11قناة لتعليم الانجليزية لازم تشترك بها الان
قبل البداية !🏃
نفسك تتعلم انجليزي وماعندكش الإمكانيات اللي تساعدك؟!.
انت طالب ومافيش معاك ميزانية تاخد بيها كورسات ،ونفسك تنمي اللغة عندك؟!
طيب ومستني اي ؟
معاك اغلي ميزانية واللي محدش يقدر يقدرها بفلوس .
وقتك ثروتك .💵💵💵
وعشانكوا ؛جمعنا ليكوا اهم 11 قناة علي اليوتيوب بتقدم محتوي اكاديمي وغير اكاديمي لتعليم اللغة الانجليزية ، قنوات لازم تكون عضو فيها لو حابب فعلا انك تطور وتنمي اللغة عندك.👏👏
الإمكانيات اللي لازم تكون عندك
الموضوع مش محتاج منك غير وصلة نت وساعة في اليوم توفرها للغة وهتفرق معاك جدا.
وماتخليش الحماس ياخدك بانك تقول ساعة قليلة وتحط لنفسك خطه باكتر من كدا ، لا هي ساعة كويسه بس استمر عليها.🙄
خلي تارجت يومك في انك تتعلم اللغة ساعة.🥳
واذا زاد مافيش مشكلة.🥳🥳
بس ماتكونش القاعدة أو الهدف بالنسبة ليك اكتر من ساعة 🙄.
عشان تقدر تكمل 👏👏 وعشان حماسك ما يقلش وتمل زي كل مرة بتقرر تتعلم فيها اللغة.🙄🙄🙄
"قليل ُُ دائم خيراً من كثير منقطع"
دي كانت نصيحة من اختكوا وانت ليك حرية القرار .
نبدأ بقي في أهم 11 قناة لازم تكون مشترك فيها واللي بتعلمك الانجليزي بشكل مجاني ،وسريع ،بس مع الاستمرار 🙄👇
أهم 11 قناة لتعلم الانجليزيه
القناة الأولي Z American English
قناة الاسطوره ابراهيم عادل قناة مرتبة وبتهتم بكل مهارة علي حدا .
بتبدا معاك من الصفر لحد ما تتعلم اللغة وتوصل فيها لمستوي احترافي.
القناة بتهتم بالاكسنت الأمريكي.
فيديوهاتها ما بتتجاوزش اللي20 دقيقة وبعد كل كورس في امتحان .
الكورس زي ما قولنا بيتناول مهارات اللغة بشكل كامل من قواعد وكتابة وقراءة واستماع ومحادثة صوتيات.
لينك القناة⬅️ Z American English
ودا لينك تطبيق القناة عشان تسهل عليك الدراسة.
وعشان نتعلم بدون تشتيش وسط كمية الفيديوهات الموجودة على اليوتيوب.
حمل تطبيق Z American English app
القناة الثانية قناة Adam
قناة فكاهية ومريحة في تعلم اللغة بتعلمك الكلمات والقواعد بأسلوب بسيط سهل ، بطريقة صعب تنسي معاها اللي اتعلمته.
بتهتم بالايليتس .
وبتساعدك في انك تتهيء للامتحانات أو للاختبار.
لينك القناة ⬅️ Adam
القناة الثالثة English for you
لو مبتدئ في اللغة ومحتار تبدأ باي قناة احب ارشحلك دي .
قناتهم منظمه وحلقاتها مترتبة حسب كل مستوي .
تقدر تدخل عليها وتعمل سيرش في البلاي ليست وتبدأ من الاول.
وهي بداية حلوه زي ما قولنا لو مبتديء ولو مش مبتدئ تقدر تشوف المستوي اللي يتناسب معاك وتبدأ بيه. اشترك في القناة من هنا
القناة الرابعة VOA learning English
اكبر قناة تعليمية علي اليوتيوب، بتهتم بتعليم اللغة الانجليزية في الإذاعة الرسمية لإذاعة صوت أمريكا.
تقدر من خلالها تتابع المحتوى اللي يتناسب مع ميولك وتسمعله ، هيفيدك في اكتساب اكسنت حلوه في الكلمات الموجودة في مجالك. والقناة اهي VOA learning English
القناة الخامسة Simple English Videos
ودي بتعلمك إنجليزي من خلال فيديوهات بسيطه بطريقة تمثيلية. وبتعتمد امثلة من الحياة اليومية. لينك القناة ⬅️ هنا
القناة السادسه Neck Shepherd
صاحب القناة دي معلم خبير في تدريس اللغة .
اكتر من 30 سنة خبرة.
بيعلمنا إنجليزي من خلال الرسوم التوضيحية.
أعتقد كون أن القناة مسلية هتكون أكثر كفاءة معاك في التعلم.
لينك القناة هنا
القناة السابعة English Anyone
من اسم القناة واضح اوي أنها بتهتم بتعليم الانجليزيه الجميع.
يعني هدفها نشر اللغة وتعليمها.
عشان كدا بتوفرلنا دروس معتمدة علي واقع الحياة .
زي الاخبار والاحداث المهمة، كمان بتعرض المحادثات اليومية المهمة.بتعلم إنجليزي للكل من البداية للاحتراف .
لينك القناة.الانجليزية للجميع
القناة الثامنه Learn English With Ronnie
احلي حاجه في القناة دي أن فيديوهات قصيره .
كل فيديو حوالي10 دقائق.
يعني هتتعلم حتي لو مش فاضي .🥳👏
بتهتم بتعليم فنون اللغة زي الكلمات والمحادثات والقواعد وغيرها.
لينك القناة ⬅️ هنا
القناة التاسعه Go Natural English
دي قناة بتهتم أنها تحفزك علي تعلم اللغة.🏃👏
بتجر رجلك يعني 😅
تقدر تطور من خلالها مهارة الاستماع بشكل كبير ودا عن طريق التدريب على المواقف المختلفة.
لينك القناة⬅️ هنا اهو
القناة العاشرة Learn English with lets talk
القناة دي ليها شعار مميز جدا بتخليك تفكر في أهمية تعلم اللغة .
ودا سبب كافي لتشجيعك علي التعلم.
شعارها هو
"كل شخص لديه سبب لتعلم الانجليزيه، ما هو سبب أنت؟"
اظن السؤال دا مش لازم يتسال علي اللغة وبس .
حاجات كتيرة بتحتاج أننا نسأل نفسنا نفس السؤال.
قناة تستحق أننا نغامر بوقتنا ونستكشفها 👏👏
لينك القناة ⬅️ هنا اهو
القناة الحادى عشر TOEFL English
لو حابب انك تعدي من اختبار التوفل هتلاقي علي القناة دي عدد كبير من الدروس والمصادر اللي هتساعدك بشكل كبير في انك تنجح في الامتحان.وهتعرفك ازاي تحل اي مشكلة تقابل في التوفل. TOEFL English