قد يعجبك

بلاش تعلم ابنك الانجليزي في سن صغير لو انت مش متخصص!

 بلاش تعلم ابنك الانجليزي

بلاش تعلم ابنك الانجليزي في سن صغير لو انت مش متخصص    لا تعلم طفلك اللغة الإنجليزي مبكرا   لماذا لا ينبغي أن تعلم إبنك لغة إنجليزية أو أجنبية هو وصغير؟   احمد ابو زيد وليه ماتعلمش ابنك انجليزي وهو وطفل ؟    تجربة عمر عبد الرحيم في تعليم ابنه اللغة الإنجليزية؟    تجربة كريم السيد في تعليم اولاده اللغة العربية؟

امتى تبدأ تعلم ابنك اللغة الإنجليزية؟

    لا تعلم طفلك اللغة الإنجليزي مبكرا.             لماذا لا ينبغي أن تعلم إبنك لغة إنجليزية أو أجنبية هو وصغير؟        احمد ابو زيد وليه ماتعلمش ابنك انجليزي وهو وطفل ؟.           تجربة عمر عبد الرحيم في تعليم ابنه اللغة الإنجليزية؟.        تجربة كريم السيد في تعليم اولاده اللغة العربية؟

 دا اللي هنعرفه سوا في المقالة دي.

المقالة هي عبارة عن تفريغ لحلقة فيديو عملها احمد ابو زيد صاحب قناة دروس اونلاين هتلاقي لينك الحلقة ولينك القناة في اخر المقال 🤗

بيحكي ابو زيد بأنه حصله حالة من الذهول والصدمة لما شاف أحد البرامج على التلفزيون اللي بتعمل تجارب مجتمعيه مع الناس في الشارع، المذيع كان بيسأل الأطفال عن الحيوانات يعني أسمائهم وكدا باللغة الإنجليزية الغريب أن الطفل من دول كان يجاوب عادي ويقول اسم الحيوان اي بالإنجليزية وباكسنت ممتازه .

بس لما كان المذيع يحب يعرف اسم الحيوان دا اي باللغة العربية كان بيحصل نوع من الصمت عند الأطفال اللي هو احنا مش عارفين اسمه بالعربي احنا نعرف اسمه بالإنجليزي وبس 🤦🏼‍♀️.

ودا ينبهنا لخطورة أننا نعلم أطفالنا الانجليزية في الصغر بجانب اللغة الأم وأن الموضوع يستحق التركيز والتمعن فيه لأنه مهم ولا يجوز أننا نستسهله.

لأن دا بيؤثر علي هوية وانتماء وافكار الطفل وفي بعض الأحيان ممكن جدا يؤثر علي دينه.

متي تكون الانجليزيه مهمه للطفل ؟

مافيش ادني شك أن تعليم الأطفال اللغة الانجليزية مهم ومهم جداً وخصوصا في وقت العلم كله متوفر باللغة الإنجليزية وأنك لو عايز تضمن تعليم صح لابنك فلازم تضمن انك تؤهله لمعرفة اللغة الانجليزية وازاي يتكلم ويتعامل ويدرس بيها.

ولكن متى تبدأ في انك تعلم ابنك اللغة متي تحرص علي تعليم ابنك اللغة؟

فيه نظرية بتقول أنه كل ما بدأت تعليم الأطفال اللغة الإنجليزية في سن صغير كل ما كان دا أفضل، ودا لإن القدرة الاستيعابية للطفل في السن الصغير بتكون عالية جدا.

ودا اللي عمله عمر عبدالرحيم مع ابنه علاء في تعليمه للغة الإنجليزية. قناة عمر عبد الرحيم

تجربة عمر في تعليم ابنه الانجليزيه

عمر عبدالرحيم بيقول أنه لما حب أنه يعلم ابنه اللغة الإنجليزية عمل بحث في مصادر كتيره، ولقي أنه اللغة عند الطفل لازم ترتبط بشخص معين شخص واحد.

وانه مش حلو ليك أو لابنك لو انت حابب تعلمه اللغة انك تربطها عنده باكتر من شخص يعني لو بتتكلم عربي انت وزوجتك وحابب تعلم ابنك الانجليزي جنب العربي ماينفعش انتوا الاتنين تكلموه عربي وانتوا الاتنين بردوو تكلموه انجليزي، لكن الصح أن كل واحد فيكوا يكلمه بلغة شاطر فيها انت مثلا في الإنجليزي كلمه انجليزي وبس والمدام تكلمه عربي بس.

عشان يقدر الطفل أنه يربط الأشياء مع بعضها بصورة صحيحة.

ودا اللي عمله عمر عبدالرحيم مع ابنه علاء .

