قد يعجبك

متعلميش ابنك الكتابة


متعلميش ابنك الكتابة

قهوتك وقلمك وركز معايا مش هتندم 

 طبعا كلنا عارفين أن أصعب فترة في الكتابة هي البداية

أن الطفل يتعرف على البداية للأشكال والصور والحروف

علشان كدة هاقدملك شوية النصايح دى للطفل من سن ثلاث سنوات

عمليات البحث ذات الصلة

كيفية تعليم الطفل الكتابة لأول مرة pdf

تعليم الطفل الكتابة على السطر

سن الكتابة عند الأطفال

كيف أحبب ابني في الكتابة

طرق تشجيع الأطفال على الكتابة

كيفية تعليم طفل 5 سنوات الكتابة

طرق تعليم الكتابة

كيفية تعليم الطفل السرعة في الكتابة

أولا : تدريبات لتقوية عضلة الأيد

1- فتح وغلق زجاجات المياه

يعني هاتي كام أزازة وخلي ابنك يلعب بيهم يفتح ويقفل في الأول خليها سهلة الفتح وبعدين جمدى الغطا شوية اكتر

open bottle


2- اللعب بالمشابك

طبعا كل بيت فيه مشابك ايوه مشابك الغسيل هاتي طبق حلو كده حرفه رفيع وخلي طفلك يشبك الطبق بالمشبك ويشلهم ويشبكهم تاني


3- سوستة الملابس و وأزرار القميص ومقبض الباب

خلي ابنك حبيبك قره عينك يفتح ويقفل فيهم التمارين دى مهمة جدا قبل الكتابة


4- اللعب بالمكعبات

اللعب بالمكعبات مسلي جدا للأطفال فيه نوع من الأبداع انه يشكل بيت أو تمثال أو شخصيات كرتونية

خلاص بأه مرنا عضلة الأيد وبقت زي الفل وخدنا وقتنا منستعجلش


ثانيا : التعرف علي الأشكال والألوان

هاتيله رسومات ( حيوانات – خضروات – لفاكهه ، …. )

وخليه يتعرف علي الأشكال ويعرف كل حاجة اسمها إيه ولونها إيه

علشان لما يدخل في المرحلة الثالثة يعرف الشكل دا أسمه أيه ولونه ايه


ثالثا : الخطوة الثالثة وهي مسكة القلم

هاتي كراسة وارسمي أشكال زى

(مثلثات – مربعات – دوائر- مستطيلات – سطور مموجة – حيوانات )

بس بالنقط  ، وخلي ابنك يوصل النقط لحد ما يكون الشكل.

طبعا كل خطوة بتاخد فترة متستعجليش ، اسسيه كويس علشان مايحسش بملل ويرتاح بعدين.


رابعا : ربط الشكل بالكلمة

هاتي بعض الصور زى

(ولد – بنت – شجرة – تفاحة – كرسي – قطة – حصان – …  )

حتي لو ترسميهم انتي

وشجعي ابنك وخليه يعرف الصورة ويوصل الصور المرتبطة ببعض أو ليهم علاقة ببعض.


خامسا : تدريبات التلوين

طبعا فيه كتب تلوين كتير ورسومات شيقة …

هاتي رسومات تكون كبيرة ووضحة ، لأن الهدف من التلوين إن الطفل يتحكم في مسكة القلم

في البداية هيطلع برة الرسمة ، وهنا دورك .. شجعيه وساعدية أنه يلون جوه الرسمة بس، واكتر تشجيع أنك تلزقي الصور اللي لونها علي الحيطة ، ووريه إنك

بتحبيها وانك بتفتخري بيها.


سادسا : التعامل مع الحروف

خلاص قوينا عضلة اليد وإبنك اتعرف علي الخضروات والفاكهة والحيوانات واشكال كتير


نيجي للكتابة …

في طرق بتخلي ابنك يحفظ الحرف بسهولة زي ايه …

أسهل الطرق للكتابة وحفظ شكل الحرف

اللعب بالصلصال

كتابة الحرف على ورقة والطفل يكتب الحرف بالصلصال فوق الورقة

اللعبة دى بتكون جميلة جدا وممتعة بالنسبة للطفل

 

كتابة الحروف على الرمال

تلعب الأم مع الطفل هي تقوله يكتب حرف وهو يقولها تكتب حرف على الرملة

وكل مجموعة حروف تقوم الأم بإملاء الطفل الحروف اللي اتعلمها بس من غير ترتيب


قص ولزق

وهو أن الطفل يقص حرف ويقوم بلزقة بكراسة الأنشطة

وبكده هيكون الطفل اتعلم معاكى الألوان والأشكال والحروف والكتابة بشكل جيد وبطرق ممتعة

بس كدا يسيدي بس استني خد هنا رايح فين ادخل ع قسم التطوير عندنا هتلاقي كل الللي نفسك فيه  علشان تطور من نفسك ومتنساش بقا تبعت اللينك لاصحابك علشان يستفيدوا هما كمان ولا انت اناني ؟

ولو عاوز تتعلم الماني علشان نقولك يا الماني اضغط هنا https://bit.ly/3gnNTum

عمليات البحث ذات الصلة
كيفية تعليم الطفل الكتابة لأول مرة pdf
تعليم الطفل الكتابة على السطر
سن الكتابة عند الأطفال
كيف أحبب ابني في الكتابة
طرق تشجيع الأطفال على الكتابة
كيفية تعليم طفل 5 سنوات الكتابة
طرق تعليم الكتابة
كيفية تعليم الطفل السرعة في الكتابة
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -