اهم ٢٠ خطوات تركز فيها في حياتك
هنتعرف علي خطوات تركز فيها في حياتك ....
ورقة وقلم وركز ف الحاجات دي 😉👇
1. القراءة ثم القراءة ثم القراءة........صدق اللي قال ان القراءة هي غذاء العقل وللاسف مفيش حاجة اسمها بكره القراءة....حتي لو مابتحبهاش لازم تحبها وتخليها عادة ف حياتك اليومية
2. حياتك لو حسيت انها ماشية زي الخط المستقيم لازم تحط ف حسابنك انك ميت زي البني آدم اللي علي جهاز القلب وبيصفر برقم صفر......طبيعي جدا انها تكون فوق شوية وتحت شوية
3. مفيش حاجة اسمها خطط لازم تعملها عشان تنجح....انما فيه حاجة اسمها اهداف عاوز احققها ف السنة دي ومش مهم تاخد وقت اد ايه انما المهم انك تطلع م السنة دي بيهم
4. حط لنفسك #ميزان..... بمعني اصح شغل #ضميرك يعني لو شايف انك ماشي غلط او ف طريق انت مش حابه اقف ولف وكمل ف طريق تاني وزي ما قال (وائل فخراني) دور ع المنطقة الساقعة عشان هتشجعك تشتغل وماتقفش ابدا
5. اتعلم تلبس الوش المناسب ف الوقت المناسب.... من الحاجات اللي انا اتعلمتها شخصيا ان الوش الواحد بيخسر.... ده مش نفاق انما اسمها بدور علي مصلحتي وده مش عيب ف شوف الناس عاوزة ايه لصالحك واعمله
6. اتعلم من اخطاء الاخرين.... وماتحاولش تعمل فيها شبح وتقول هتعلم واتمرمط اناعشامن الزكي اللي بيتعلم م الناس ومايضيعش الوقت ف نفس الأخطاء تاني
7. اعرف نعمة الوقت.... وخصوصا ف مصرعشان من من الحاجات المهدرة بشدة هي الوقت... مفيش دقيقة تعدي عليك الا وتكون متعلم منها شيئ (نصيحة- معلومة....الخ)
8. من الحاجات اللي بقولها للطلبة بتاعتي لما تزهق وتحس انك فاشل وماتعملش حاجة مفيدة وماتقفش عشان انت بذلت واتطورت كتير بس انت مش واخد بالك وزي ماقال الجوكر طبعا (لو فضلت باصص اد ايه ومين فوقيك مش هتحس طلعت اد ايه ولا عمر شيئ يرضيك)
9. ان لجسدك عليك حق..... عمرك ماتستخسر شيئ ف صحتك لو جسمك عاوز راحة اديله لو علي حساب ايه... من الحاجاتاللسي فعلا كنت مفتقدها وهحاول اظبطها السنة الجاية عشان السنة دي وقعت ف كام تعب ربنا عافاني منهم الحمد لله بسبب الاهمال ف الصحة
10. قبل كل ده بقي..... -علاقتك مع ربنا- احنا ف غفلة عن نعم ربنا اقسم بالله... راجع علاقتك مع ربنا وصلحها ولو بالقليل ف البداية وربك هيرجعك ليه لا محالة
11. دور ع المجتمعات المحفزة وروحلها عشان منهم هتتعلم وهتبقي حاجة انما اللي عاوز يقعد ويشتكي ده هيفضل طول عمره كدة وهيسحبك معاه.... الصاحب ساحب 😉
12. تابع الناس الي تفيدك واوعي تنبهر بالسوشيال ميديا عشان كله دلوقتي بقي بطل وغصب عنك والله بتحس انك فاشل وبلا قيمة ف خد اللي يطلعك لفوق واهمل وتجنب النوع التاني
13. حاول توازن بين حياتك الشخصية وحياتك العملية ف البداية صعب عشان عاوز تحقق ذاتك ف شغلك بس صدقني هتيجي علي حياتك الشخصية وهتلاقيك خسرت اعز الناس ليك وانت مش واخد بالك
14. اتعلم لغات ومهارات جديدة اول بأول عشان زي ماقولنا الخط المستقيم معناه انك ميت وفي زماننا ده البقاء للاقوي
15. زي ما قال عدنان قبل كدة... اعمل اللي ينجحك مش اللي يريحك
16. الالتزام الاصرار الانضباط
الالتزام انك لازم تعمل الحاجة مهما واحهك من مشاكل لان دي سنة الحياة اصلا
واللي اصعب منها الاصرار علي الحاجة وتعافر عشانها
واللي اصعب منها بقي الانضباط بمعني ان لازم يكون فيه استسلام وتوكل ع الله انه هيساعدك انك تعديها
17. ماتديش فرصة لحد انه يتحكم ف قراراتك حتي #اهلك لان صدقني دول اول ناس هيغرقوك لانهم ببساطة فيه فجوة بينك وبينهم رهييييييبة خليك لوحدك وعافر لنفسك مش لحد تاني ✋
18. دور ع العلم الحقيقي وماتمشيش ورا الناس اللي بتقولك تجربتي مع كذا لان ببساطة اللي نفع معاه ممكن مايمشيش معاك انت ف دور ببساطة ع اللي يناسبك بالعلم مش بالتجارب الشخصية
19. كنا قال فولتير "قد نتفق او نختلف ولكن لك مطلق الحرية ف التعبير عن رأيك" ف بلاش نجبر الناس علي رأي معين.... هو ليه تجاربه واعتقاداته وكذلك انت ‘ف النهاية الدنيا فانية محدش هياخد منها حاجة 😂ف بلاش تتعامل مع الموضوع بعدوانية وتعامل معاها بتلقائية 😉
20. واخيرا آمن بنفسك وبقدراتك وثق بربك لانه الوحيد اللي عارف طريقك اللي هو مسخرهولك وعارف انت هتبدع فيه وازاي بس انت اصبر واعمل اللي عليك وبس.
#الحلواني