أخر الاخبار

ازاي تحذف حسابك بشكل نهائي احذف حسابك بالطريقة دي

 ازاي تحذف حسابك بشكل نهائي ؟    احذف حسابك بالطريقة دي


ازاي تحذف حسابك بشكل نهائي ؟    احذف حسابك بالطريقة دي و مش هيبقي موجود من دلوقتي !    ازاي تحذف حسابك كأنه مااتعملش ؟


ازاي تحذف حسابك كأنه مااتعملش... في المقالة  دي هنقولك ازاي بس الاول فيه كام حاجه حابين نتكلم عنها.

ليه تعمل حساب ؟

في أسباب كتيرة تخلينا نعمل حساب ع اي بلات فورم موجودة ع النت .

انا مثلا بستخدم حسابي علي الفيس بوك بشكل شخصي .

تواصل مع الاهل والأصدقاء واني اتعرف علي ناس جديده.

ممكن تكون انت زيي وممكن تكون بتسخدمه بشكل تاني ،تعليمي مثلاً... معظم التعليم دلوقت بيعتمد علي النت .سواء محاضرات اونلاين او ملفات دراسية في صورة Pdf .

فبالتالي اصبح لازم علينا أن يكون عندنا حساب علي وسيلة علي  الأقل من وسائل التواصل .

او ممكن تجاري مثلا .

بتعرض عليه منتجك الملموس أو خدمتك الغير ملموسة.

وممكن نعمل حساب وهمي بنستخدمه بس في التصفح والاطلاع مش بغرض التواصل أو التجارة.

 وممكن نستخدم الحساب الشخصي والتعليمي والمهني أو التجاري في التصفح يعني مش لازم اووي أننا نعمل حساب للتصفح الخفي وعدم التفاعل ولا اي 😅

اه هو ولا اي ولازم يكون في حساب لللعب. خليك معايا وهوضحلك النقطة دي كمان شويه 😅

متي اعمل حساب ؟

في رأيي الشخصي يستحسن نعمل حساب لغرض من الاتنين التواصل الشخصي مع أشخاص انت مهتم بيهم ، أو الدراسة والتجارة.

دا لو انت حد النت مش بيشده أما إذا كنت حد شغوف بالنت فلازم يبقي عندك حساب لللعب بالظبط للعب.

ليه لازم اعمل حساب لللعب ؟!😅

لاسباب وان كانت بسيطة فهي مهمة .

أولاً: عشان ما ندورش في الساقية !🙄

لو انا حد بستخدم حسابي بشكل شخصي ،تجاري ،فكاهي فالأمور وارد اووي تدخل في بعض ، ولأن خوارزمية النت بتعرضلنا اللي بنهتم بيه اكتر فلو انا مهتم بالجانب الفكاهي كل المعروض هيكون فكاهي وهيغطي علي الجوانب التانية .وفي نفس الوقت هيبقي اللي ببات فيه بصبح فيه يعني "زيي  زي التور اللي بيلف في ساقية" _ اوبس 🤦🏼‍♀️اسفة يا انا 😅_ وبالتالي ما فيش تطور.

ثانيا عشان مااخسرش:

ولأنه احنا شعب مرح بطبعه فجانب اللعب والتسلية هيغلب علي الجوانب التانية فممكن يجيني مثلا اشعار من حد مهم واحد قصاد عشرة من حد غير مهم، ولأن كلهم في نفس المكان فاالطبيعي أن العشرة هيغطوا علي الواحد وبالتالي مش هشوفه بالتالي هخسر لو كان الأشعار دا بخصوص وظيفة أو مناسبة مهمة .

ثالثاً: عشان مانتوهش

علي  المستوي الشخصي انا عندي اكتر من خمسه حساب علي جميل 🤗

حسابي اللي بكتب فيه هنا...

وحسابي الخاص بالكورسات اللي بطور فيها نفسي .

وحساب العب بيه واشوف بيه فيديوهات ع النت واطبق اللي شوفته .

وحساب لو هقدم ع وظيفه دائما بحطه.

وحسابي اللي بستخدمه في المواقع المهمة اللي بتحتاج اني ادفعلها عشان اخد المميزات اللي فيها ببلاش😅 لو كان  مسموحلي  وبطريقة شرعية " استنوا المقالة الجاية هقولكوا ازاي "وحسابات تانية .

يمكن كتير صح ؟!...صح جدا كمان ،هما كتير بس دا بيساعدني في اني مااتوهش.

انا حد شغوف جدا بالنت وشغوف جدا باني يبقي عندي معلومات عن حاجات موجوده عن النت...ولاني حد بيسعي أنه يطور نفسه ويتعلم ولاني حد فكاهي وبحب المرح ولاني حد عايز يرتقي بالسلم الوظيفي الخاص بيه ولاني حد عايز يعمل شغله الخاص من مافيش ، كان لازم يبقي عندي كمية الحسابات دي .عشان ما اتوهش وسط زحمة الايميلات اللي بتجيني.

فلو عايزه اعرف اتقبلت في الكورس الفلاني بدخل ع رسائل الإيميل الخاص بالكورسات وبقرأ لحد اخر رسالة وصلت ولو مكانش في رسالة وصلت بتظهرلي اخر رسالة انا قراتها قبل كدا، فبالتالي مش بكون قلقانة من حتة أنه ممكن توصل وتوه مني وسط زحمة رسائل وايميلات الشركات اللي بقدم فيها أو وسط رسائل اللعب أو وسط رسائل التطبيق في مواقع مختلفة.

