قد يعجبك

ازاي تكسب فلوس من حسابك علي LinkedIn

ازاي تكسب فلوس من حسابك علي LinkedIn 

ازاي تكسب فلوس من حسابك في LinkedIn


لو عاوز تشتغل Freelancer و تكسب بالدولار بجانب شغلك الأساسي يبقي المقال ده ليك.

بعد زيادة سعر الدولار حصلت زيادة كبيرة جدا في الأسعار، و أصبح من الضروري استغلال الفرص و محاولة البحث عن بدائل لتحسين الدخل، مثل  فرصة أفضل أو حتي وظيفة بدوام جزئي بجانب الوظيفة الأساسية. 

و لأن الكل بيمر بنفس الظروف، المنافسة في سوق العمل أصبحت شرسة جدا. و علشان تحجز لنفسك مكان في الصفوف الأولى ده هيتطلب منك خلطة سحرية من مجهود و صبر و تطوير ذات و اقتناص أقل فرصة لتحقيق مكاسب أكبر….  لو عاوز تعرف ازاي كمل قراية.

اثبت جدارتك

 أولاً علشان تظهر انك جدير بالوظيفة المطالبة لازم الشركة تشوف انجازاتك اللي حققتها و المهارات المكتسبة من الوظائف السابقة و ده اللي هيكون موجود في ال CV بتاعك.

مسئول التوظيف بيكون لديه مهمة واحدة و هي انه يملأ المنصب المطروح بالشخص المناسب تماماً. فلازم كل كلمة جوة سيرتك الذاتية توجهه إلى إنك الشخص دة تماما بلاي أي شك.

و لأن مسئول التوظيف اقتنع مبدئيا بسيرتك الذاتية، و شايف انها مناسبة بس علشان يتأكد لازم يعرف عنك اكتر، هيدخل بروفايلك على لينكدان علشان يشوف كل حاجة عن تجاربك السابقة من صور لمشاريع، و ڤيديوهات بتتكلم عن خبرتك، و ملخص في معلومات اكتر عنك، و وصف وظيفي مفصل لكل وظيفة سابقة، و شهادات و انجازات و جوايز، هيتأكد ان فعلا نظرته الأولى كانت صحيحة و انه لازم يعمل معاك مقابلة شخصية…

للأسف في الظروف الحالية، دة مبيحصلش كل يوم دا، و علشان يحصل انت لازم تعمل مبذول كبير جدا في سيرتك الذاتية و بروفايلك! مش بس استكمال البيانات بصورة صحيحة. لأ كمان شبكتك الاحترافية و طبيعة نشاطك على المنصة و تواصلك مع الآخرين من الخبراء في مجالك و ظهورك ليهم.

لينكدان عارف دة كويس، خصوصا بعد كورونا اللي اتسببت في ترحيل مئات الالاف ان مكانش الملايين من وظائفهم. و اكيد لازم يكون له دور في عبور الأزمة.

لينكدان لقت ان اغلب الناس اللي تركت وظائفها كان عندها خبرات كتير جدا تقدر تقدمها لأماكن و مؤسسات تانية..

محاسب ممكن يعمل مراجعة لحسابات شركة..

مدير مشروع عنده كفاءة ممكن يقدم خدمة استشارات للشركات الصغيرة..

مصمم يقدر يعمل شغل بالقطعة او بالمشروع…

كاتب محتوى، مترجم، او حتى فني حاسب آلي…

وظف نفسك

و هنا بيجي وظيفة ال Service Provider و اللي فيها بتكتب كل الخدمات اللي تقدر تقدمها بجانب شغلك كا Freelancer، هتظهر الأول في نتائج البحث كمقدم خدمة، و هتظهر كمان لكل واحد يزور بروفايلك… و الناس تتواصل معاك و تطلب الخدمات دي منك… و تكسب

ازاي تكسب فلوس من حسابك في LinkedIn


مش بس كدة…

معروف ان لينكدان مبيسمحش ان حد يرسلك رسالة إلا بقيود معينة او انه يكون موجود في شبكتك..

طب لو هو مهتم بخدماتك، لسة هيبعتلك طلب

و يستناك تقبل او ترفض، و لما تقبل لسة هتستنى يسألك، و تستنى إجابة بعدها بكام يوم، يكون الشخص اللي عايز الخدمة لقا بديل او صرف نظر؟

لينكدان مسابكش، و قرر كمان يدعمك اكتر عشان انت سعيت و دورت و قريت المقال لحد ما لاقيت الميزة دي.. و عملك حاجة تساعدك تكسب فلوس اكتر و اسرع.. ايه هي؟

سابلك اختيار انك تسمح لأي حد مهتم بالخدمات حتى لو ميعرفكش ولا في شبكتك، يقدر يطلب منك خدمات و يتواصل معاك مباشرة بعد ما لينكدان بيسأله عن طلبه بالتفصيل..

ازاي تكسب فلوس من حسابك في LinkedIn


طبعا انت في وصف الخدمة هتكون كاتب ملخص عنك بحيث اللي يكون عاوز الخدمة يثق في انك تقدر تقدمها…. و يكون عنده الفرصة يفهم اكتر عن خدماتك و ايه اللي انت هتفيده أو هتفيد شركته بيه.

تلاقي في اول اليوم جاتلك رسالة، إلحق، في ميل عايز يديلك فلوس تعالا…

و اللي بييجي يطلب الخدمة منك بتظهرله كدا:

ازاي تكسب فلوس من حسابك في LinkedIn


ف لو لسه مبدأتش انك تطور من المهارات بتاعتك و تقوم بتفعيل الخدمة دي, يبقي هتفضل واقف في مكانك. 

مش لازم اقولك طبعا ان العميل لازم لما يشوف بروفايلك تقدمله افضل انطباع ممكن، و تكون مكمل كل بياناتك و ضايف كل الKeywords الخاصة بخدمتك، دة كمان هيأثر انك تتشاف أكتر مش بس تقدم الانطباع الأمثل..

و إلا امبارح هيكون زي بكرا و انت هتفضل في نفس المكان.

لو حابب تبدأ ب انك تسهل الدنيا عليك و تملى بروفيلك علي لينكدان من الصفر و تجهيزه بالكامل بس بطريقة احترافية، أو ال CV الخاص بيك على ايد متخصصين علشان تبهر عملاؤك المحتملين و صناع القرار في الشركات اللي تتمنى تشتغل فيها..

بقلم أسامة شعبان قطب


اهم النصائح للعمل من المنزل هنا 

مواقع لدعم ال CV هنا 



تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -