القائمة الرئيسية

الصفحات

اكتر 7 وظائف مطلوبة في العمل من لينكدان Free learning path from linkedIn

 اكتر 7 وظائف مطلوبة في العمل من لينكدان

Free learning path from LinkedIn




لينكدان عملت مباردة لاكتر 7 وظائف طلبا في العمل ..

وهنا جمعنا ليكوا 7 كورسات في كل مجال مع نبذه عن المجال وأهميته.

موفقين😅

السلام عليكم و علينا

اي اي رايحين فين ردوا السلام الأول.

يلا بينا نبدأ

الكورس الاول

كورس التسويق الرقمي 

مش هبدأ معاك كلامي بأن العالم بقي رقمي دلوقتي وانو لازم نواكب ونتعلم عشان نقدر نبني مستقبل أفضل ويكون لينا حته من تورتة النت وارباحه.😅

لأنه الكلام دا بقي فاكس ومش بياكل مع ناس كتير .


امال ليه التسويق الرقمي ؟

عشان هو حاجه كدا من الاخر.

 يعني لو نفسك تشتغل تسويق ع النت ومش عارف ازاي الكورس دا هيعلمك سوا بقي تشتغل مع شركة أو شخصية معينة حسب المجال اللي انت شغوف بيه وبتحبه،

ولو عايز يبقي عندك موقع بسيط زي دا أو لو حابب تعمل موقع احترافي احسن من دا ،الكورس دا بردوو هيعلمك .

وعلي فكرة انا بجهز نفسي اني احضره بعد ما اخلص الكورس اللي في أيدي .

وعلي فكرة بردو انا بجهز في موقعي الخاص NewSt3rt 

وناوية اتعلم الكورس عشان أطبقه يعني الكورس هيفيدني واكيد هيفيدك 🥳👏

طيب هو الكورس كبير؟

بص ي معلم انت تقلق لو الكورس صغير ولو عدد ساعاته صغير ، لأنه كدا تعرف أنه بيديك القشور وفي حاجات في النص متاكلة إنما لما تلاقي الكورس عدد ساعات كبيرة وتقرا عن الشخصيات اللي بتدرس الكورس وتعرف أنهم قامه في المجال ساعتها تقدر تدوس بقلب جامد .

اها ارشحكلك كمان كورس التسويق الرقمي من مهارات جوجل اللي بحضره دلوقت 😅

ودا اللينك  بتاع جوجل  هنا 

محتويات الكورس 

الكورس هيمشي معاك من البداية ودا تقدر تشوفه من خلال محتويات الكورس .

عبارة عن 13 وحدة كل وحده مجموعة من الدروس مش كتيرة ..يعني متوسط 4 دروس في الوحده الواحده .

يعني لو كل يوم 30 دقيقة مشاهدة وزيها تطبيق انت هتوصل وتعدي اللي وصلوا 👏

ادخل بقي اتفرج وطبق واوصل وادعيلي ها تنساش تدعيلي 😅👏

لينك الكورس اهو هنا

الكورس التاني وهو كورس التحليل المالي 

ودا بيعلمنا الفلوس جايه منين ورايحه فين.

ومعلومة بسيطة كدا لو انت مش عارف اللي بيجي بيجي منين وبيروح فين ، احب اقولك ابشر ي صيدقي سوف تظل فقيراً 🥺

قلبتي فصحي ليه ؟

لأنه الموضوع جدي ولا يحتمل الهزار باي شكلاً كان.

الكورس مهم علي الصعيد الشخصي والمهني ؛ بل إن في دول ممكن اقتصادها يوقع نتيجة لعدم وجود تحليل مالي أو أن تحليلها المالي واقع .

فالكورس مهم.

وليه حطيت التحليل المالي بعد التسويق الرقمي ؟

لأن زي ما قولتلك لو انت عايز يبقي عندك منصة أو متجر الكتروني فانت لازم تبقي عارف االلي هيجي هيجي منين ويروح فين عشان تتطور مش تتعور 😅👏

ويلا بقي الكورس اهو احضره واستفيد وقولي رايك تحت في الكومنتس 🥳👏 اضغط هنا 


الكورس التالت كورس IT Administrator

ببساطة لو حابب تشتغل مع شركات  زي جوجل فمجال ITA  من اكتر المجالات المطلوبة لينك الكورس هنا 

الكورس الرابع ازاي تكون Sales representative شاطر


_ اي دا اي دا استني ما اتفقناش علي كدا !

_ اي فيه ؟

_ يعني اي البتاعة اللي فوق دي ؟ سا سي اي ؟

_Sales representative؟

_ ايووه دي ؟

_ يعني مندوب مبيعات .

_ يعني بياع ؟...طيب ما تقولي بياع ؟وبعدين دي محتاج كورس دي ؟

_ دي محتاجه كورسات حضرتك .

ان تعرف تاكل حلاوه بعقل الزبون لازم تكون علي قدر علي من الإقناع واللباقة والتأثير.

ودا فرع من فروع علم البيع.

انك تعرف تخليه يشتري المنتج بتاعك وهو متاكد أنه احسن شيء في الدنيا دا علم .

بس بص 🙄... تبيع حاجه صح مش اي كلام وخلاص .

