الجزء الاول : تطوير الذات : 22 فكره عمليه لتطوير نفسگ لكي تكون الشخص الذي تريده؟
.png "22 tricks to improve yourself, part one")
لو انت شخص حابب تطور من نفسك، وبتسأل نفسك كل يوم ازاي اتغير؟ ازاي احسن من نفسي؟ ازاي اطور من شخصيتي.؟
لو انت الشخص دا، فأهلا بيك في عبدالرحمن اكاديمي اكاديميه تعليمه ب تفيدك في تنميه شخصك من كل المجالات.
دايماً في حاجه او حاجات في نفسنا بنحب اننا نطورها ونمينا، ودا لان الموارد البشرية وامكانياتنا كبشر مالهاش حدود.
عشان كدا من المستحيل إننا نوصل لنقطه اللانمو، لأنه طبيعتنا كبشر بتنمو بتدخل مننا او بدون تدخل حتي.
عشان كده جمعنا ليك 22 فكره تقدر تطور بيهم من ذاتك، هتلاقي فيهم افكار بسيطه بالنسبه ليك تقدر تبدأ فيها من دلوقتي ، افكار مش هتحتاج منك مجهود كبير، وهتلاقي أفكار تانيه بحتاج منك لوقت ومجهود واستمراريه عشان توصل لنتيجة تعجبك وتبقي راضي عنها.
تحمست صح؟ وانا كمان متحمسه اني اقولك علي الأفكار دي. يلا بينا. 🏃🏃🏃
1/ اقرأ بشكل يومي :
القراءة مهمه جدا لانه " بمجرد أن تتعلم القراءة ستكون حراً للأبد"
القراءة بتنمي عقلك والوصلات العصبيه المسؤلية عن المعرفه، والربط بين المعلومه والتانيه.
كل ما تقرأ اكثر كل ما تزيد حكمه، وتحسن التعامل مع المواقف والازمات اللي بتتعرض ليها.
ولأن القراءة فن فينبغي عليك تختار ما تتعرض له من مؤثرات قرائيه، لتميز بين ما هو مفيد فتقتنص المزيد منه وبين ما هو ضار فتبتعد عنه.
نصائح لك أثناء القراءة :
ثبت وقت للقراءة :
تثبيت الوقت بمثابة الداعم الخفي لك فيما بعد لكي تقرأ وتستطيع أن تنغمس في قراءاتك.
اقرا بصوت عال :
حينما تقرأ بصوت عالي فالمعلومه تصل للاوعي الخاص بك بطريقتين مختلفتين مره عن طريق حاسه السمع والاخري عن طريق حاسه البصر.
ودا ممكن يساعدك علي التركيز بشكل اكبر أثناء القراءة وكذلك يساعدك علي تثبيت ما تقراءه من معلومات بشكل اكثر فعاليه.
شارك معلوماتك :
عندما كنت صغيره كنت احضر في حصص الالعاب حصص اخري للمدرسين المفضلين بالنسبه لي و كان من المثير ان اسمع شرح مختلف لنفس الدرس من نفس المعلم الذي سبق ولقن لي هذا الدرس في فصلي، كان هذا يثير دهشتي، واعتقد انك كذلك، اتعلم ما السر؟
السر يا صديقي في المشاركه، كلما شاركت ما تعلمته من معلومات كلما رسخت في عقلك المعلومه بل وزادت قدرتك علي توصيلها باكثر من شكل وزادات قدرتك كذلك علي الربط بينها وبين غيرها من المعلومات سواء في نفس المجال الذي تهتم وتقرأ او في مجال اخر تقرأه من باب العلم بالشيء.
تخير مجال واختار مجالات :
بمعني ان قراءتك ماينفعش تنحصر في نوع واحد او اتجاه واحد من المعرفه، وماينفعش انها تكون مبعثره علي كل المجالات.
اهتم بمجال واحد اهتمام بجد واقرا فيه كنوع من التخصص، واهتم ب مجالات تانيه يعني اعرف كل شيء عن شيء وشيء عن كل شيء.
