قد يعجبك

خلاصة دورات كتابة محتوى اهم 5 خطوات لوظيفة كتابة محتوى


خلاصة دورات كتابة محتوى اهم 5 خطوات لوظيفة كتابة محتوى

خلاصة دورات كتابة محتوى اهم 5 خطوات لوظيفة كتابة محتوى

غلطات مينفعش تقع فيها !!

ككاتب محتوى زي ما مطلوب منك تقدم محتوى جامد، ومميز ويجذب جمهورك المستهدف، وينفذ استراتيجية التسويق اللي انت حاططها فبرضوا مطلوب منك محتوى ميكونش فيه غلطات إملائية كتير، والأفضل يكون خالي من أي غلطة إملائية.
بس متقلقش أنا جاي النهاردة عشان نتعلم ونعرف سوا أي أهم الغلطات الإملائية اللي بنقع فيها والقواعد اللي لازم نعرفها وعلامات الترقيم وإزاي نستخدمها .

1- الألف المقصورة والياء الممدودة :                         
الألف المقصورة تكتب ياء (ى) وتنطق ألف زي : محتوى - مستشفى – على – إلى           
الياء الممدودة تنطق ياء وتكتب ياء اللي هي دي (ي) زي : سياحي - علاجي - وقائي - في - مالي .

2- همزة القطع وألف الوصل :
ألف الوصل هو الألف اللي مش عليه أي همزات زي : استفهام  استنتاج - استخراج - ابتلاء - انقلاب.
همزة القطع هي الألف اللي عليه همزة زي : أسماء - إرشادات - أعراف.

طيب جميل بس لسه الصورة موضحتش انا عارف هقولك برضوا إزاي تفرق بينهم ..بص  هتحط واو قبل الكلمة لو الهمزة ظهرت في النطق جامدة و قوية وواضحة يبقى دي همزة قطع، ولو ظهرت ضعيفة ومش واضحة أوي يبقى دا ألف وصل

3- التاء المربوطة والهاء المربوطة :

التاء المربوطة دي اللي عليها نقطتين وبتتنطق هاء زي : مدرسة - حياة - مدينة 
الهاء المربوطة دي اللي مش عليها نقطتين وبرضوا بتتنطق هاء زي : اشتباه - وجه - مياه - نبيه - فواكه .
ونفرق بينهم عن طريق إننا نحط تنوين في أخر الكلمة لو ظهرت في النطق تاء يبقى دي تاء مربوطة ولو ظهرت في النطق هاء يبقى دي هاء مربوطة، وفي طريقة تانية زي اننا نجيب المثنى ونشوف هتظهر تاء وله هاء وهكذا .

4- ياء المخاطبة للمؤنث :
بحطها ياء عادي في لو الفعل مضارع أو أمر زي : أكتبي – أرسمي. 
بحطها كسرة في حالة :
- الضمير زي أنت
-الاسم والحرف المنتهين بكاف زي : عنكِ - منكِ - كتابكِ - قلمكِ .
- الفعل المنتهي بكاف أو تاء زي : أحسنتِ - جزاكِ - أعطاكِ
- الفعل الماضي زي : لعبتِ - أكلتِ - رسمتِ.

5- كتابة ألف زائدة في نهاية الفعل المضارع المنتهي بواو :
لو الفعل المضارع المنتهي بواو والواو من أصل الفعل يعني أساسية لا نكتب ألف في نهاية الفعل زي : يدعو - يرجو - يشكو .
لو الواو مش من أصل الفعل ففي الحالة دي بتكون واو جماعة وساعتها بضيف الألف في نهاية الفعل زي : يصبروا - يذهبوا - يأكلوا .

6- الفعل الماضي :
ينتهي بألف مد لو المضارع بتاعه ينتهي بحرف الواو زي يدعو هتبقي دعا - يعفو هتبقي عفا.
ينتهي بألف مقصورة لو المضارع بتاعه بحرف الياء زي : يرمي هتبقي رمى - يقضي هتبقي قضى.

علامات الترقيم :

١- الفاصلة ( ، )
بحطها بين جملتين مترابطتين ، أو بعد مجموعة من الأشياء ، أو أفعال متتالية زي : ذهبت إلي المدرسة ، واستمعت إلى الشرح .
٢- الفاصلة المنقوطة ( ؛ ) 
بحطها لما تكون جملة من الجملتين سبب للتانية يعني جملة سبب جملة تانية زي : نجحت ؛ لأنني ذاكرت جيدا - أذاكر جيدا ؛ لكي أنجح - أصلي ؛ رغبة في دخول الجنة .
- أول الجمل الطويلة اللي متمتش .

٣-  النقطة ( . ) ودي في نهاية الجملة .

٤- علامة التعجب ( ! ) 
ودي بتتحط عند التعبير عن شعور معين زي ما أجمل السماء !

٥- النقطتين ( : )
- بتتحط بعد القول زي  قال المعلم :
- عند التعدد زي أهم أسباب ارتفاع الضغط هي :

مفيش مسافة بين علامة الترقيم والجملة اللي قبلها لكن المسافة بتكون  بين علامة الترقيم والجملة اللي بعدها.

غلطات الأسلوب :
١- يفضل إنك تبدأ الجملة بفعل وليس إسم.
٢- يفضل عدم استخدام كلمات ( قام - تم - بواسطة ).
٣- مقولش مثلا كلما كذا كلما كذا يفضل استخدامها مرة واحدة يعني مثلا كلما قرأت؛ اتسعت مداركك .
٤- ( ال ) لا تدخل أبدا على كلمة غير .

وعلشان تكتب مقال احترافي لازم تتقن ده 👇

التخطيط وإدارة الوقت
تعد مهارة التخطيط وإدارة الوقت أهم عادات الناجحين حيث أنه باستخدام تلك المهارة يمكنك إنجاز أعمالك, وتحقيق أهدافك الشخصية, والعمل على تطوير نفسك, وأيضا ممارسة حياتك بشكل طبيعي مع الأهل, والأصدقاء.
إذا كنت من الذين يعانون من ضغط العمل, والجداول المزدحمة, وضيق الوقت, والتشتت فهذا المقال سيوضح لك كيف تجعل يومك 48 ساعة, وكيف تنجز أعمالك, وتحقق أهدافك, وتمارس حياتك بشكل طبيعي عن طريق معرفة وتطبيق الأتي :
1. مفهوم إدارة الوقت Time management.
2. أهمية إدارة الوقت.
3. خطوات إدارة الوقت.
4. مفهوم التسويف.
5. أهم أسباب التسويف وكيف نتغلب عليها.

مفهوم إدارة الوقت Time management : 

هي عملية ترتيب المهام أو الأولويات أو الأهداف التي سيتم تنفيذها, والتأكد من تنفيذها في الوقت المحدد لها, وبشكل مبسط ومختصرإدارة الوقت هي الإستخدام الأمثل للوقت.

أهمية إدارة الوقت:
1- تنظيم وإدارة الوقت يساعدك على تحقيق نتائج أكثر, وفي فترة زمنية قصيرة.
2- استغلال اليوم بشكل أمثل وبفاعلية كبيرة.
3- إتمام الأعمال بشكل سريع, وبمجهود أقل, وبجودة كبيرة.
4- تخفيف الضغوط, والمساعدة على تحديد الأهداف من الأهم إلى الأقل أهمية.
5- الإحساس بالراحة والتحسن, وتجديد النشاط.
6- توفير وقت لقضاءه مع العائلة, والأصدقاء, وباقي النشاطات الإجتماعية, وأيضا وقت لتطوير الذات, وتحقيق الأهداف الشخصية.

خطوات إدارة الوقت:

1- التخطيط المسبق عن طريق وضع خطة مكتوب فيها كل المطلوب إنجازه خلال اليوم.
2- ترتيب الأولويات بحيث ترتب الأعمال الموضوعة في الخطة من الأكثر أهمية إلى الأقل أهمية.
3- يجب أن تكون الخطة قابلة للتعديل, والتغيرفيها حسب مجريات اليوم, والظروف الطارئة التي قد تحدث فالخطة الناجحة تتصف بالمرونة.
4- البعد عن تعدد المهمات بحيث لاتضع أكتر من مهمة في نفس الوقت.
5- تحديد الوقت اللازم لكل مهمة مع محاولة إنجاز المهمة في هذا الوقت المحدد أو أقل.
6- استغلال الأوقات التي تكون فيها في قمة نشاطك لإنجاز المهام المهمة.
7- تقسيم الأهداف لخطوات بسيطة لأن هذا يساعد على إنجازالأهداف مهما كانت كبيرة أو صغيرة بشكل أسرع, وفاعلية أكبر.

مفهوم التسويف:

أسباب فشل إدارة وتنظيم الوقت كثيرة لكن أهمها وأخطرها هوالتسويف يقول ابن الجوزي: " إياك والتسويف فإنه أكبر جنود إبليس ".
التسويف هو تأجيل الإنسان أوبطء تنفيذه لعمل أو حاجة معينة رغم إدراكه ضرورة القيام بهذا العمل.

أهم أسباب التسويف وكيف نتغلب عليها:
1- انعدام الدوافع وهذا ناتج عن:
- اعتبار العمل أو الهدف ذو قيمة قليلة أو لايجدي نفعا.
- أن يكون العمل أو الهدف مفروض عليك, وليس من اختيارك.
2- عدم التخطيط الجيد.
3- الخوف والرهبة والقلق الشديد, وانعدام ثقتك في نفسك.
4- عشوائية التنفيذ والتخطيط وهذا ناتج عن عدم تحديد الهدف, وأمثل طريقة لتنفيذه.

كيف نتغلب على التسويف:

1- استشعار المسؤولية, والحاجة للقيام بهذا العمل.
2- يجب أن تكون الأهداف واضحة, وقابلة للتحقيق والقياس.
3- أخلق لنفسك حافز داخلي يشجعك على تحقيق أهدافك للوصول إلى غايات أعلى.
4- ترتيب الأولويات.
5- معرفة قيمة الوقت.
6- مجاهدة النفس لإنها العدو الأول.
7- الإختلاط بالناجحين, والبيئة الناجحة.
8- تطوير الذات, وتعلم المهارات التي تساعد علي إنجاز الأعمال, وتحقيق الأهداف بشكل سهلة, وبفاعلية كبيرة.
9- اختر نهاية قصتك أنظر إلي مستقبلك وتخيله ثم اسعى لتحقيق ذلك التخيل.

بقلم احمد محمد عبدالهادى
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -