ازاي تنظم وقتك صح
 |
تنظيم وإدارة الوقت5 نقط مهمة هتساعدك ازاي تنظم وقتك1- تحديد الأولويات:- لما تحدد أنت محتاج ايه، أو هتعمل ايه خلال اليوم، دا هيساعدك جداً في تنظيم وإدارة وقتك بشكل كويس. شوف الحاجات المهمة اللي عايز تعملها، وحطها في الأولويات، هيساعدك في استغلال الوقت، وتنظيمه. 2- راقب وقتك:- ليه لازم تراقب وقتك؟ علشان تعرف هو بيضيع في ايه؟ اكتب يومك من أوله لآخره، واعرف بتعمل ايه خلال اليوم. جرب الموضوع دا لمدة يوم واحد بس على الأقل، لما تراقبه هتخرج من الوقت الضايع دا، وانتاجيتك هتتضاعف، وهتعرف تنظم وقتك كويس 3- اعمل to do tist:- محدش في العالم كله ناجح في تنظيم وقته كن غير ما يكون بيستخدم نوتة، أو to do tist؛ علشان يحط خطة يومية ينجز فيها كل اللي وراه. الـ to do tist هتساعدك في الإنجاز، ومش هتنسى اللي وراك، فـ أنت كده قدرت تنظم وقتك وتديره بشكل صح. 4- نظام الـ Time blocking:- خصص وقت لكل نشاط، أو لكل مهمة، حدد أنت هتعمل ايه بكرة، وهتعمله امتى (الوقت) لما تخصص وقت معين لعمل مهمة معينة، هيساعدك في ، واستغلاله وتنظيمه. حدد وقت من غير تشتيت لو حتى 30 دقيقة، صدقني هتطلع بإنتاجية كبيرة، وهتكون مركز فيهم جداً. 5- متعملش مهمتين في نفس الوقت:- هتتشت لو عملت مهمتين في نفس الوقت، على اعتقاد منك إنك كده بتنظم وقتك، بس دا غلط. ادي لكل مهمة حقها، واعمل كل مهمة لوحدها، بس لو عندك مهام مش مهمة أوي تقدر تعمل مهمتين سوا. افتكر إن تنظيم وإدارة الوقت، من أهم الجوانب لزيادة الإنتاجية، وتحقيق الأهداف. |