كل مجال حابة اني اشوف وصلت لفين فيه واي الجديد عندي ع الايميل بدخل علي حسابي الخاص بالمجال دا.

رابعاً: حفاظاً ع وقتي .

لو كل حاجه بعملها علي النت بعملها من حساب واحد.

فانا كدا هخسر كتير.

واهم حاجه هخسرها ، حاجه مش ممكن تتعوض ...هي الوقت .🥺

وعشان نحافظ ع الوقت لازم نعمل كنترول عليه ، واحيانا عليه دي مش بتكون بشكل مباشر ...ولكن بتكون عن طريق اني انظم حاجات معينه واديها وقت معين .

فكدا يبقي نظمت وقتي.👏

مثلاً، الفيسبوك بدخل عليه من 5ل7 مرات في اليوم كل مرة من 5ل10 دقائق.ويمكن أقل...ويمكن اكتر حسب خطة كل يوم.

وهكذا حسابي ع لينكدان وهكذا حسابي هنا

وهكذا الواتس اب وهكذا كل شيء في يومي ليه وقت ، ولأن كل شيء ليه وقت فوقتي بيبقي اكتر نظام ،ولما وقتك يكون منظم اكتر هتكون مرتاح اكتر سعيد اكتر .🥳👏

دا ما يمنعش انه في ايام حقيقي بتضيع  في اللا شيء، بس المهم انه الايام دي مش هي القاعدة😅☝️

خامساً: عشان ماازعلش😅

كلنا وارد أنه يتعرض لمشكلة ما في مجال ما ع حسابه. ممكن المشكلة دي يكون حلها في التخلص من حسابك دا.

ولو الحساب داير مايدور وعليه كله حاجه خاصه بينا ففكرة اني احذفه هتخسرني كتير .اها هي هتحل المشكلة اللي حصلت في المجال .بس انا هخسر.

نوضح 🙄

نوضح😅

لو عندي حساب للعب وحصلت مشكلة عليه والمشكلة تتحل باني احذفه .

عادي احذفه وكدا حليت المشكلة،واقدر اعمل غيره وارجع استخدمه في اللعب.

بس لو حسابي بتاع اللعب حصل عليه مشكلة وهو مش بتاع لعب وبس بتاع كورسات مثلا . وحذفته كدا أنا خسرت تقدمي في المواقع بتاعت الكورسات اللي مسجلة فيها بنفس الحساب . وكل ما يكون الحساب مشترك في اشياء كتيرة كل ما تكون الخسارة كبيرة وكل ما يكون الزعل اكبر ."فهمتوني صح 😅"

متي احذف الحساب ؟

متي دي بتختلف مني ليك ومنك ليا .

يعني كل واحد فينا عنده أسبابه الخاصه اللي تخليه يتخلص من حسابه.

مشكلتك ممكن تكون ميزه ليا والعكس .

عشان كدا متي احذف الحساب انت اللي بتحددها هنا مش انا .

وللاسف انا مش هقدر أفيدك فيها .

بس سؤال متي دا ممكن يكون هو في حد ذاته الفايده بالنسبة ليك .

يعني تدي نفسك فرصه اكبر في تحديد المخاطر اللي ممكن تتعرضها واللي لو اتعرضتلها ممكن يكون حلها بحذف الحساب .

ازاي احذف حسابي ؟!

في كل خدمة ع النت فيه اعدادات ممكن من خلالها تحذف حسابك .

احنا هنا سهلنا ليك الدنيا بدل ما تدخل تتوه وسط كمية الاعدادات اللي ممكن تلاقها .

هتلاقي تحت شوية مجموعة لينكات كل لينك مسؤل عن حذف حساب مختلف فيسبوك، توتير ،جميل وحسابات تانية .

كل اللي عليك هتضغط ع اللينك وتسجل بحسابك عادي وتمشي مع الخطوات اللي هيطلبها منك .

زي مثلا في حال الفيس بوك بيسألك  اذا كنت متاكد انك عايز تحذف الحساب ولا ممكن تعمل بس تعطيل للحساب .

وممكن يطلب منك الباسورد تاني كأسلوب تاكيد أنه انت صاحب الحساب دا. بس وشوية خطوات بسيطة بتتشابهة وتتخلف حسب نوع الحساب .

بس يا باشا انت كدا حذفت حسابك.

ملحوظه صغيره.

انت اه كدا حذفت حسابك ،بس كل خدمة علي النت بتحددلك مدة معين تقدر خلالها ترجع حسابك.

الفيسبوك مثلا 30يوم وبعدها مش هتلاقي حسابك موجود خالص.

خلال المدة دي لو سجلت دخول فكدا الحساب هيفضل موجود عادي جدا .

وعشان تحذفه بجد لازم تعمل نفس الخطوات تاني ، بس المرادي تتأكد انك مش هتفتحه تاني خلال المدة المحددة.

وادي اللينكات 😅👏

لحذف حساب علي فيس بوك هنا

وعشان تحذف حساب علي جميل هنا

لو حابب تحذف توتير هنا

احذف حسابك علي ميكروسوفت من هنا

احذف حسابك علي انستا من هنا

احذف حسابك علي سناب شات من هنا

وهنا في مقالات احب ارشحهالك منها 

  • ازاي تحمي نفسك من الابتزاز علي السوشيال ميديا هنا 
  • افضل ٧ طرق لازاله الفيروسات والملفات الخبيثه من جهازك هنا 
  • ازاي ترجع ارقامك المحذوفه باستخدام حسابك علي الفيسبوك من هنا 



تعليقات



حجم الخط
+
16
-
تباعد السطور
+
2
-