أخر الاخبار

كيف تغير حياتك للافضل وتطور من نفسك

كيف تغير حياتك للافضل وتطور من نفسك 



هنتعرف علي تغير حياتك ...

عادات يومية تغير حياتك
كيف تغير حياتك بالاستغفار
قواعد تغير حياتك للأفضل
كيف تغير عقليتك
كيف تغير نفسك من الداخل
كيف تغير شخصيتك
كيف تغير نفسك للأفضل
أفكار تغير حياتك

️أذاي تغير حياتك للأفضل وتطور من نفسك؟ 

ناس كتير عايزه تتغير ومش عارفه تبدأ أذاي وناس كتير بتحس إن حياتها متلغبطة جدًا ومفيش أمل إن حياتهم تتحسن التمسك بالشخصية النموذجية وخاصةً عند النجاح في شيء ما لأن تصرفات الشخص تصبح تحت ملاحظة الآخرين ومراقبتهم، ولذا يجب المحافظة على الصورة الذاتية لديهم ومحاولة عدم تخييب ظنهم فلو أنت من الناس دي فالبوست ده ليك 👌
                    ـــــــــــــــــــــــــــ
🔵أول حاجة لازم تعملها واللي أنا بشوفها أهم حاجة إنك تبدأ التغيير من جواك تبدأ من أهم نقطة وهي قلبك  ❤ أبدأ نظف قلبك من الحقد والحسد ومن كل الحاجات السيئة اللي مالية قلبك ربنا -سبحانه وتعالى- بيقول في سورة الرعد:(إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ) يعني لو غيرت اللي في قلبك من حاجات سيئة لحاجات أفضل ومليته بالخير ربنا هيغيرلك حالك للأحسن. 
🔴تاني حاجة وهيا الأهتمام بالروح و محدش يقولي هبدأ أطور من نفسي وهبدأ التغيير من غير غذاء الروح وغذاء الروح في القرب من ربنا ابن القيم بيقول في مدارج السالكين:( لا صلاح للنفس إلا بإيثار رضا ربها ومولاها على غيره) 
راجع نفسك مع العبادات لو مكنتش بتصلي ابدأ صلي وأحفظ قرآن ولو كل يوم آية، تصدق، أتعرف على دينك واسمع فيديوهات دينية وافتكر ديمًا (من وجد الله فماذا فقد ومن فقد الله فماذا وجد)  ❤

⚪المحيط:

 الناس اللي حواليك ليهم تأثير كبير عليك بالإيجاب أو بالسلب فلازم تفلتر الناس دي، ابعد عن الناس اللي معندهمش أي أهداف في حياتهم، الناس اللي ديمًا بتحبطك وتقلل منك، الناس اللي السلبية بتجري في دمهم، أبعد عن لصوص الأحلام وحاول تتعرف على ناس جديده ناس إيجابية، ناس تساعدك✔️. 
المحيط مش مقتصر بس على الناس لأ كمان شامل كل حاجة أنت بتتعامل معاها يوميًا ذي موبيلك مثلًا📱 فلتر كل حاجه فيه امسح أي حاجة بتشدك للقاع ومش هتعليك امسح اي حاجة ملهاش لزمة فيه وأدخل على حساباتك في السوشيل ميديا وأعمل unfollow لكل الصفحات والأشخاص اللي ضررهم أكتر من نفعهم لكل حاجة هتسحب وقتك⏳ بدون أدنى فائدة. 

⚫نظف مخك:

 ابعد عن السلبية انسف كل الأفكار السلبية اللي بتجيلك 🗯 متسمحش لأي فكرة سلبية تسيطر عليك خليك منبع للإيجابية وكل ما تجيلك فكره سلبيه طاردها بأفكار إيجابية لحد ما مخك يبقا تمام 🤸

🔵القراءة📚:

 خليك فاكر إن "قراء اليوم هم قادة الغد"،  من أهم الحاجات اللي هتعملها لو حابب فعلًا تتغير إنك تبدأ تقرأ، كل كتاب هتقرأه هيساعدك بشكل كبير وهيغير في طريقة تفكيرك جدًا ولو أنت مشوفتش البوست اللي كاتبته عن القراءة السريعة هتلاقيه في الكومنتات. 

🔴قدر نفسك: 

قدر نفسك وبطل توصل لنفسك فكرة إنك متقدرش تعمل حاجه وإنك فاشل وإن كل الناس أحسن منك، أرجوك متقارنش نفسك بحد خلي عندك أهدافك الخاصة ومتقارنش نفسك بحد "ليس الطريق لمن سبق إنما الطريق لمن صدق".  أنت إنسان جميل ومبدع بس كسول حبتين ومدام فيه ناس قدرت توصل فأنت كمان تقدر لإن مفيش حد أحسن منك. 
⚪أكتب أهدافك: أكتب على ورق📃 أنت عايز أيه وليه، وخليك عارف إن كتابة الأهداف 🖊📓 مهمة جدًا ✔️ وأبحث على google وعلى youtube عن خبرات الناس اللي قبلك في المجال اللي أنت عايز تبدأ فيه وابحث عن المجال بعناية واتعرف عليه كويس وخد كورسات فيه. 

⚫كلاكيت للمرة المليون 🎬:

 متستعجلش الوصول كلنا بنحاول ونقع ومدام قررت تتغير لازم تعرف إنك محتاج تعافر... هتقع مره واتنين وتلاته وعشره فاوعا تيأس. 

🔵عيش اللحظة:

 في ناس عايشه في الماضي ومش قادره تفهم إن الماضى فات ومش هينفع نغيره نقدر بس نستفيد منه لو أنت حابب تتغير فعلًا فكر في اللحظة دي وبس خليك في الحاضر. هكلمكم في البوست اللي جاي بإذن الله عن أذاي تعيش اللحظة وتنسى الماضي ومتخفش من المستقبل فخليك متابع. 

⚪ابني عادات جديدة: 

في البداية ابدأ بحاجات صغيرة وبسيطة وكافئ نفسك عليها وده بدوره هيساعدك إنك تحب التغيير وتكمل🎯🏋. 
#دعاء_القناوي
#معًا_لنصنع_التغيير

تعرفنا علي تغير حياتك...

عادات يومية تغير حياتك
كيف تغير حياتك بالاستغفار
قواعد تغير حياتك للأفضل
كيف تغير عقليتك
كيف تغير نفسك من الداخل
كيف تغير شخصيتك
كيف تغير نفسك للأفضل
أفكار تغير حياتك

كورس power english لتعلم الانجليزيه
https://bit.ly/3qlUoDZ


تعليقات



حجم الخط
+
16
-
تباعد السطور
+
2
-