القائمة الرئيسية

الصفحات

كل خدمات جيميل مجمعة في مكان واحد كل خدمات جوجل في مكان واحد

 كل خدمات جيميل مجمعة في مكان واحد

كل خدمات جيميل مجمعة في مكان واحد  كل خدمات جوجل في مكان واحد  تقدر بحسابك علي جوجل تعمل حاجات كتير  لينكات لو مااستخدمتهاش او علي الاقل عرفت قيمتها هتندم




كل خدمات جيميل مجمعة في مكان واحد

كل خدمات جوجل في مكان واحد

تقدر بحسابك علي جوجل تعمل حاجات كتير

لينكات لو مااستخدمتهاش او علي الاقل عرفت قيمتها هتندم

جمعنا ليكوا لينكات هتسهل عليكوا التعامل مع جوجل وانك ماتوهش وسط الزحمه.

التطبيقات والصلاحية

ف لو عايزه تعرف اي التطبيقات اللي اخدت صلاحية من الجميل بتاعك دا اللينك اضغط هنا


الاجهزه المربوطة بالجميل

فلو انت فاتح حسابك من اكتر من جهاز فون ولابتوب او كمبيوتر او اي جهاز تاني سوا بتاعك أو لا،اللينك دا هيعرفك حسابك مفتوح منين وتقدر كمان تحذف الحساب من كل الاجهزه التانية باستثناء الجهاز اللي بتستخدمه .

اللينك هنا


الملف الشخصي


لو عندك مدونة علي بلوجر أو ووردبريس فمهم جدا انك تتحكم في المعلومات المعروضة للناس كنوع من البرسيتج كمان كنوع من المشاركة الفعالة مع الأشخاص المتابعين ببعض المعلومات الشخصية اللي انت حابب انك تشاركها .

والمعلومات أساسية وفرعية بتختلف حسب كل شخص .

ومن خلال اللينك اللي تحت هتقدر تضيف وتحذف أو تقلل عدد المعلومات اللي انت حابب أن الناس تعرفها عنك من خلالك.

اللينك هنا

الوضع الأمني لحسابك

من خلال اللينك اللي هيقابلك كمان شوية هتقدر تعرف هل حسابك مأمن عليه ولا لا .

ودا مهم بحيث أنه يمنع غيرك من إنه يقدر يفتح الحساب أو من أنه يسرقه .

والتأمين على الحساب بيكون من خلال رقم الفون أو الإيميل او ممكن الاتنين مع بعض ودا افضل.

 اللينك من هنا

مشاركة المكان الجغرافي

لو دخلت علي موقع ما أو استخدمت برنامج معين بيحتاج انك تسجل ب الإيميل واديته إذن بتتبع موقعك انت قاعد فين بدون ما تحس أو في لحظه سهو تقدر تعرف من خلال اللينك دا اي البرنامج او الموقع اللي بتتتبعك وتقدر توقف التتبع اللينك هنا

سجل التصفح والمكان واليوتيوب


اليوتيوب بلاتفورم زي جوجل تمام بتاخد منك بيانات طول ما انت موجود عليها  وعشان تمنع يوتيوب من أنه يعمل ارشفه لعميلة البحث بتاعتك أو أنه يعرف مكانك تقدر من خلال اللينك تعمل كدا.اللينك هنا


الأماكن اللي زرتها في خرائط جوجل

من خلال اللينك اللي هنا تقدر تعرف خط سيرك باستخدام خرائط جوجل. اي المكان اللي زرته وزرته متي ؟ يعني نقدر نعتبره Time line  اللينك هنا 


تطبيقات جوجل الرسمية المربوطة بحسابك


إذا كنت عامل تو دو ليست To do lest باستخدام ايميل ومش عارف تحصل عليها أو عايز تعرف نوع الايميل اللي عامل بيه أو تعرف مسجل باي ايميل في برنامج زي goggle keep والتقويم والمذاكرة وغيرها كتير تقدر تعرف من هنا


حذف خدمات أساسية أو حذف حسابك

 اتكلمنا في مقال قبل كدا عن ازاي تحذف حسابك تقدر تشوفها من هنا وهسيبها بردوو في المقالات المقترحة اخر المقال دا .

بس خلينا نقول انه من خلال اللينك دا تقدر انك تحذف خدمه أساسية من حسابك زي أنك تحذف يوتيوب من الجميل أو أنك تحذف الجيميل نفسه.

 اللينك هنا


لربط جيميل بالدخول علي خطوتين

في الوضع الأمني لحسابك اتكلمنا عن النقطة دي بس حبينا نجيب لينك يوصلك انك تربط حسابك برقم الفون أو حساب جيميل اخر او كود او تطبيق بشكل أسرع.

 اللينك هنا

البطاقات البنكية المربوطة بحسابك

معاك اكتر من بطاقة وعندك اكتر من ايميل او حتي لو معاك بطاقة واحده واكتر من ايميل او العكس في كل الحالات انت هتحتاج اللينك اللي احنا جبناه ليك.

لأنه من خلاله هتقدر تعرف البطاقة بتاعتك مربوطة بحساب ولا اكتر وتقدر تحذفها أو تعدل علي الخصائص اللي انت سامح بيها أو تزود بعض الخصائص اللينك هنا

إدارة الاشتراكات

دي نقطةمهمة بخصوص النقطة اللي فوق .

فلو عندك بطاقة رابطها بالحساب وكل شوية بيتسحب منها فلوس وانت مش عارفه فأكيد اللينك دا مهم لأنه من خلاله تقدر تعرف اي اللي بيسحب فلوسك ،اي الخدمه اللي مشترك فيها وبتفضي جيوبك البنكيه اول باول .

وساعتها تقدر تقرر هل فعلا محتاج الخدمة دي ولا لا .

محتاجها اوكيه مش هتحذف الاشتراك بس في حال كنت مش محتاجها وفي نفس الوقت فلوسك ضايعة من خلالها تقدر توقف الإشتراك من اللينك اللي هنا.

عرفت ليه إدارة الاشتراكات مهمة 

مقالات مقترحة

يلا احنا كدا خلصنا مقال اليوم بس انت لسه ما خلصتش.

 ايوه اكيد مش قرأت مقال ازي تحذف حسابك انا عارفه عشان كدا حطيته ليك هو وشوية حلوين استمتع🥳👏

  • ازاي تحذف حسابك بشكل نهائي من هنا 
  • ازي ترجع أرقامك المحذوفه باستخدام حسابك علي الفيسبوك من هنا
  • اهم 25 موقع خرافي علي الإنترنت من هنا
  • ازاي تحمي نفسك من الابتزاز علي السوشيال ميديا من هنا




تعليقات