القائمة الرئيسية

الصفحات

اخطر 5 خطوات لتدمير مستقبلك ؟


هنتعرف علي اخطر خطوات لتدمير مستقبلك ...

كيف أبني مستقبلي المهني
حياتي في المستقبل
كيف تتخيل نفسك في المستقبل
محاضرات تحفيزية
التقبل
تقديرك لذاتك
تقدير الذات
نصائح لمستقبل ناجح

5 خطوات لتدمير مستقبلك :

1- شتت نفسك: 

لو عايز تدمر مستقبلك بطريقة عبقرية، يبقى شتت نفسك في حاجات كتير. امسك كتاب واقرأ منه صفحتين بعد كدا سيبه وادخل على الكتاب اللي بعده واقرأ منه 10 صفح وبعد كدا سيبه وابدأ في كورس وذاكر منه محاضرتين وسيبه.. وهكذا. 

2- انتظر الوقت المثالي عشان تبدأ: 

لازم تبدأ بداية الأسبوع عشان تبتدي على نضافة كدا، ولازم تبدأ من بداية الشهر عشان تحس إنك لسة جديد، ولازم تبدأ والساعة 12 أو 10 أو 8. أوعى تبدأ يوم الاثنين مثلا أو 3 في الشهر، أو الساعة 10 ونص مثلا!! 

لازم تقول لنفسك أنا لازم انتظر التوقيت المثالي، عشان اضمن إن مستقبلي يتدمر. 

3- سوف واشتغل على حسب مزاجك:

دي أحسن حاجة ممكن تعملها عشان مستقبلك يروح في داهية، انت ممكن تبدأ بكرا أو بعده. أوعى أبدأ تبدأ النهاردة أو دلوقتي لحسن مستقبلك يبقى حلو. 

ودايما اشتغل على حسب مزاجك، يعني لو مش رايق ماتشتغلش، استنى كدا لما تروق ومزاجك يكون متحسن، لو حد معكر مزاجك إوعى تشتغل.. لو صاحي الصبح مش في المود أوعى تشتغل.. أصل انت لو عملت اللي عليك حتى لو مزاجك مش رايق، مستقبلك هايكون حلو، واحنا اتفقنا إن المقالة دي مخصوص لتدمير مستقبلك. 

4 – ذاكر أكتر من حاجة في اليوم: 

قول لنفسك انا النهاردة هاذاكر انجليزي وبرمجة وفوتوشوب وبعد كدا ادخل على كتاب اقرأه.. الخ. 

اعمل كدا واحنا نضمنلك إن مستقبلك شكرا للتحية. 

5- ماتطبقش اللي ذاكرته: 

الكورس اللي تاخده أوعى تطبق عليه بشكل عملي، وانقل على طول على الكورس اللي بعده.. أصل التطبيق دا هايبقى مفيد لمستقبلك وانت بتقرأ الكلام دا دلوقتي عشان مش عايز مستقبلك يكون كويس. 

خليك دايما من كورس لكورس وافضل جمع في كورسات كتير. 

خلينا نتكلم بجد.. إوعى تطبق حاجة من الخطوات اللي فوق لإنها فعلا هاتخلي مستقبلك مالوش ملامح. 

الصح هو:

✅ إنك ماتشتتش نفسك وتركز على اللي يفيدك فقط (راجع التدوينة اللي كتبناها عن زيادة الإنتاجية عن طريق قانون باريتو)

✅ وماينفعش تستنى الوقت المثالي، لإن الوقت المثالي مش موجود، صدقني أول الشهر زي نص الشهر مافيش فرق خالص، والساعة 10 هي هي الساعة 10:15 مافيش أي فرق.

✅ وماينفعش تسوف، لإن العمر أقصر من إنك تسوف، وأعتقد إنك من 5 سنين مثلا كل سنة بتقول عايز ابدأ في الإنجليزي. لو كنت بدأت فيه من زمان، كان زمانك مرتبك تقريبا دلوقتي حوالي 7000 الآف جنيه وحوشت فلوس كتير تتجوز بيها، أو تعمل بيها اللي انت عايزه. 

✅ وماينفعش تذاكر أكتر من حاجة في اليوم، لإن طاقتك محدودة جدا جدا، فتخلص من وهم القدرة على مذاكرة كذا حاجة يوميا. أخرك مثلا حاجتين. 

✅ وماينفعش ماتطبقش اللي انت ذاكرته، لإنك مش هاتستفيد منه حاجة وهاتنساه وهايبقى مجهودك ووقتك وفلوسك راحوا في الأرض. الفكرة انت مش أخدت كام كورس، الفكرة إنت إيه العائد اللي رجع عليك من ورا الكورسات دي؟ هل مرتبك زاد؟ هل اترقيت؟.. إلخ.

منقول والله الموفق والمستعان

تعرفنا علي اخطر خطوات لتدمير مستقبلك ..

كيف أبني مستقبلي المهني
حياتي في المستقبل
كيف تتخيل نفسك في المستقبل
محاضرات تحفيزية
التقبل
تقديرك لذاتك
تقدير الذات
نصائح لمستقبل ناجح

اهم ٢٥ موقع خرافي علي الانترنت
https://bit.ly/3IR2lIr

تعليقات