إدارة المشروعات الناجحه
لو انت شغال فى ادارة المشروعات ، خلى بالك من كام نقطه هيفرقوا معاك جدا :
-هتشتغل طول فترة المشروع و مرفوع عليك سيف اسمه الميزانية
انا جايلك من المستقبل وبقولك من الصعب بل من المستحيل انك تقفل المشروع في حدود الميزانية دون المساومة في بعض الاحيان على الجودة فى بعض البنود واللعب على كارت مهم اسمه اوامر التغيير علشان تعوض اي خسارات
- عايز تضمن بقاء مشروعك في حدود الميزانية طبعا اولا في مراقبة الانفاق عن قرب وتأكد من أنك تفهم كل قرش رايح فين. بس ده مش كفايه لوحده انت هتكون مضطر انك تقترح تغيير جودة بعض البنود ، وبلاش تفهمني غلط في النقطة دی
انا مش بقولك انك هتجيب معدات بجوده قليله, لا خالص انا بقول انك لازم تطبق منهجية الهندسه القيمية . يعنی ممکن تحسن او تحافظ على قيمة المنتج وفى نفس الوقت تقلل التكاليف.
-كارت اوامر التغيير مهم جدا و لازم تلعبه بحرفیه
خليك قناص الفرص و تكون عينك وسط راسك و دارس مستندات العقد كويس جدا و عارف حدود نطاق المشروع علشان لو العميل او الاستشارى طلب اى طلبات مش منصوص عليها صراحة في مستندات العقد تكون جاهز وتقدم طلب تغيير و تحاسب العميل عليه
الموضوع مهم ويحتاج إلى حرفية
-التواصل الفعال وادارة أصحاب المصلحة
خلى بالك من المهم أن تخلى اصحاب المصلحه زى العميل و الاستشارى على اطلاع دائم بتقدمك فى المشروع وما هي الخطوات التالية ، والمخاطر المحتملة
و إذا حدث خطأ ما ، فلا تحاول إخفاءه - خليك صادق بخصوص ما حدث وما تفعله لإصلاح الخطأ و تبقى عارف ازاي تدیر توقعاتهم الناس دى لو شعرت انك مخبى عليهم معلومات او بتلعب من وراهم ، هتكون في مشكله و هتفقد ثقتهم
خليك واضح بشأن ما يمكنك وما لا يمكنك فعله ، و حذاري انك تقدم وعود لا يمكنك الوفاء بها
إذا شعر أصحاب المصلحة أنهم على اطلاع دائم بما يحدث، فمن المرجح أن يدعموا مشروعك بشكل كبير
-خليك قوى و حاسم في قول لا
في بعض الأحيان ، سيطلب أصحاب المصلحة حاجات غير واقعية ، أو سيرغبون في عمل تغييرات ممكن تؤثر على الجدول الزمني تماما
في الحالات دى ، لازم أنك تكون قادر على قول "لا" وشرح
سبب عدم إمكانية ذلك. توقع انهم مش هيكونوا سعداء بذلك ، لكنه أفضل من تقديم وعود لا يمكنك الوفاء بها
افتكر النقاط دى كويس و انت هتكون في طريقك إلى أن تكون مدير مشروع ناجح جدا
بقلم هيثم الكوت
مقالات أخري
موسوعات ضخمه من الكتب والابحاث حملها مجانا في ٥٤ مجال متنوع هنا
اشهر امتحان انجليزي في العالم |كل شيء تحتاج ان تعرفه عن امتحان الايلتس هنا