اختار ما تقرأ بعنايه :
كلمتك فيها النقطه دي فوق، بس حابه اوضح حاجه، لو انا فعلت النيه قبل القراءة انها لله وانها للعلم عن الله ومن الله، وانه يارب انا اقرا لكي ازداد علم وازداد معرفه وتأمل وإيمان بيك، دا هيكون ليه اثر كبير وايجابي علي نوعيه ما تقرأ، هتفكر بدل المره الف ومليون، هل قراتي دي هاخد عليها حسنات وزياده في الدراجات وربنا يكون راضي عنها، ولا القراءة دي مش هتكون الا سبب في اني امليء عقلي بالتفاهات وكل ماهو ليس مفيد وهتكون سبب الحسره والندم بعد كدا "سيئات"، .
الموضوع يحتاج منك وقفه، فتأمل.
مالي اري أمة اقرأ لا تقرأ :
كمسلم، لا يجوز لك انك تبقي عالم في كل امور الحياه وتقرا في كل المجالات واي مجال يستهويك ولا تعطي القرآن من بعض وقتك.
القرآن هو سلاحك في القبر، فهل رأيت محارب يدخل الحرب خاوي اليدين، مالي اري قبورنا خاويه من قرآننا.
2/ تعلم لغه جديده :
تعلم اللغات واحده من اكتر طرق تطوير الذات، انك تتعلم لغه جديده انت بتدخل عالم جديد، بتعيش ثقافه جديده، اللغه مش مهمه بس عشان تعلي من علاقاتك، وفرصك الوظيفيه تبقي افضل، اللغه مهمه ليك في زياده ثقتك بنفسك.
وعلي فكره اللغه او تعلم لغه جديده او اكتر من الحاجات اللي تقوي الوصلات العصبيه، وبتاخر او تقلل نسبه اصابتك بالزهيمر.
فاتعلم لغه.
ودي مقالات لتعلم للغات لو حابب تاخد فكره :
- اهم مصادر تعلم اللغة الألمانية هنا
- لتعلم الانجليزيه تجميعه مميزه هنا
- ازاي تحسن لغتك بدون مجهود هنا
- افضل كورس لتعلم اللغه الاسبانيه من هنا
- افضل المواقع لتعلم اللغه الفرنسيه وتحميل المواد العلميه مجانا من هنا
3/ ابدا كورس جديد :
في كتير كورسات ودورات في مجالات كتيره تقدر تأخدها وتثقل مهاراتك من خلالها سواء اوف لاين او اون لاين، دا غير اننا في عصر التكنولوجيا والانترنت اللي معظم المصادر عليه بقيت متاحه وببلاش.
وحتي لو بفلوس فمجرد استثمارك في كورسات او دورات تدريبية لشخصك او ابنك استثمار نتيجته مضمون وهيجي منه.
كمان لو غاوي مجال معين تقدر تستفيد من الكورسات اللي علي النت، وتحول المجال دا لمصدر رزق ليك ، بالشكل اللي يناسبك.
فاتعلم من دلوقت!
دي مقالات بتوفر ليك كورسات تفيدك؟
- كورس السوشيال ميديا من فيس بوك من هنا
- كورسات ادوات التسويق الالكتروني من يودستي هتلاقيه هنا
- افضل كورس تسويق SEO من مؤسسة الملكة رانيا هنا
4/ اتعلم مهاره جديده ليك :
معظمنا مش عارف هو متميز في أي، وكون انك تقرر انك تتعلم مهاره جديده من فتره للتانيه كفيل انه يخليك تعرف نفسك بشكل اكبر، وتلاقي الأنا بتاعك بشكل صح.
وعشان تتعلم شيء جديد يضيفليك لازم لازم انه " أن تمد نفسك في جوانب مختلفة، سواء جسديًا أو عقليًا أو عاطفيًا."
لو انت ولد او بنت ممكن تجرب الرياضه كمهاره جديده هتفيدك علي الصعيد البدني، وممكن تتعلم البرمجه او اي علم من علوم التكنولوجيا، ممكن لو بتحب الاكل تجرب تتعلم الطبخ الإيطالي او السوري او اي نوع اكل بيستهويك/ او بيستهويكي.
ولو انتي بنت ممكن تتعلمي فنون الميكب بس في بيتك ي قمر تبدعي وتشخبطي علي وشك بس في بيتك.
المهارات كتيره، قرر انك تتعلم مهاره جديده كل ثلاث شهور مثلا او كل سنه على الاقل. ماتفضلش عايش حياتك كدا.
مهارات ممكن نتعلمها :
5/ غير من شكل اوضتك او غرفتك للأحسن :
طور ونظم من المكان الوحيد اللي بتقدر تنعزل فيه عن العالم الخارجي، حط عبارات تحفيزيه في اوضتك تفكرك بانت عايز توصل لأي، عبارت وجمل تعبر عن انت في المستقبل حابب يكون شكله ازاي.
نظم الاوضه بالشكل اللي يريح عينك وقلبك.
غير في دكوراتها، ومكونات على اد مقدرتك، وبالشكل اللي يطلع كل الايجابيه اللي جواك لأنه " "Your Environment is everything"
6/ تغلب علي مخاوفك :
انت اكيد عارف انت بتخاف من اي، شوف نقط ضعفك وقويها، ايا كانت هي اي، بتخاف من التحدث امام الجمهور اتعلم ازاي تكسر الحاجز اللي بينك وبينه.
بتخاف من المخاطره اتحدي نفسك وخوفك وخاطر، كل مخاوفك هي اللي مخلياك في نفس مكانك ومش قادر تتقدم خطوه.
وخليك عارف ان مخاوفك هي اللي بتعكس المجالات اللي انت ممكن تتطور فيها، ودا لانها تعتبر بوصله بتشاورلك علي الحاجات والاماكن اللي بتحتاج اهتمام... ف رجاء" انتبه.
7/ اصحي بدري / استيقظ مبكرا :
مجرد انك تستقيظ او تصحي ساعه واحده بدري عن معادك، يعني 365 ساعه في السنه أتضافوا لعمرك، انت متخيل 365 ساعه ممكن تستهلكهم في تنميه جانب جديد في حياتك، تتعلم مهاره جديده او تنمي جزء فيك محتاج انه يتطور.
365 ساعه ليك انت وبس تقدر تعمل فيهم اللي انت عايزه، قبل ما دوشه الشوارع وزحمه الالتزامات تمليء يوميك.
365 ساعه بتعيشها في صفاء تستمتع فيهم بنقاء الهواء وبنسمات الشمس الأولي، 365 ساعه يساعدوك انك تبقي اكثر فعاليه وإنتاج. جرب تصحي او تستيقظ مبكراً وتعيش المتعه، ويا سلام لو تصحي تصلي الفجر وتقرأ وردك وكوب قهوه بالبن واقعد في البلكونه وعيش المتعه تأمل وحس اللحظات وهي بتعدي في يومك وهي بتعدي من عمرك عشان تعرف تقدر وقتك وحياتك صح.... جرب تصحي بدري وقولي.
وقبل اي كتب واي مصدر ارشحه او تكون انت قراته خليك عارف آيات الله " {وَجَعَلْنَا نَوْمَكُمْ سُبَاتًا (9) وَجَعَلْنَا اللَّيْلَ لِبَاسًا (10) وَجَعَلْنَا النَّهَارَ مَعَاشًا (11)} [النبأ]
وكمان حديث الرسول صل الله عليه وسلم " «اللهم بارك لأمتي في بُكُورها»
الرسول دعي لينا ب البركه في الوقت دا، الوقت اللي اغلبنا ان ماكانش كلنا بنكون فيه في سابع نومه.
وأخيراً احب ارشحلك كتاب الخامسه صباحاً.
وكدا الجزء الأول من المقال لو حابب تستفيد اكتر كمل الجزء الثاني وهنا الجزء الثالت
ودي مقالات اضافيه احب انك تقرأها.
*كورس اكسيل كامل من البدايه للاحتراف هنا
*منحه ال ITI وزارة الاتصالات هنا
* افضل مواقع تبادل تعلم لغات مباشره مع اجانب مجانا هنا
*كورس بوربوينت مميز مجانا مع تحميل الملفات من هنا
اشوفك في الجزء الثاني من هنا