الجزء الثاني : تطوير الذات : 22 فكره عمليه لتطوير نفسگ لكي تكون الشخص الذي تريده؟
المقدمه :
اتكلمنا في الجزء الأول عن 7 افكار تقدر تطور بيهم من نفسك، اهمهم كانت أقر بشكل يومي واتعلم لغه جديده وخد كورسات.
هنتكلم هنا في الجزء التاني عن افكار من ال 22 فكره ، اللي بجد ممكن يغيروا حياتك.
لو مهتم بالاستفاده ارجع للجزء الاول من هنا.
8/ اكتب رساله ليك تقرأها في المستقبل :
في مواقع كتيره زي فيوتشرمي تقدر من خلاله تبعت رسالة لنفسك بعد المده اللي اتحددها، المفروض أن الرسالة دي بتقولك انت المفروض تبقي وصلت لهدفك الموجود فيها.
مثلا لو قررت انك تخلص المستوي الأول في الانجلش مثلا ممكن تبعت الرساله دي لنفسك علي اساس انها توصلك بعد 3:6 شهور علي اساس دي المده الكافيه ليك، واللي تقدر خلالها تتقن المستوي الأول.
وغيرها تحديات ممكن تبعتها لنفسك في المستقبل بحيث تلاقي حد يقولك ها وصلت لأي يا بطل؟ حد يوقظ الالارم عندك ويفكرك ب أهدافك لو نسيتها او لو تكاسلت.
والحد دا هيكون انت لأن ممكن هدفك يكون سري ومش حابب تعرف حد عنه. كمان ممكن تفكر نفسك بالعادات السيئه، رساله مثلا تقولك مبروك انت قعدت شهر بدون سجاير او تقولك مبروك انتي قعدتي شهر ملتزمه باللبس الشرعي يعني كنوع من التطوير للعادات الايجابيه او كبت ودثر للعادات السلبيه.
وهتلاقي لينك الموقع هنا.
9/ اخرج من منطقة الراحه الخاصه بيك :
عايز تكبر عايز تتطور وتنموا لازم تشتغل وتجتهد، الراحه ما بتسببش غير احساس بمزيد من التعب والركود والندم، لما تلاقي الكل بيتغير من حوليك وانت ثابت محلك سر، مافيش جديد في حياتك عشان ماخدتش خطوه مختلفه عن النمط الأساسي اللي بتعتمد عليه في حياتك. فكدا عمرك ما هتوصل... فكر مع نفسك اي اللي ممكن اعمله يحسسني بالحياه ويحسسني اني مختلف، وان جياتي ليها معني وهدف. خالف عاداتك الراكده واتبع نظام عادات يحسسك بانك انسان.
10/ ضع شخصاً اخر في مواجهه التحدي :
التنافس او وجود روح التنافس ما بين طرفين بيساعد الاثنين في انهم يوصلوا لهدفهم مثلا لو هدفك انك تزيد اوزان او تقل اوزان، لو هدفك انك توصل لمستوى معين في لغه معينه، لو هدفك انك تقرا شيء معين، تتعلم حاجه معينه، عن شيء انت حابب تتعلمه. اختار شخص يكون ليه نفس الهدف بحيث ان انتوا الاتنين تتنافسوا على نفس الهدف واللي يوصل الاول يقول للثاني.
وبالتاكيد كل واحد فيكم هيحاول انه يوصل قبل الثاني ودي نوع من المنافسه الشريفه المرغوبه فيها.
11/ استمر في التركيز مع وضع مهام يوميه:
انك تبدا يومك ب قائمه من المهام او من الحاجات اللي انت عارف انا هتفيدك ده هيساعدك على الانجاز بشكل اكبر. هيخلي يومك مثمر حقيقي، وده كتير مننا بقيي يلاحظه في الايام اللي بيتخلى فيها عن المفكره اليوميه بتاعته، اللي بيتخلى فيها عن وضع اهدافه.
اليوم بيتسرسب منه كده بيخلص من غير ما يكون انجز في شيء. احساس ان اليوم انتهى وانا ما عملتش شيء بيكون مؤلم. واكيد كلنا مرينا بالاحساس دا وما حبناهوش.
