ازاي تحول موبايلك لمدرسة متحركة تتعلم فيها اللى بتحبه مجانا
مفيش حد فينا حاليا مش معاه سمارت فون و بنقضى عليها معظم وقتنا ان لم يكن كل وقتنا ..
و هى سلاح ذو حدين ممكن تستغله صح جدا و ممكن تضيع وقتك كله عليه من غير استفاده و ده موضوع مقالاتنا النهارده ازاى نستغل الفون صح وتحمل عليه تطبيقات مفيدة و نعمل عليه مملكه ممكن نطور فيها من نفسنا و نتعلم و تعيش بطريقتك مهما كانت ظروف البلد او الناس حواليك ..
تعالى اضربلك مثال و تجربه عمليه اغلبكم هيكون جربها من غير ما يحس .. لو انت دلوقتى فى مواصلات و حطيت الهاند فرى بتاعك و سمعت اغانى محفزه و فيها امل مثلا، وقتها انت بتكون فى عالم تانى بعيد عن رغى السواق و نقاشات الركاب ..
و كل واحد فينا مخير فى افعاله ، ممكن اتنين صحاب بيروحو مع بعض و كل واحد فيهم بيسمع حاجه واحد بيسمع اغانى شعبى و يحفظها و التانى بيسمع كتب او دروس عمليه فى مجاله او حتى بيطور الانجليزى بتاعه .. تفتكرو مين فيهم استفاد بوقته و استغله صح ؟ اظن انت عرفت الاجابه ..
تعالو نتعلم مع بعض فى المقاله ازاى نستفيد اقصى استفاده من وقتنا فى المواصلات عن طريق الموبايل و ازاى نحول الموبايل لمدرسه ندرس فيها اللى بنحبه عن طريق تطبيقات مفيدة ..
قبل ما نبدا هفكركم بالمعادله ال لو نفذتها هتقدر تشتغل فى مجال بتحبه حتى لو من بيتك او لو لسه طالب جامعى
” اختار مجال تكون شغوف بيه ( علم عملى ) + انجليزى فوق المتوسط + قراءه بشكل عملى + كورسات اونلاين فى مجالك “
اى حد فى مصر هيطبق المعادله دى هيقدر يشتغل فى مجال بيحبه بكل سهوله ويحط شروطه كمان .
طب ازاى نخلى الموبايل اللى معانا يساعدنا فى تطبيق المعادله دى ؟؟
لو تفتكرو لما اتكلمنا قبل كده عن التلات الخطوات السحريه , ” تخلى ثم تحلى ثم تجلى “
فا رقم 1/ هنتخلى عن كل الحاجات اللى ملهاش لزمه او مش بتضيف لينا قيمه على الموبايل بتاعنا سؤاء كانت اغانى – تطبيقات
وغيرهم من الاشياء اللى بتضيع وقتك من غير استفاده
بعد كده هنعمل الخطوه التانيه وهى / التحلى , هنتحلى بكل الاشياء المفيده زى
تطبيقات مفيدة للتعلم الذاتى:
تطبيقات مفيدة تساعدك فى تعلم الانجليزى بتاعك :
4/ تعلم اللغات مجانا ” Awabe ”
و دول شويه قواميس كويسه هتفيدك لو وقفت قدامك حاجه بالانجليزى وانت بتقرا او بتسمع كتب فى مجالك.
1/ القاموس الذهبى ناطق انجليزى
2/ الانجليزيه والعربيه قاموس وترجمه , يعمل بدون انترنت .
بعد كده هتبدا تحمل التطبيق ده عشان هيساعدك جدا فى القراءه التطبيق اسمه ” Xodo ”
هتبدا تشوف اخر جزء فى المعادله وهو القراءه العمليه , ابدا حمل كتب عمليه فى مجالك ومقالات واتعلم وانت فى المواصلات
او اقولك على تجربه شخصيه , انا اتعلمت انجليزى من الهاندفرى وانى اسمع انجليزى كتير من المواصلات واحسن كورس هيساعدك فى كده هو الكورس ده
الخلاصه :
هتوفر من وقتك كل يوم نص ساعه او ساعه من المواصلات ومعاك الهاند فرى بتاعك ومعاك كل الادوات اللى انت محتاجها
وبكده انت بقيت عايش جوه مملكتك وانت اللى مسيطر وبتتعلم وبتطور من نفسك ومع الوقت هتلاقيك شخص تانى خالص وعندك مهارات كتير وتعيش بشروطك وتعمل اللى بتحبه وعن تجربه
واختم : النجاح محتاج تعب وتمن لازم تدفعه لو حابب تنجح , لازم تتخلى عن حاجات كتير ملهاش لزمه ومتعملش زى التيار وتبدا تستغل وقتك صح وتدرس اللى بتبحه وتتعمق فيه وتقرا كل يوم وتشوف ايه المهارات اللى ناقصاك وتكتسبها , غير كده هتعيش فى تعب و وهم النجاح وهتعانى وتقول مفيش شغل فى مصر وهتعلق فشلك على شماعات كتير .. اكسر كل الحجج والشماعات وتوكل على الله ” فاذا عزمت فتوكل على الله ان الله يحب المتوكين
اهم تجميعه كورسات وماتيريال لطلبه وخريجين كليه تجارة اضغط هنا
عمليات البحث ذات الصلة
تطبيق استماع انجليزي بدون نت
أفضل تطبيق لتعلم الانجليزية بدون انترنت
تحميل برنامج تعليم اللغة الانجليزية ناطق بدون نت
ازاي اتعلم اون لاين
تطبيقات لتعلم الانجليزية بدون انترنت
أفضل تطبيق لتعلم اللغة الإنجليزية
تطبيق Coursera
برامج كورسات انجليزي