5 ادوات مجانية لنجاح خطتك التسويقية

لا اخُفيك سراً صديقي القارئ
لن تنجح في إدارة خططك التسويقية ولا حملاتك التسويقية على اي منصه تسويق دون استخدام افضل أدوات التسويق الألكتروني المجانية والمدفوعة واللي بعتبرها هي سلاحك الفعال في جلب العملاء وفي تحليل المنافسين ودراستهم وفي الحصول على بيانات دقيقة جداً.
وهنا يُطرح سؤال ايه هي الأدوات اللي تساعدني في إني انجح بالخطة
التسويقية بتاعتي وكمان حملاتي الأعلانية؟!
متقلقش ياصديقي انا عامل البوست ده مخصوص علشانك مش هسيبك لوحدك😉
ببساطة شديدة جمعتلك أكتر الأدوات استخدماً في 2022 ومازلت..

1-أداة تحليل المواقع والاحصائيات Google Analytics

وهي ببساطة أحد ادوات التسويق الأساسية وأداة سهلة الأستخدام وواحدة من افضل ادوات التسويق الالكتروني وأكثرها شيوعاً واستخداماً في تحليل المواقع الإلكترونية وفي الحصول على نتائج موقعك، اللي من خلالها هتقدر تتعرف علي  كل ما يتعلق بإحصائيات موقعك بداية من معرفة كامل التفاصيل والمعلومات والبيانات المتعلقة بزوار موقعك من حيث مكان إقامتهم، ومعرفة أعدادهم، وما هو الجهاز المستخدم في تصفح موقعك هل هو كمبيوتر أم هاتف محمول.
ومن مميزتها هو انها هتساعدك في تطوير محتوى موقعك وهتساعدك في معرفة أكثر الكلمات التي استخدمها الزائر في عمليات البحث وبكده اقدر اقولك انك هتنجح في تحليل محتواك وهتتعرف على نقاط الضعف في محتواك ومقالات موقعك.
   
2- أدوات استخراج الكلمات المفتاحية (المجانية + المدفوعة)

وهنا ياصديقي في اكتر من أداة تقدر تشتغل بيها زي:
Uber suggest-1 أداة استخراج الكلمات المفتاحية
Kw finder-2 أداة الحصول على الكلمات المفتاحية
3- الأداة الشهيرة زي (المو صلاح) عندنا😄 للحصول على الكلمات المفتاحية keyword tool
4 - أداة Google Ads Keyword Planner
 
3- أداة تحليل العناوين Co Schedule Headline Analyzer  

هي أحد افضل أدوات التسويق الإلكتروني وأكثرها استخداماً وتميزاً في تحليل عناوين المقالات والمدونات التي تقوم بنشرها عبر موقعك الإلكتروني حيث تساعدك على الابداع في اختيار العناوين بشكل صحيح.
 
4- أداة البريد الإلكتروني MailChimp

وهنا ياصديقي تقدر تعمل عظمة حرفيا لأنك تقدر تبعت لأكتر من 10000 ايميل بسهولة وبتصاميم مميزة؛ ولو حابب انك تعلي بالليفل شوية هتشترك وأسعارهم كويسة جدا وفي عروض كتير بيعملوها.
 
Tweet deck-5

ببساطه بتعتبر كأحد افضل أدوات التسويق الإلكتروني ومن أفضل أدوات إدارة عدة حسابات على موقع تويتر لأنك ممكن تعتبرها السكرتيرة اللي بتساعدك في عمليات النشر والجدولة واختيار الهاشتاج ومتابعة الرسائل والردود وكمان هتعرض لك اشهر الهاشتاجات.
 
6- أداة Canva

الحقيقة انا بعتبرها المصمم الخاص بتاعك اللي دايما هتلاقيه واقف معاك ويسد
واسمحلي اقولك انك هتقدر تصمم وتعدل وتعمل كل اللي نفسك فيه حتي لو معندكش خبرة كافية في مجال تصميم الديزينز وكمان الأداة مجانية.
 
موضوعات المقال 
نموذج خطة تسويقية جاهزة 
نموذج خطة تسويقية لمشروع عقاري
نموذج خطة تسويقية جاهزة 
خطة تسويقية لمكتبة
خطة تسويقية لمنتج
خطة تسويقية لمطعم 
خطة تسويقية لمصنع
خطة تسويقية لشركة

7- أداة Facebook audience Insights

أحد أكثر الأدوات تميزاً في عمليات التسويق عبر فيسبوك لأنه هيساعدك على وضع خطة لحملة إعلانات فيس بوك كمان هتساعدك على استهداف العملاء من حيث البلد والاهتمامات والعمر والفئة والمكان.
(عظمة والله).
ازاي علمت optimization للكامبين دي والخطوات اللي مشيت عليها
اولا الميزانية بتاعتي مكنتش زيادة عن
العادي بشكل "كبير"، وبدات ازود البادجت بتاعتي بشكل تتدريجي.
ثانيا
Targeting كنت مخلي استهداف الجمهور بتاعي Fair ،
وبكده اديت فرصة للفيس بوك انه يوصل لاكبر عدد من الناس ليها نفس الاهتمامات اللي
انا محددها.
 
ثالثا وهي حاجه مهمة جدا جدا جدا، في اول فترة الاعلان بعد ما يبقي Approved لاقيت في الAd Set  الإعلان Learning  و في المرحلة دي الفيس بوك بيدرس الاعلان و بيشوف تفاعل الجمهور اللي انت مستهدفة مع الإعلان وكانت تكلفه الأعلان عالية وبدات تنزل اول لما الفيس بوك طلع من Learning وبدا يفهم طبيعه الجمهور بتاعي .(علشان كده بلاش تقفل الإعلان لو لاقيت التكلفة عالية في المرحلة دي)
رابعا Ad Placement انا كنت فاهم Placement وعارف هعرضه فين، لكن لو انت لسه اول مره وبتشوف وبتعمل test  بلاش تحدد Placement هاتقولي بتفرق ، هاقولك ايوة جدا ، في التكلفة و في التفاعل سواء هي اوتوامتيك او انت حددتها بنفسك.
خامسا انا كنت عامل اكتر من Ad Set جوه نفس الCampaign
وعشان كدا فعلت الCampaign Budget  Optimization ده موجود في بداية ال Campaign وده ساعدني اني اصرف البدجت بتاعتي علي احسن Ad Set جوه ال Campaign.
 
سادسا نوع المحتوي بتاعك بيفرق جدا وزي ما عارفين ان “Content is King” استخدمت اكتر من شكل للمحتوي بتاعي وبعد يومين الكامبين كانت محققه أفضل عائد منها وبالفعل قدرت اغطي مصاريف الأعلان ومكسب عليهم كمان.
سابعا طريقتك في الرد علي العملاء خليني
اقولك انها قادرة تنقلك في مكان تاني اهتم جدا بالجز ده وقولي فرق معاك ازاي.
وبس كدا ياصديقي واتمني اني اكون قدرت
افيدك بمعلومة حتي لو بسيطة 
اسلام محمد