كنت قرات مقوله بتقول فيما معناها" لو انت ما مشيتش يومك زي ما انت عايز يومك هو اللي هيمشيك زي ما هو عايز. "فضروري جدا ان يكون عندك قائمه مهام اوتو دولست TO Do List عشان تقدر تحس في اخر اليوم كده براحه اتجاه شيء انت انجزته. شيء يخليك راضي عن يومك وعن نفسك ولو بنسبه 1%.
ودلوقتي في كتير برامج وكتير طرق هتساعدك او تقول لك ازاي يبقى عندك قائمه مهام تتناسب مع شخصيتك مع ضغوطات حياتك مع مسؤولياتك تقدر تستعين بيها في تحسين جوده يومك.
12/ تعلم من أصحاب الخبرات الذي تهتم بهم :
كلنا في حياتنا اشخاص مهتمين بنتابعهم بشكل مستمر، بنتمنى كده نكون مكانهم يمكن عشان اهدافنا مشتركه. الهدف اللي انا عايز احققه الشخص ده حققه قبلي. الاشخاص دول مهم جدا ان نتعلم منهم من خبراتهم، من تجاربهم من اخطائهم ونجاحاتهم.
احيانا المتابعه الصامته واني اسمعهم بيكون غير كافي. يلزمه تطبيق. فضروري اني احاول اخد خطوه عشان اطبق عشان اوصل. كمان لو في فرصه اني اتواصل مع الاشخاص دول ويكون في بيننا حلقات نقاش اسال عن الاشياء اللي بتدور في ذهني، الحاجات اللي ممكن تكون عندي ملهاش اجابه واضحه، دا هيكون كويس جدا وهيخدمني في اني اتعلم بشكل افضل، اسرع.
الاشخاص دول ممكن يكون اب اخ صديق أو حد انا ما اعرفهوش. علاقات سطحيه، ممكن يكونوا اصحاب قنوات على اليوتيوب مثلا ماليش علاقه بيهم . ايا كان. الناس اللي سبقتني في مجال معين ايا كان ايه هو طالما هو نفس مجالي ونفس اهتماماتي لازم ان انا انهل من خبراتهم و معرفتهم.
13/ تجنب المحبطين :
زي ما بيقول جيم رون،
"أنت متوسط الأشخاص الخمسة الذين تقضي معظم الوقت معهم"
مهما حاولنا اننا نكون ايجابيين لازم لازم هنقابل ناس سلبيين، عندهم من الطاقه السلبيه ما يكفي لكبتنا واحبطنا وانه لا الشيء دا انا مش هقدر اعمله انا مش هقدر اني انفذه. الناس دول لازم لازم ماخليهمش في حياتي. طبعا مش في كل الاحوال بقدر ابعد الناس دي عني واخلي العلاقات ما بيني وبينهم محدوده؛ لان ممكن يكون في صله قرابه قويه ما بيني وبينهم في الحاله دي انا مش هينفع اني اقطعهم لأن ديني بيؤمرني بصلة القرابه او صلة الرحم، في الحاله دي الوعي بتاعي لازم يدرك ان ايا كان الكلام اللي انا هسمعه ما تاثرش بيه.
انا اه اسمع، اتكلم، اهز راسي كاني بقول حاضر للشيء السلبي ده، لكن ابقى عارف في قرارة نفسي ان الشيء ده ممكن يعطلني عن كتير حاجات انا عايزها.
فلو انت تقدر انك تحط حاجز ما بينك وبين الاشخاص السلبيين حط، ولو ما تقدرش عشان العلاقات قويه ك صلة القرابه وانه عشان ما يبقاش قطيعه للرحم لازم اشغل الوعي بتاعي.
14/ ابدا ب كتابة مذكراتك :
يمكن يبان الموضوع كوميدي شويه، اللي هو يعني انا حياتي فيها اي اكتبه في مذكرات؟، لا حضرتك حياتك فيها كتير وانك تبدأ تكتب مذكراتك ولو بشكل مبسط هتفتح بصيرتك علي طريقة فكرك وتفكيرك علي مدي استغلالك لحياتك ووقتك، علي اي الأشياء اللي انا بعملها في حياتي بستفيد منها وتستحق اني اكمل فيها واي الحاجات اللي بعملها ومش بستفيد منها بل وبحرق وقتي في اللا شيء.
الكتابه بشكل يومي هساعدك تعرف نفسك اكتر.
كدا قولنا سبعه افكار كمان تساعدك انك تطور من نفسك ودا كان الجزء الثاني الجزء الاول هتلاقيه هنا واستنوا الجزء التالت هنا