لكن عمر وضح في الفيديو أنه حاله خاصه مش بس لأنه عارف الانجليزيه بشكل سليم وكويس لا كمان لأنه بيعلم الانجليزيه وعارف كتير من خبايا اللغة وطرق التدريس يعني هو عنده الخبرة الكافية اللي تساعده في التعامل مع ابنه بشكل صحيح، ومش من الصح تعميم تجربة عمر عبدالرحيم على كل الأطفال.

المستفاد من تجربة عمر عبد الرحيم

اللي عرفناه من تجربة عمر أن الطفل كل ما اتعلم اللغة في سن صغير كل ما اتقن اللغة دي بشكل أكبر وأسهل.

و دا بيرجع إلى المرونة العصبية اللي بتتمتع بها دماغ الطفل، فالطفل لديه مرونة كبيرة جدا في تكوين الخلايا والروابط العصبية.

ولكن هل دا معناه أن الأطفال الأكبر سنا، زي اللي في سنة العاشرة مش هيقدروا يتعلموا اللغة الإنجليزية؟

الاجابة بشكل قاطع لا ، وعشان كدا لازم نفرق بين مصطلحين تعلم اللغة واكتساب اللغة .

اي الفرق بين تعلم اللغة واكتساب اللغة ؟

التعلم بيكون بشكل واعي يعني اللي ليتعلم عارف أنه بيتعلم على عكس اكتساب اللغة الذي بيحصل بشكل غير واعي ودا في حالة الأطفال الصغار.

طيب هل تعليم اللغة بنقابل دايما بصورة ناجحه؟ يعني هل كل اللي بدأ يتعلم اللغة أو يعلم ابنه اللغة نجح في كدا ؟ الاجابه طبعا لا ،ودا ما اللي حصل مع كريم السيد.

تجربة كريم السيد في تعليم اولاده اللغة الانجليزية ؟

كريم متزوج من امرأة أجنبية وكان نفسه يعلم اولاده اللغة العربية لأنها لغته الأم ولأنه فخور بيها، لكن لما بدأ لاحظ وجود تأخر في الكلام عندهم مقارنة مابينهم وبين الاطفال العاديين اللي في سنهم.

عمل اي كريم ؟

طبيعي أنه خاف على أولاده ، ولما استشار متخصصين قالوا ليه أن فعلا بعض الأطفال ممكن يحصلهم لبس في التعلم يجي عليهم بالسلب اللي متمثل هنا في تأخر النطق لما الأطفال كانوا بيتم التعامل معهم أو التحدث إليهم باللغتين العربية والإنجليزية.

 بس الغريب في الموضوع أن “أيان” ابن كريم السيد لما جاء لمصر وذهب إلى مكان متخصص عشان يتعلم اللغة العربية لغير الناطقين بها، قدر يتعلمها في شهرين فقط!

ودا بيوضح أنه حتي لو الأطفال بيتعلموا أسرع من غيرهم، ف البالغين عندهم القدرة على التعلم الواعي أفضل بكتير من الأطفال،وانه حتى لو كان اكتساب اللغة أفضل عند الأطفال، لكن في النهاية الوعي مهم جدا!

فالإنسان البالغ بيتعلم أسرع بكتير من الطفل، ولكن الأطفال على الرغم من المدة الطويلة اللي بياخدوها في اكتساب اللغة إلا أنهم بيتقنوا اللغة أكثر من البالغين.

قناة كريم السيد من هنا

الخلاصة

مافيش سن معين لتعليم الأطفال اللغة الإنجليزية أفضل من غيره،وانك تتعلم أو تعلم ابنك لغة تانية دائما متاح وفي أي وقت، وانه على العكس تماما، التعلم في الكبر يكون أسرع بكتير من التعلم في الصغر لانه بيكون تعلم بوعي .

كمان من المهم انه لو حابين نعلم اللغة للطفل أننا نراقب الثقافات والأفكار اللي بتتسرب لعقله مع اللغة نفسها.

عشان كدا من المهم أن ابنك يتقن لغته الأم اكتر من تعليمه لغة أخرى.

وبعد اتقانه للغته الأم أيا ما كان السن اللي أتقنها فيه، بيكون جاهزا عشان يتعلم لغة تانية بعد ما يكون عرف لغته الأم واخد ثقافته وأفكاره منها.

كدا احنا خلصنا هتلاقي

لينك الفيديو هنا

ولينك قناة ابو زيد هنا

مقالات مقترحة

ودي مواضيع حابة اني اقترحها عليكوا هتفيدكوا في تعلم اللغة الانجليزية ولغات تانية

  • ازاي تحسن مهاراتي القراءة والاستماع هنا
  • كورس power english لتعلم الانجليزيه من هنا
  • افضل تطبيقات الترجمه والعمل مترجم من المنزل هتلاقيها هنا
  • أهم تطبيقات الترجمه من الموبيل هنا
  • أفضل ٢٠ قناه لتعلم الانجليزي علي اليوتيوب من هنا

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -