا ميسمحش نمشي نوزع تِيبس ، فـ كلمته 
'
'فـ جربت لاول مره في حياتي ، كنت بشتري فخار من ست واضح عليها شقيانه ، فـ قررت اديها مبلغ زي ما إتعلمت من بابا ، وبالفعل عملت ده إيه ، فرحتها وقتها وكمية الدعوات لدرجة إنها عماله تطلع حاجات من اللي بتبيعهم وتقولي طب خدي دي هديه ، طب خدي دي ، وقتها انا مشيت معيطه من الفرحه ، الفلوس الي دفعتها دي مكنتش خساره دي كانت اكبر مكسب !!
!!انا جايه النهارده اديكم نفس الدرس اللي خدتُه من سنين ، جايه أقولكم مش خساره تسيب الباقي لبتاع الخضار ، ولا خساره تدي لمحل صغير باقي الفلوس ، ولا خساره تدي المندوب حاجه حلوه ، مش خساره كل دول هيفضلوا لينا ليوم الدين '
'اتمني درس النهارده يكون مفيد ليكُم ..