القائمة الرئيسية

الصفحات

                      اسباب الفشل والنجاح في يومك 

نومك ملغبط، أكلك ملغبط، وتايه . 

وفوق كل ده عندك حاجات كتير من امتحانات او شغل وغيره وغيره... 

فبدأت تحس ببوادر اكتئاب، انطفاء، ضغط نفسي. 

ولو سألتني إيه السبب... 

- هقولك بُص علي أول جملة! 

بصيت ؟ 

- يبقي السبب في كل اللي انت فيه ده، هي لغبطة النوم وده أثر علي مزاجك النفسي . 

هنتعلم 

عبارات عن الفشل والنجاح 
أسباب النجاح والفشل في الحياة 
أسباب النجاح والفشل 
الفرق بين الفشل والنجاح  
تعبير عن الفشل والنجاح 
أسباب التفوق والنجاح 
الفشل طريق النجاح 
ما هي عوامل النجاح في الدراسة 

واللي زاد الطين بلة، إنك عندك فعلا حاجات كتيييير جدا محتاج تبدأ فيها وتخلصها؛ وده اللي مسببلك احساس التوهان. 

كده أنت حطيت إيدك علي نقطة المشكلة. ♥✊

(أنا ورايا حاجات كتير ومزاجي سيء وعايز أبدأ بقا عشان مينفعش أضيع وقت). 

طب وإيه الحل؟ 

انا هقولك الحل... بس تنوي دلوقتي حالاً إنك هتبذل مجهود عشان تطلع من الزون ده. 

نويت تبدأ بجد؟ 

طب يلا بينا هقولك الخطوات 💪

١- ظبط نومك✅

تظبيط النوم معناه انك تنام كل يوم في نفس الوقت مهما كان الوقت ده إيه. 

وإنك متنامش أقل من ٦ ساعات، عشان قدراتك الابداعية متقلش. 

ولا تنام أكتر من ٨ ساعات عشان متحسش باكتئاب. 

ولو عايز تنام بدري وتصحي بدري قدامك طريقتين :

الطريقة الاولي - انك تطبق النهاردة وتسهر لغاية بكرة، وتنام بكرة الساعة ٩ وتصحي الفجر. 

الطريقة التانية - انك تقلل كل يوم نص ساعة من معاد نومك ونص ساعة من ميعاد صحيانك. 

٢- استخدام الفون ✅ 

انا مش جاية من كوكب تاني عشان اقولك اقفله خالص -مع ان في غيرك بيعمل كده - بس انا عارفة ان اغلب الناس دلوقتي شغلها علي الفون ومحاضرتها علي الفون، فهطلب منك طلب واحد! 

- ممنوع تمسك الفون بعد ما تصحي، وممنوع تمسكه قبل نومك بساعة كاملة! 

يبان الموضوع ملوش أهمية بس جرب كده تصحي من نومك ترتب سريرك وتتوضي وتصلي وتخلص اهم حاجة من اللي عليك (وليكن مثلا تذاكر فصل) . 

- صدقني دي وصفة جبارة عشان تتفوق علي نفسك وتحقق اهم حاجة عندك في بداية اليوم. 

٣- التغذية السلمية ✅ 

- افطر بدري، وخلي فطارك مفيد "جبنة ، بيض مسلوق، عسل، خيار".

- كل مكسرات كل يوم عشان ذاكرتك. 

- اوميجا 3 من الصيدلية وخد كل يوم واحدة بعد الفطار. 

- اعمل رياضة خفيفة لمده عشر دقايق كل يوم. 

- اشرب علي الاقل ٢ لتر في اليوم، المخ بتاعك بيتأثر بالجفاف تأثير سلبي، فقاوم التأثير ده بالماية. 

٤- اشحن نفسك ✅ 

صدقني لازم كل يوم تشوف فيديو تحفيزي علي اليوتيوب يدخلك في مود الشغل والمذاكرة. 

اتعلمت في كورس التحفيز واللي كتبت مقال عنه قبل كده ان التحفيز ده زي البنزين وانت

التانك. 

محتاج تتحفز كل يوم 🔥

عندك دروس اونلاين. 

- اسلوب. 

- علي محمد علي.  

- نور عرفة.

-سلمي حمادو

وغيرهم وغيرهم 

٥- اعمل خطة ✅

-شوف لسة كام يوم علي امتحاناتك وليكن مثلا ٢٠ يوم. 

- شوف اي المواد المهمة والمواد اللي مش مهمة. 

- ذاكر بتركيز وليكن قراءة سريعة لكن بفهم وتركيز شديد. 

- قلل اوقات الترفيه واضغط علي نفسك انك تخلص كل يوم جزء لا بأس بيه من كل مادة. 

- كل يوم اعمل to do واكتب... 

هذاكر النهاردة كذا وكذا، وان شاء الله هخلصهم. 

وخليك فاكر... 

لو هم أحدكم بإزالة جبل لأزاله ✊

مهما كان الوقت لسة، فانت مش متأخر، بس ابدأ من النهاردة. 

ابدا من اللحظة دي واقعد رتب حياتك. 

عايز توصل لحاجة معينة... ادفع تمنها.

إذا لم تدفع الثمن فلا تشتكي من عدم حصولك علي ما تريد.

تحميل مكتبة الاسكندرية كلها فى بيتك

https://bit.ly/2XZkhOh

اتعلمنا 

أسباب النجاح والفشل في الحياة 
أسباب النجاح والفشل 
الفرق بين الفشل والنجاح  
تعبير عن الفشل والنجاح 
أسباب التفوق والنجاح 
الفشل طريق النجاح 
ما هي عوامل النجاح في الدراسة 
author-img
نسعي بإذن الله لمساعدة الجميع وتوفير بيئة تعلم متميزة لاكتساب مهارات مايكروسوفت اوفيس بمنهج معتمد والمهارات السلوكية وتطوير الذات وايضا تعلم المهارات الحياتية الازمه لعقل سوى ومطور وايجاد الوظيفه المناسبه للجميع وتلبيه احتياجات الجميع باذن الله

تعليقات