تمرين صغير يساعدك في إكتشاف نفسك
تمرين صغير يساعدك في إكتشاف نفسك وفي نفس الوقت تطلع منه بخطة عملية جاهزة للتنفيذ
متطلبات التمرين :
ذهن صافي - مكان هادي - وقت رايق - 3 ورقات وقلم
أول خطوة هتقعد مع نفسك قعدة بتركيز وتفكر في كل الأشخاص اللي انت معجب بيهم في حياتك .. الناس القدوة بالنسبالك (حتى لو مش قدوة بشكل عام ليك لكن قدوة في نقط معينة) .. الناس اللي انت لما بتشوفهم بيعملوا حاجة معينة بتقول "الله" .. الناس اللي لما بتتكلم عن نفسها أو حد بيتكلم عنها بتكون متحمس جداً ومركز وانت بتسمع
وهتكتب كل الناس اللي جت في بالك في ورقة قدامك
تاني خطوة هتمسك اسم اسم منهم وتطلع منه مجموعة أسهم وتكتب الحاجات تحديداً اللي انت معجب بيها في الشخص ده في شكل نقط محددة .. صفات معينة في شخصيته .. حاجة معينة هو بيعملها .. تفاصيل صغيرة شايفه نموذج فيها .. قيم معينة هو بيتعامل وعايش على أساسها
تالت خطوة هترمي الأسامي دي خالص اللي انت كتبتها وهتجيب ورقة جديدة تجمع فيها كل الصفات والتفاصيل اللي انت كتبتها عن كل واحد (الكلام اللي تحت الأسهم) وتحطهم في نقط قدامك .. وشوية النقط دي هما اللي عايزين نوصلهم في النهاية
اكتشاف الذات pdf
معنى اكتشاف الذات
كتاب اكتشاف الذات
معرفة الذات في الإسلام
اكتشف نفسك اختبار
اكتشاف الذات وتنمية القدرات
أسئلة تساعدك على معرفة ذاتك
اكتشف ذاتك
النقط دي بإختصار بتساعدك في حاجتين مهمين جداً
أولاً في إكتشاف نفسك .. لإن list الأشخاص اللي انت كتبتها غير الـ list بتاعتي غير الـ list بتاعة حد تالت وبالتالي دي list طالعة من دماغك انت وبناءاً على تقييمك انت ونظرتك انت وشخصيتك انت .. الحاجة التانية إن الأسهم اللي انت طلعتها من كل شخص فيهم كمان مختلفة عن الأسهم اللي حد تاني ممكن يطلعها من نفس الشخص .. وده معناه كمان ان الصفات والتفاصيل اللي انت حددتها دي بتعكس حاجة خاصة بيك انت تحديداً بشخصيتك وطريقة تفكيرك
التفاصيل اللي انت كتبتها في نقط دي هي خلاصة القيم والصفات والأفعال اللي انت بتُثمنها في الناس وشايفها شئ قيم انت معجب بيه وبيشابه تفاصيل في شخصيتك انت أو تفاصيل نفسك تكون موجودة فيك
وده بيقودنا للفايدة التانية اللي بتعود عليك وهي خطة التطوير
هتجيب الورقة التالتة وهتمسك تفصيلة تفصيلة منهم وبالأخص اللي انت شايف انها مش موجوده فيك بالقدر الكافي وهتدخل تدور على مصادر تتعلم منها التفصيلة دي وطرق تتقنها بيها .. (هتكتب كده في Google أو اليوتيوب "أفضل مصادر" أو "أفضل طريقة" لتعلم كذا) .. وهتعمل جدول تكتب التفصيلة دي وجنبها المصادر اللي هتبدأ تشتغل عليها الفترة الجاية (كورسات - كتب - فيديوهات)
وأي تفصيلة انت حاسس إنها موهبة عند الشخص أو صفة غير قابلة للتعلم صدقني لو دخلت ودورت كويس هتلاقي طرق كتير تتعلمها بيها .. كلها في الأصل مهارات ممكن تتعلمها وتتقنها عادي
وأوعدك إنك بعد ما تخلص التمرين ده دماغك هترتاح كتير جداً وهتحس إنك فرحان إنك رتبت الحاجات دي كلها قدامك في ورقة ونظمت طريقة تفكيرك وحددت أولويات تشتغل عليها الفترة الجاية والخطة مكتوبة قدامك بشكل عملي وجاهزة للتنفيذ
وابدأ فوراً في التنفيذ وادعيلي
اقرا ايضا
7 طرق تتغلب بيهم على اى خوف
https://bit.ly/3gVP1J9
اكتشاف الذات pdf
معنى اكتشاف الذات
كتاب اكتشاف الذات
معرفة الذات في الإسلام
اكتشف نفسك اختبار
اكتشاف الذات وتنمية القدرات
أسئلة تساعدك على معرفة ذاتك
اكتشف ذاتك 