يعني ماتبيعش للناس الهواء وتقول فرحوا الحمد لله علي كدا أنا حد شاطر .

هتتفس ي محترم ؟😅

_  ازاي مش فاهم ؟

_ اقولك ازاي مش ساعات كتير بتشتري حاجات بتحس انك محتاجها اووي وانت في المحل أو انت في الشارع .

ولما تروح تقول أنا اي اللي جيبته دا .

هعمل بيه اي ؟

_ لا كل حاجه بجيبها ببقي محتاجه ؟

_يمكن بس اصل الحاجات دي بتمشي معانا احنا الستات اكتر .

_طيب وليه تشتروا حاجه مالهاش لازمه ؟

_ اقنعونا ي بيه 😅

ضحكوا علينا ي باشا😅


_ ضحكوا عليكوا ؟😅

_ايوه 

_ازاي ؟

_ بفن البيع، بيستخدموا كلام معين بأسلوب معين يحسسك أنه لو مااشتريتش دا كدا انت هحياتك ملهاش لازمه فبنشتري لأننا بنكون مسحورين بفن البيع.

وبعد ما نروح بنعرف هل كنا حقيقي محتاجين الشيء دا ولا لا .

_ طيب ماهو ال Sales representative بيع ع كدا؟

_ لا دا نوع من البيع .

وفي الحالة دي البياع هو اللي بيروح للمشتري سوا البيت أو العيادة او المحل علي حسب نوعه .

ومن خلال معرفته بفن الكلام بيعرف يبيع ويبقى عنده عملاء لما يروحلهم من قبل ما يتكلم هو عرف خلاص كدا أنهم هيشتروا😅👏

_ تصدقي اقنعتيني بالبتاعة دي ؟ اللاه اسمها اي صحيح

؟😅😅😅

_Sales representative😅😅😅

طيب يا برنس زمانك لينك الكورس اهو وخد العلم من العلماء ...وابقي اشوفك كدا ما حضرتش 🙄 دوس هنا 

الكورس الخامس خدمة العملاء Customer service

ودا بردوو فن من فنون البيع بس في الغالب بيكون ع الفون ...وهو انواع بردوو في داخلي وخارجي .

عارف لما ربنا يكرمك وتشتغل مع فودافون ولا موبينيل ك خدمة عملاء .

ممكن تشتغل من الشركة فإنو تروح وتقعد علي مكتب وقدامك فون وكمبيوتر وترد علي العملاء  دا داخلي من داخل الشركة ، أو أنك تشتغل من البيت ودا خارجي .

كمان شغل الموديتيور .اللي بيردوا علي الكومنتس وعلي الرسائل بتاعت العملاء ع صفحات اللبس والمكيب علي فيس بوك دا نوع من خدمة العملاء .

عشان كدا كان لازم نجيبلك الكورس دا بالشكل دا بالترتيب دا 😅

الكورس اهو هنا 


الكورس السادس: الجرافيك ديزاين؟

طبعا كلنا بنشوف كمية الفيديوز الجرافيك الموجوده بداية من قنوات التليفزيون وصولا لمنصات عالمية قائمه في الأساس علي علم الجرافيك ديزاين .

وعشان نتعلم الكورس بشكل كويس بداية من معرفة ماهية العلم وصولا لشرح التطبيقات الموشن جرافيك والجرافيك اللي ممكن تستخدمها مافيش احسن من ليكند أن وكما ن مع شهادة موثقة .

اها كمان كل الكورسييز اللي فوق دي ليها شهايد واللي تحت 😂👏

هو بعيداً عن حتة الشهاده انت هيبقي معاك علم .تقدر تثبت شهادته بالتطبيق العملي في اي وقت قدام اتخن تخين فيكي ي جمهورية.😅

اتكل ع الله وأبدأ

لينك الكورس هناهو


الكورس السابع البرمجة والسوفتوير؟

اتكلمنا قبل كدا عن البرمجة ومش هصدعك تاني عليها .

بس لو بتحب الصداع ادخل هنا 

هتلاقي عجب في المقالة دي 😅

ودا لينك الكورس من لينكدان هنا

ملحوظة بقي وحيات الغالين ...اكتبوا كومنت هنا وطمنوا اختكوا أنه أسلوبها حلوه في الكتابة والاقناع.

في البيع 😅👏👏👏

وانكوا هتسمعوا الكلام وهتحضروا الكورسسييز دي وتطوروا نفسكوا...

اي كلمة غير كدا ماحدش يلوم غير نفسه 🔪 

بهددكوا ايوه 

وعشان بحبكوا وتهمني مصلحتكوا هنا في حاجات لازم تدوها بصه 😅👏

  • مقالتي بتاعت البرمجة شايفك مادخلتش عليها ادخل يلا هتفيدك  رايح فين من هنا
  • كورسات مايكروسوفت العالمية تعادل شهادة جامعية! هنا

  • كورس power English لتعلم الانجليزيه هنا
  • افضل تجميعة كورسات للموارد البشرية HR هنا
  • منحة وزارة الاتصالات وتكنولوجيا المعلومات للشباب مع فرص التوظيف المميزين هنا
  • افضل كورسات البرمجة من الصفر هنا

تعليقات